ຄະນະກວດກາສູນກາງພັກ ແລະ ອົງການກວດກາລັດຖະບານ ດຳເນີນຊີວິດການເມືອງປັບປຸງປົວແປງພັກ


...

    ກອງປະຊຸມດຳເນີນຊີວິດ ການເມືອງປັບປຸງປົວແປງພັກ ທົ່ວອົງຄະນະພັກຄະນະກວດ ກາສູນກາງພັກ ແລະ ອົງການ ກວດກາລັດຖະບານ ໄດ້ໄຂ ຂຶ້ນໃນຕອນເຊົ້າວັນທີ 5 ກໍລະ ກົດນີ້ ໂດຍການເປັນປະທານ ກ່າວໄຂຂອງ ສະຫາຍ ບຸນທອງ ຈິດມະນີ ກຳມະການກົມການ ເມືອງສູນກາງພັກ ເລຂາທິການ ສູນກາງພັກ ປະທານອົງການ ກວດກາສູນກາງພັກ ຮອງນາ ຍົກລັດຖະມົນຕີ ຊຶ່ງມີຄະນະ ປະຈຳພັກ, ຄະນະພັກ, ຄະນະ ໜ່ວຍພັກ ແລະ ສະມາຊິກພັກ ເຂົ້າຮ່ວມຮັບຟັງ. ສະຫາຍ ບຸນທອງ ຈິດມະ ນີ ກ່າວວ່າ: ເພື່ອຮັບປະກັນ ເຮັດໃຫ້ການສືບຕໍ່ຜັນຂະ ຫຍາຍຈັດຕັ້ງປະຕິບັດມະຕິ ກອງປະຊຸມໃຫຍ່ ຄັ້ງທີ X ຂອງ ພັກ ແລະ ແຜນພັດທະນາເສດ ຖະກິດ-ສັງຄົມແຫ່ງຊາດ 5 ປີ ຄັ້ງທີ VIII ເວົ້າລວມ, ເວົ້າສະ ເພາະຢູ່ຄະນະກວດກາສູນກາງ ພັກ ແລະ ອົງການກວດກາລັດ ຖະບານ ພວມສຸມໃສ່ຜັນຂະ ຫຍາຍ ແລະ ຈັດຕັ້ງມະຕິກອງ ປະຊຸມໃຫຍ່ຄັ້ງທີ III ຂອງອົງ ຄະນະພັກຂັ້ນຕົນໃຫ້ກາຍເປັນ ຮູບປະທຳໃນແຕ່ລະດ້ານດ້ວຍ ຄວາມຮັບຜິດຊອບບົນຈິດໃຈ ບຸກທະລຸການດຳເນີນຊີວິດ ການເມືອງຄັ້ງນີ້ ຈຶ່ງມີຄວາມ ສຳຄັນຍິ່ງ, ເປັນຄວາມຕັດສິນ ໃຈຂອງກົມການເມືອງສູນກາງ ພັກ ເພື່ອປະເມີນຄືນຄວາມ ຮັບຜິດຊອບການເມືອງຂອງ ຄະນະພັກແຕ່ລະຂັ້ນ ແລະ ການປະຕິບັດໜ້າທີ່ຂອງສະ ມາຊິກພັກ ໃນການນຳພາຈັດ ຕັ້ງປະຕິບັດມະຕິກອງປະຊຸມ ໃຫຍ່ ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ຂອງອົງ ຄະນະພັກຂັ້ນຕົນ, ການດຳ ເນີນຊີວິດການເມືອງປັບປຸງປົວ ແປງພັກ ແມ່ນຄວາມຈຳເປັນ ພາວະວິໄສ ແມ່ນຄວາມຮຽກ ຮ້ອງຕ້ອງການອັນຮີບດ່ວນ ເພື່ອກູ້ຄືນຄວາມສັດທາຂອງ ປະຊາຊົນຕໍ່ພັກ, ປັບປຸງເຊີດຊູ ສະຕິຄວາມຮັບຜິດຊອບຂອງ ຄະນະພັກ, ສະມາຊິກພັກ, ໃນ ການເຄົາລົບ ແລະ ປະຕິບັດ ຫຼັກການຂອງພັກ, ກົດໝາຍ ຂອງລັດ, ແກ້ໄຂປະກົດການ ຫຍໍ້ທໍ້ຕ່າງໆຢູ່ໃນພັກ ເປັນຕົ້ນ ການຖືເບົາຝຶກຝົນຫຼໍ່ຫຼອມຕົນ ເອງ, ການເສື່ອມຄຸນປ່ຽນທາດ, ພະຍາດອາດຍາສິດ, ເອກະ ຊົນ, ຫ່າງເຫີນຕົວຈິງ, ສວຍໃຊ້ ໜ້າທີ່ ເພື່ອຜົນປະໂຫຍດສ່ວນ ຕົວ, ສໍ້ລາດບັງຫຼວງ, ການລະ ເມີດລະບຽບກົດໝາຍ ແລະ ບັນຫາອື່ນໆ ທີ່ພວມປະກົດ ຂຶ້ນຢ່າງແຜ່ຫຼາຍຢູ່ພາຍໃນພັກ ເວົ້າລວມ, ເວົ້າສະເພາະກໍຄືຢູ່ ໃນຂອບເຂດຂະແໜງການ ກວດກາຂອງພວກເຮົາ. ດັ່ງນັ້ນ ຈຶ່ງຮຽກຮ້ອງໃຫ້ ບັນດາສະຫາຍຄະນະພັກ, ສະ ມາຊິກພັກ ຈົ່ງເຊີດຊູຄວາມ ຮັບຜິດຊອບສູງ ສຸມສະຕິປັນ ຍາເຂົ້າໃນການຄົ້ນຄວ້າເຊື່ອມ ຊຶມ, ປະກອບຄຳເຫັນຕໍ່ເນື້ອ ໃນຕ່າງໆ, ຍົກສູງສະຕິເປັນ ເຈົ້າການເສີມຂະຫຍາຍປະຊາ ທິປະໄຕ ໃນການຕຳນິຕິຊົມຊຶ່ງ ກັນ ແລະ ກັນຢ່າງເລິກເຊິ່ງ, ກົງໄປກົງມາມີລັກສະນະສ້າງ ສັນ ເພື່ອແນໃສ່ເຮັດໃຫ້ການ ດຳເນີນຊີວິດການເມືອງປັບປຸງ ປົວແປງພັກໃນຄັ້ງນີ້ ໄດ້ຮັບ ຜົນສຳເລັດຕາມລະດັບຄາດ ໝາຍທີ່ກຳນົດໄວ້. (ພາບ: ນ.ແສງຈັນ, ຂ່າວ: ພູວຽງຄຳ)