ຜູ້ນຳພັກ-ລັດ ຮ່ວມຕັກບາດ ໃນງານບຸນນະມັດສະການພະທາດຫຼວງ


...

    

ເນື່ອງໃນໂອກາດງານບຸນນະມັດສະການພະທາດຫຼວງ ປະຈຳປີ 2017 ບັນດາທ່ານຜູ້ນຳພັກ-ລັດ ນຳໂດຍທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ພ້ອມດ້ວຍການນຳພັກ-ລັດຂັ້ນສູງ, ບັນດາທູຕານຸທູດ, ອົງການ ຈັດຕັ້ງສາກົນ ປະຈຳລາວ, ແຂກພາຍໃນ ແລະ ຕ່າງປະເທດ, ອຳນາດການປົກຄອງ ແລະ ມວນຊົນຊາວນະຄອນຫຼວງວຽງຈັນ ຕະຫຼອດ ຮອດຊາວລາວໃນຂອບເຂດ ທົ່ວປະເທດເປັນຈຳນວນຫຼວງຫຼາຍ ໄດ້ພ້ອມໃຈກັນເຂົ້າຮ່ວມພິທີຕັກບາດໄຫວ້ພະຮັບສິນ ແລະ ຟັງທຳ ມະເທດສະໜາ, ຖວາຍສັງຄະ ທານ, ຢາດນ້ຳຕາມຮີດຄອງ ປະເພນີ ທີ່ເຄີຍປະຕິບັດສືບ ທອດກັນມາຫຼາຍເຊັ່ນຄົນ. ພິທີດັ່ງກ່າວໄດ້ຈັດຂຶ້ນໃນ ຕອນເຊົ້າຂອງວັນທີ 3 ພະຈິກ ນີ້ ຊຶ່ງເປັນມື້ສຸດທ້າຍຂອງງານ ບຸນນະມັດສະການພະທາດ ຫຼວງ ແລະ ກົງກັບມື້ຂຶ້ນ 15 ຄ່ຳເດືອນ 12 ພສ 2560 ທີ່ ເດີ່ນພະທາດຫຼວງວຽງຈັນ. ສຳລັບງານບຸນນະມັດ ສະການພະທາດຫຼວງປີນີ້ ນອກຈາກມີການຕັກບາດ ຖວາຍສັງຄະທານແດ່ພະສົງ ສາມະເນນແລ້ວ ຍັງມີກິດຈະ ກຳອື່ນໆ ຕາມຮີດຄອງປະເພນີ ອີກດ້ວຍ ໂດຍສະເພາະໃນ ຕອນບ່າຍຂອງມື້ສຸດທ້າຍຂອງ ງານບຸນ ກໍໄດ້ມີພິທີແຂ່ງຂັນກິ ລາຕີຄີ ແລະ ໃນຕອນຄ່ຳ ກໍໄດ້ ມີພິທີວຽນທຽນບູຊາພະທາດ ຫຼວງ ຊຶ່ງທັງໝົດນັ້ນ ແມ່ນການ ປະຕິບັດຂະໜົບທຳນຽມ ຮີດ ຄອງປະເພນີ-ວັດທະນະທຳ ອັນດີງາມຂອງບັນພະບູລຸດ ທີ່ ເຄີຍສືບທອດກັນມາແຕ່ຫຼາຍ ເຊັ່ນຄົນໃຫ້ຄຽງຄູ່ຢູ່ກັບຄົນ ລາວຕະຫຼອດກາລະນານ. ພິເສດ, ອີກອັນໜຶ່ງສຳລັບ ງານບຸນນະມັດສະການພະ ທາດຫຼວງປີນີ້ ມີບັນຍາກາດ ຄຶກຄື້ນມ່ວນຊື່ນກວ່າທຸກໆປີ ຜ່ານມາ ໂດຍມີມວນຊົນໃຫ້ ຄວາມສົນໃຈ ແລະ ເຂົ້າຮ່ວມ ງານບຸນເປັນຈຳນວນຫຼວງຫຼາຍ ອັນສຳຄັນແມ່ນໄດ້ສຳເລັດ ການປະຕິສັງຂອນພະທາດ ຫຼວງວຽງຈັນ ຄັ້ງທີ IV ຊຶ່ງເປັນ ມິ່ງຂວັນຂອງຊາດລາວ ຊຶ່ງມີ ອາຍຸຄົບຮອບ 451 ປີພໍດີ ແລະ ພ້ອມດຽວກັນນີ້ ລັດຖະບານ ສປປ ລາວ ຍັງຖືໂອກາດເອົາ ງານບຸນນະມັດສະການພະ ທາດຫຼວງວຽງຈັນ ເປີດປີທ່ອງ ທ່ຽວລາວ 2018 ໄປພ້ອມໆ ກັນ ເພື່ອໂຄສະນາດຶງດູດການ ທ່ອງທ່ຽວຕາມຄຳຂວັນທີ່ວ່າ: ທ່ອງທ່ຽວເມືອງລາວ, ຮຽນຮູ້ ປະຫວັດສາດ, ຊື່ນຊົມທຳມະ ຊາດ ແລະ ອະນຸລັກສົ່ງເສີມ ວັດທະນະທຳ. (ຂ່າວ: ພູວັນ)