ທ່ານນາຍົກລັດຖະມົນຕີຢ້ຽມຢາມແຂວງບໍ່ແກ້ວ


...

    

ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍ ພັນລະຍາ ແລະ ຄະນະໄດ້ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ ເມື່ອ ວັນທີ 3 ພະຈິກຜ່ານມານີ້ ຊຶ່ງມີ ທ່ານ ຄຳພັນ ເຜີຍຍະວົງ ເຈົ້າ ແຂວງບໍ່ແກ້ວ, ມີບັນດາຮອງເຈົ້າ ແຂວງ, ຄະນະພັກ-ຄະນະນຳ ແຂວງ, ພະແນກການ, ອຳນາດ ການປົກຄອງທ້ອງຖິ່ນ ແລະ ປະຊາຊົນບັນດາເຜົ່າໃນແຂວງ ໃຫ້ການຕ້ອນຮັບຢ່າງອົບອຸ່ນ. ໂອກາດນີ້, ທ່ານ ຄຳພັນ ເຜີຍຍະວົງ ໄດ້ລາຍງານໃຫ້ ຊາບກ່ຽວກັບສະພາບການນຳ ພາ ພັດທະນາຂອງແຂວງ ໃນ ໄລຍະຜ່ານມາ ໂດຍສະເພາະ ແມ່ນສະພາບທາງດ້ານການ ເມືອງ-ແນວຄິດ, ໄດ້ສຸມໃສ່ຊີ້ ນຳພາປັບປຸງກໍ່ສ້າງພັກຕາມ 5 ຫຼັກການ 3 ທິດນຳ, ພ້ອມກັນ ເປີດບັ້ນດຳເນີນຊີວິດການ ເມືອງ ປັບປຸງປົວແປງທົ່ວອົງຄະນະ ພັກແຂວງ ປະຈຳປີ 2017 ຕາມຄຳສັ່ງເລກທີ 01 ຂອງກົມ ການເມືອງສູນກາງພັກ, ໄດ້ ສຳເລັດການດຳເນີນກອງປະ ຊຸມສະພາປະຊາຊົນແຂວງ ສະໄໝສາມັນ ຄັ້ງທີ 3 ສະໄໝ ທີ I , ສືບຕໍ່ຫັນລົງກໍ່ສ້າງຮາກ ຖານການເມືອງ ແລະ ພັດທະ ນາຊົນນະບົດຮອບດ້ານ, ສຳ ລັບດ້ານການພັດທະນາເສດ ຖະກິດ-ສັງຄົມ ແມ່ນໄດ້ເອົາໃຈ ໃສ່ຈັດຕັ້ງບັນດາໂຄງການລົງ ທຶນຂອງລັດ ຄຽງຄູ່ກັບການຍາດ ແຍ່ງດຶງດູດການລົງທຶນ, ການ ປະກອບສ່ວນ ຈາກພາກສ່ວນ ເສດຖະກິດຕ່າງໆດ້ວຍຫຼາຍ ຮູບການ, ທັງໄດ້ຈັດກອງປະຊຸມ ສຳມະນາສົ່ງເສີມການທ່ອງ ທ່ຽວ ແລະ ດຳເນີນກອງປະຊຸມ ພົບປະລະຫວ່າງອົງການປົກ ຄອງແຂວງກັບພາກທຸລະກິດຕິດພັນກັບ ການຈັດງານຕະຫຼາດນັດ ວາງສະແດງສິນຄ້າ, ສົ່ງເສີມ ການຜະລິດ ແລະ ເປີດກ້ວາງ ຕະຫຼາດຈຳໜ່າຍສິນຄ້າ ເຮັດ ໃຫ້ເສດຖະກິດຂອງແຂວງ ໄດ້ ຮັບການພັດທະນາຢ່າງຕໍ່ເນື່ອງ ແລະ ຖືກທິດ ລວມຍອດຜະ ລິດຕະພັນພາຍໃນ ( GDP ) ສາມາດບັນລຸໄດ້ 2.486 ຕຶ້ກວ່າ ກີບ, ຂະຫຍາຍຕົວໃນລະດັບ 7,3% ລາຍຮັບສະເລ່ຍໄດ້ 1.652 ໂດລາສະຫະລັດຕໍ່ຄົນ ຕໍ່ປີ ຖ້າທຽບໃສ່ແຜນການປະຕິ ບັດໄດ້ 93%, ການລົງທຶນ ຂອງລັດ ທີ່ໄດ້ຮັບການອະນຸ ມັດຈາກສະພາແຫ່ງຊາດ ມີ 120 ໂຄງການ ມູນຄ່າ 113 ຕຶ້ກ່ວາກີບ, ຈັດຕັ້ງປະຕິບັດຕົວ ຈິງ 104 ໂຄງການ ມູນຄ່າ 37 ຕື້ກວ່າກີບ ເທົ່າກັບ 90% ຂອງແຜນການປີ, ດ້ານການ ຈັດຕັ້ງປະຕິບັດແຜນງົບປະ ມານໃນ 10 ເດືອນຕົ້ນປີ ສາມາດຈັດເກັບລາຍຮັບໄດ້ 68 ຕື້ກວ່າກີບ ເທົ່າກັບ 74,29% ຂອງແຜນການປີ ແລະ ດ້ານ ອື່ນໆ. ໂອກາດດັ່ງກ່າວ ທ່ານນາ ຍົກລັດຖະມົນຕີ ໄດ້ສະແດງ ຄວາມຊົມເຊີຍ ຕໍ່ບັນດາຜົນ ງານທີ່ຄະນະພັກ - ຄະນະນຳ ແຂວງ ໄດ້ພ້ອມພຽງຮຽງໜ້າ ກັບພໍ່ແມ່ປະຊາຊົນແຂວງບໍ່ ແກ້ວ ບຸກບືນພັດທະນາບັນດາ ພື້ນຖານໂຄງລ່າງ ແລະ ປັດໄຈ ຕ່າງໆ ເຮັດໃຫ້ແຂວງບໍ່ແກ້ວ ມີໃບໜ້າອັນໃໝ່ຂຶ້ນມາຢ່າງ ຫຼວງຫຼາຍພ້ອມນີ້, ທ່ານຍັງໄດ້ ຍົກໃຫ້ເຫັນສະພາບການພົ້ນ ເດັ່ນທີ່ເກີດຂຶ້ນໃນພາກພື້ນ ແລະ ສາກົນອັນເປັນຜົນກະ ທົບທາງດ້ານບວກ ແລະ ດ້ານ ລົບຕໍ່ປະເທດເຮົາ. ຍົກໃຫ້ເຫັນ ໝາກຜົນຂອງການຈັດຕັ້ງ ປະຕິບັດວຽກງານໃນໄລຍະ ຊຸມປີທີ່ຜ່ານມາຂອງຄະນະ ລັດຖະບານ ຊຸດທີ VIII ທີ່ໄດ້ ລາຍງານຕໍ່ກອງປະຊຸມສະໄໝ ສາມັນ ເທື່ອທີ 4 ຂອງສະພາ ແຫ່ງຊາດ ຊຸດທີ VIII, ສຳລັບ 2018 ກໍຍັງມີບັນດາສິ່ງທ້າທາຍ ຕ່າງໆ ທີ່ຈະຕ້ອງເອົາໃຈໃສ່ ເປັນຕົ້ນການແກ້ໄຂຄວາມທຸກ ຍາກໃນໄລຍະ 2 ປີ ຂ້າງໜ້າ ທີ່ຈະຕ້ອງໄດ້ມີການສະຫຼຸຸບ ຕີລາຄາຄືນ. ໃນຂະນະທີ່ດ້ານ ເສດຖະກິດກໍ່ຍັງພົບບັນຫາ ຂໍ້ຫຍຸ້ງຍາກຫຼາຍປະການ. ດັ່ງນັ້ນ, ບັນດາຂະແໜງການ ແລະ ທ້ອງຖິ່ນຕ້ອງໄດ້ພ້ອມກັນ ແກ້ໄຂບັນດາກົນໄກ ແລະ ກວດກາຄືນການຈັດຕັ້ງປະຕິ ບັດວຽກງານ ໃນແຕ່ລະຂົງເຂດ ຖ້າຕິດຂັດຢູ່ຈຸດໃດໃຫ້ແກ້ ໄຂຢູ່ຈຸດນັ້ນກ້າວໄປສູ່ການບໍ ລິຫານວຽກງານໃຫ້ດີຂຶ້ນ ເປັນກ້າວໆສ່ວນແຂວງບໍ່ ແກ້ວເປັນແຂວງ ທີ່ໄດ້ສ້າງພື້ນ ຖານອັນໜັກແໜ້ນ ແລະ ມີ ເງື່ອນໄຂສະດວກຫຼາຍດ້ານກໍ ຂໍໃຫ້ເປັນຕົວຢ່າງໃນການ ຈັດຕັ້ງປະຕິບັດ ບັນດານິຕິກຳ ກໍ່ຄືປະຕິບັດບັນ ດານິຕິກຳກໍ່ ຄືແນວທາງນະໂຍບາຍຂອງ ພັກ ແລະ ລັດຖະບານວາງອອກ ໃນແຕ່ລະໄລຍະອັນເປັນການ ສ້າງຄວາມເຊື່ອໝັ້ນໃຫ້ແກ່ ປະຊາຊົນໃຫ້ພ້ອມກັນປົດ ປ່ອຍສິ່ງທີ່ຕິດຂັດ ໂດຍການ ຈັດຕັ້ງປະຕິບັດ 3 ເປີດຄື: ເປີດປະຕູ, ເປີດສິ່ງກີດ ຂວາງ ແລະ ເປີດໃຈ ເພື່ອດຶງດູດການ ລົງທຶນແຕ່ກໍ່ຕ້ອງມີການຕິດ ຕາມກວດກາຄືນໃນບັນດາ ໂຄງການລົງທຶນເຫຼົ່ານັ້ນ ເພື່ອ ເຮັດໃຫ້ຕ່າງຝ່າຍ ຕ່າງໄດ້ຮັບ ຜົນປະໂຫຍດ ໂດຍສະເພາະ ປະຊາຊົນຢູ່ໃນທ້ອງຖິ່ນຊຸກຍູ້ ໃຫ້ປະຊາຊົນ ຮູ້ທຳມາຫາກິນ ດ້ວຍວິທີການໃໝ່ ຮູ້ທຳການ ຜະລິດ - ຮູ້ຄ້າຂາຍ ຕາມກົນ ໄກຕະຫຼາດ ປົດປ່ອຍການຮັກ ສາເດີມ ໄປສູ່ແນວຄິດໃໝ່. ( ຂ່າວ: ສນຍ )