ກະຊວງ ຖວທ ສຳເລັດບັ້ນດຳເນີນຊີວິດ ການເມືອງປັບປຸງປົວແປງພັກ ໄລຍະ 2


...

    ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ອັດກອງປະຊຸມບັ້ນ ດຳເນີນຊີວິດການເມືອງປັບ ປຸງປົວແປງພັກ ຂອງອົງຄະນະ ພັກກະຊວງ ໄລຍະ 2 ເມື່ອວັນ ທີ 4 ກໍລະກົດນີ້ ທີ່ຫໍວັດທະນະ ທຳແຫ່ງຊາດ, ພາຍໃຕ້ການ ເປັນປະທານຂອງ ສະຫາຍ ບໍ່ແສງຄຳ ວົງດາລາ ກຳມະ ການສູນກາງພັກ ເລຂາຄະນະ ພັກ ລັດຖະມົນຕີກະຊວງຖະແຫຼງ ຂ່າວ, ວັດທະນະທຳ ແລະ ທ່ອງທ່ຽວ ໂດຍໃຫ້ກຽດເຂົ້າ ຮ່ວມຂອງ ສະຫາຍ ກິແກ້ວ ໄຂຄຳພິທູນ ຄະນະເລຂາທິ ການສູນກາງພັກ ຫົວໜ້າຄະ ນະໂຄສະນາອົບຮົມສູນກາງ ພັກ ຄະນະຮັບຜິດຊອບບັ້ນດຳ ເນີນຊີວິດການເມືອງປັບປຸງ ປົວແປງທົ່ວພັກ ປີ 2017, ມີ ບັນດາຄະນະພັກກະຊວງ, ຫົວ ໜ້າກົມ, ເລຂາຄະນະພັກຮາກ ຖານ ແລະ ເລຂາໜ່ວຍພັກ ເຂົ້າຮ່ວມ. ສະຫາຍ ກິແກ້ວ ໄຂຄຳພິ ທູນ ໄດ້ກ່າວໂອ້ລົມ ແລະ ຮຽກ ຮ້ອງໃຫ້ພິຈາລະນາສຸມໃສ່ວຽກ ງານໃຫຍ່ຈຳນວນໜຶ່ງດັ່ງນີ້: ໃຫ້ສຸມຈິດສຸມໃຈ, ສຸມ ສະຕິປັນຍາ, ເຫື່ອແຮງ ເຂົ້າໃນ ວຽກງານຖະແຫຼງຂ່າວ-ວັດທະ ນະທຳໃນເງື່ອນໄຂໃໝ່, ອັນ ສຳຄັນ ແລະ ຮີບດ່ວນທີ່ສຸດ ແມ່ນຕ້ອງໄດ້ຫາມາດຕະ ການ, ຫາທິດທາງ ເພື່ອປັບປຸງ ຕົນເອງ, ປັບປຸງຄະນະພັກ, ຄະນະນຳ, ພາຍໃນຄະນະ ພັກ ແລະ ບຸກຄົນໃຫ້ມີຄວາມ ຮູ້, ສາມາດແບກຫາບໜ້າທີ່ ການເມືອງ, ປັບປຸງໃຫ້ການຈັດ ຕັ້ງ ແລະ ບຸກຄົນໃຫ້ມີຄວາມ ໜັກແໜ້ນເຂັ້ມແຂງຂຶ້ນໃນແຕ່ ລະຂັ້ນ ເຮັດແນວໃດໃຫ້ວຽກ ງານເດີນແມ່ນແລ່ນສະດວກ ມີປະສິດທິຜົນດີຂຶ້ນກວ່າເກົ່າ. ສືບຕໍ່ເສີມຂະຫຍາຍມູນ ເຊື້ອ ແລະ ຜົນງານທີ່ຍາດມາ ໄດ້ໃນໄລຍະຜ່ານມານັ້ນ ສືບ ຕໍ່ຢຶດໝັ້ນມະຕິກອງປະຊຸມ ໃຫຍ່ ຄັ້ງທີ X ຂອງພັກ ເພື່ອ "ຍົກສູງຄວາມສາມາດນຳພາ ແລະ ລັກສະນະນຳໜ້າຂອງ ພັກ" ຕັ້ງໜ້າປຸກລະດົມກຳລັງ ແຮງສັງລວມພາຍໃນຄະນະ ພັກ, ຄະນະນຳຂັ້ນຕ່າງໆ ລວມທັງພະນັກງານສະມາຊິກ ພັກ, ພະນັກງານ-ລັດຖະກອນ ທົ່ວກະຊວງ ເພື່ອເປັນເຈົ້າ ການ ແລະ ເປັນກະບອກສຽງ ໃຫ້ແກ່ພັກ-ລັດ ຢ່າງແທ້ຈິງ. ຕັ້ງໜ້າຍົກສູງຄຸນທາດ ການເມືອງ, ຄຸນສົມບັດສິນທຳ ປະຕິວັດ, ຄວາມຈົງຮັກພັກດີ, ຄວາມຕັ້ງຕໍ່ບໍລິສຸດ-ຊື່ສັດ ໃນ ການຮັບໃຊ້ປະເທດຊາດ, ຮັບ ຮູ້ແນວທາງການເມືອງຂອງ ພັກ, ເປັນກຳລັງແຮງທາງດ້ານ ການເມືອງ ແລະ ເພື່ອປະກອບ ສ່ວນສ້າງໃຫ້ປະເທດເຮົາຫຼຸຸດ ພົ້ນອອກຈາກປະເທດດ້ອຍ ພັດທະນາ ແລະ ສ້າງໃຫ້ຊີວິດ ການເປັນຢູ່ຂອງປະຊາຊົນໄດ້ ຮັບການປັບປຸງໃຫ້ດີຂຶ້ນຢ່າງ ແທ້ຈິງ. ແຕ່ລະສະຫາຍໃນຄະ ນະພັກ ຕ້ອງໄດ້ເຊີດຊູຄວາມ ຮັບຜິດຊອບການເມືອງ, ເພີ່ມ ທະວີຄວາມເປັນເຈົ້າການ, ຄວາມເປັນແບບຢ່າງນຳໜ້າ ໃນການປະຕິບັດກົດລະບຽບ ຂອງພັກ, ລະບຽບກົດໝາຍ ຂອງລັດຢ່າງເຂັ້ມງວດ. ເອົາໃຈໃສ່ຊຸກຍູ້, ສົ່ງເສີມ ຫົວຄິດປະດິດສ້າງ ຂອງອົງ ການຈັດຕັ້ງມະຫາຊົນເຂົ້າໃນ ການຈັດຕັ້ງຜັນຂະຫຍາຍ ແນວທາງນະໂຍບາຍຂອງພັກ- ລັດ ກໍຄືການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກກະຊວງ, ສ້າງຂະບວນການດ້ານວິຊາ ສະເພາະໃຫ້ດີ, ມີສະມາຊິກ ພັກແຂງ-ຮູ້ນຳພາຮອບດ້ານ ແລະ ພະນັກງານດີເດັ່ນ ໃນ ຂະບວນການວຽກງານຕົວຈິງ ໃຫ້ຫຼາຍ ເພື່ອປະກອບສ່ວນ ເຂົ້າໃນຂະບວນການແຂ່ງຂັນຮັກ ຊາດ ແລະ ພັດທະນາໃນຕໍ່ໜ້າ. ຕັ້ງໜ້າເຂົ້າຮ່ວມຂະບວນ ການເປີດກວ້າງການເຊື່ອມ ໂຍງກັບສາກົນ ແລະ ພາກ ພື້ນ ທີ່ເປັນທ່າອ່ຽງຂອງໂລກ ປັດຈຸບັນຢ່າງເປັນເຈົ້າການ ເພື່ອຜົນປະໂຫຍດຂອງຊາດ.