ສາຍພົວພັນລາວ-ມາຣົກ ກ້າວສູ່ມິດຕະພາບ


...

    ເພື່ອລະນຶກເຖິງການສ້າງ ສາຍພົວພັນທາງການທູດຄົບ ຮອບ 20 ປີ ລະຫວ່າງ ສປປ ລາວ ແລະ ມາຣົກ, ສະຖາບັນ ການຕ່າງປະເທດ, ກະຊວງ ການຕ່າງປະເທດໄດ້ຈັດປາ ຖະກະຖາພາຍໃຕ້ຫົວຂໍ້ "ສາຍ ພົວພັນລະຫວ່າງ ສປປ ລາວ ແລະ ມາຣົກ ການກ້າວໄປສູ່ ສາຍພົວພັນແບບມິດຕະພາບ" ຂຶ້ນໃນວັນທີ 5 ກໍລະກົດນີ້ ຊຶ່ງມີທ່ານ ອັບເດລີລາ ແອລ ຮຸສນີ (Abdelilah El Housni) ເອກອັກຄະລັດຖະທູດ ມາຣົກ ປະຈຳ ສປປ ລາວ ໃຫ້ກຽດຂຶ້ນ ບັນຍາຍພາຍໃຕ້ຫົວຂໍ້ດັ່ງກ່າວ. ມີພະນັກງານ-ລັດຖະກອນ ຈາກກະຊວງ-ອົງການທຽບ ເທົ່າເຂົ້າຮ່ວມຮັບຟັງ. ທ່ານ ທ່ຽງ ບຸບຜາ ຫົວໜ້າ ສະຖາບັນການຕ່າງປະເທດ ໄດ້ສະແດງຄວາມຂອບໃຈຕໍ່ ທ່ານທູດ ທີ່ໄດ້ສະຫຼະເວລາ ອັນມີຄ່າຂຶ້ນບັນຍາຍຫົວ ຂໍ້ທີ່ ເປັນປະໂຫຍດທົບທວນຄືນ ເຖິງສາຍພົວພັນທາງດ້ານການ ທູດ ຊຶ່ງສອງປະເທດ ສປປ ລາວ ແລະ ມາຣົກ ໄດ້ຕົກ ລົງສ້າງຕັ້ງສາຍພົວພັນທາງ ການທູດນຳກັນ ໃນວັນທີ 30 ມັງກອນ 1997 ຕະຫຼອດສອງ ທົດສະວັດຜ່ານມາການພົວ ພັນອັນເຕັມໄປດ້ວຍມິດໄມ ຕີທີ່ດີຕໍ່ກັນອັນສະແດງອອກ ທາງດ້ານຮູບປະທຳເຊັ່ນ: ການ ຮ່ວມມືຊ່ວຍເຫຼືອກັນ ແລະ ສະໜັບສະໜູນເຊິ່ງກັນ ແລະ ກັນໃນເວທີສາກົນ ແລະ ພາກ ພື້ນ, ຕະຫຼອດເຖິງການແລກ ປ່ຽນຄະນະຜູ້ແທນຂັ້ນສູງຕໍ່ກັນ ຢ່າງເປັນປະຈຳ. ທ່ານທູດໄດ້ແຈ້ງໃຫ້ຮູ້ ກ່ຽວກັບນະໂຍບາຍການຕ່າງ ປະເທດຂອງປະເທດມາຣົກ ແລະ ສາຍພົວພັນແບບມິດ ຕະພາບອັນດີງາມທີ່ມີມາແຕ່ ດົນລະຫວ່າງສອງປະເທດ ມາ ຣົກ ແລະ ສປປ ລາວ ແລະ ຈະພະຍາຍາມຜັນຂະຫຍາຍ ໃຫ້ແຕກດອກອອກຜົນ, ເສີມ ສ້າງສາຍພົວພັນມິດຕະພາບ ໃຫ້ຈະເລີນງອກງາມຂຶ້ນໃນ ອະນາຄົດ. ຜ່ານມາມາຣົກ ໄດ້ ໃຫ້ທຶນການຝຶກອົບຮົມດ້ານ ການທູດໃຫ້ແກ່ພະນັກງານ ກະຊວງການຕ່າງປະເທດຈຳ ນວນໜຶ່ງ, ໃຫ້ທຶນຝຶກອົບຮົມ ແກ່ພະນັກງານລາວໃນບາງ ຂະແໜງການ, ຊ່ວຍກໍ່ສ້າງ ໂຮງຮຽນປະຖົມສອງແຫ່ງຢູ່ ແຂວງຈຳປາສັກ ແລະ ແຂວງ ອຸດົມໄຊ ແລະ ຍັງຈະສືບຕໍ່ ໃຫ້ການຮ່ວມມືຊ່ວຍເຫຼືອອີກ ໃນອະຄົດ.