ສຳມະນາວິທະຍາສາດການປະຕິວັດ ເດືອນຕຸລາຣັດເຊຍ ຄົບຮອບ 100 ປີ


...

    

ຄະນະໂຄສະນາອົບຮົມ ສູນກາງພັກ ຮ່ວມກັບ ສະຖາ ບັນການເມືອງ ແລະ ການປົກ ຄອງແຫ່ງຊາດ ແລະ ສະຖາບັນ ວິທະຍາສາດສັງຄົມແຫ່ງຊາດ ໄດ້ຈັດກອງປະຊຸມສຳມະນາ ວິທະຍາສາດ ມະຫາປະຕິວັດ ສັງຄົມນິຍົມເດືອນຕຸລາ ຣັດເຊຍ ຄົບຮອບ 100 ປີ (7/ 11/1917 - 7/11/2017) ຈັດ ຂຶ້ນໃນວັນທີ 3 ພະຈິກ ທີ່ສະ ຖາບັນການເມືອງ - ການປົກ ຄອງແຫ່ງຊາດ (ສມປຊ), ພາຍ ໃຕ້ການເປັນປະທານຂອງ ທ່ານ ກິແກ້ວ ໄຂຄຳພິທູນ ເລ ຂາທິການສູນກາງພັກ ຫົວໜ້າ ຄະນະໂຄສະນາອົບຮົມສູນ ກາງພັກ, ທ່ານ ທອງສະລິດ ມັງໜໍ່ເມກ ກຳມະການສູນກາງ ພັກ ຫົວໜ້າສະຖາບັນການ ເມືອງ ແລະ ການປົກຄອງແຫ່ງ ຊາດ, ມີພາກສ່ວນກ່ຽວຂ້ອງ ເຂົ້າຮ່ວມ. ໃນກອງປະຊຸມສຳມະນາ ຄັ້ງນີ້ ບັນດາຜູ້ເຂົ້າຮ່ວມໄດ້ຮັບ ຟັງການບັນຍາຍກ່ຽວກັບ 100 ປີມະຫາປະຕິວັດສັງຄົມນິຍົມ ເດືອນຕຸລາ ຣັດເຊຍ ແລະ ລັດ ທິສັງຄົມນິຍົມເປັນຈິງ - ຄຸນຄ່າ ປະຫວັດສາດ ແລະ ຄວາມ ໝາຍຍຸກສະໄໝຂອງມັນ, ຕໍ່ ພາລະກິດປະຕິວັດປະເທດ ເຮົາ, ຄວາມໝາຍປະຫວັດ ສາດ ແລະ ຍຸກສະໄໝຂອງ ການປະຕິວັດສັງຄົມນິຍົມ ເດືອນຕຸລາ ຣັດເຊຍ, ຜົນສະ ທ້ອນຂອງການປະຕິວັດສັງຄົມ ນິຍົມເດືອນຕຸລາ ຣັດເຊຍ ຕໍ່ ການປະຕິວັດລາວ, ການຢຶດ ໝັ້ນຈຸດໝາຍສັງຄົມນິຍົມຂອງ ບັນດາປະເທດສັງຄົມນິຍົມ ແລະ ພັກ ປະຊາຊົນ ປະຕິວັດ ລາວ ຢຶດໝັ້ນຈຸດໝາຍສັງຄົມ ນິຍົມ. ທ່ານ ກິແກ້ວ ໄຂຄຳພິທູນ ໄດ້ກ່າວວ່າ: ກ່ອນໜ້ານີ້ 100 ປີ ວັນທີ 7/11/1917 ພາຍໃຕ້ ການນຳພາຂອງພັກ ໂບນເຊ ວິກ ໂດຍມີ ວ. ອີ ເລນິນ ເປັນຜູ້ ນຳໜ້າມະຫາປະຕິວັດສັງຄົມ ນິຍົມເດືອນຕຸລາ ຣັດເຊຍໄດ້ ລະເບີດຂຶ້ນ ຊຶ່ງໄດ້ກາຍເປັນ ເຫດການສັ່ນສະເທືອນໄປທົ່ວ ໂລກ, ເປັນບາດລ້ຽວອັນຍິ່ງ ໃຫຍ່ ໃນຂະບວນວິວັດການຂະ ຫຍາຍຕົວຂອງມວນມະນຸດ ໄຊຊະນະຂອງການປະຕິວັດ ເດືອນຕຸລາ ຣັດເຊຍ ໄດ້ທັບ ມ້າງແອກກົດຂີ່ຂູດຮີດຂອງລະ ບອບສັກດີນາ ແລະ ລັດທິທຶນ ນິຍົມຢູ່ຣັດເຊຍ ເຮັດໃຫ້ປົດ ປ່ອຍຊົນຊັ້ນກຳມະກອນ ແລະ ຊາວຜູ້ອອກແຮງງານຫຼຸຸດພົ້ນ ຈາກຊາຕາກຳ ຖືກກົດຂີ່ຂູດຮີດ ກ້າວຂຶ້ນກາຍເປັນຊົນຊັ້ນກຳ ອຳນາດ ເພື່ອປະຕິບັດຕາມ ຄວາມມຸ່ງມາດປາຖະໜາທີ່ ຢາກມີລະບອບສັງຄົມທີ່ບໍ່ມີ ຄົນຂູດຮີດຄົນ ແລະ ປະຊາຊົນ ກາຍເປັນເຈົ້າຂອງສັງຄົມ, ເປັນ ເຈົ້າຂອງປະເທດຊາດຢ່າງແທ້ ຈິງ, ໄຊຊະນະຂອງການປະຕິ ວັດເດືອນຕຸລາ ຣັດເຊຍໄດ້ກາຍ ເປັນເຫດການປະຫວັດສາດທີ່ ຍິ່ງໃຫຍ່ຂອງມວນມະນຸດໃນ ສະຕະວັດທີ XX ໄຂຍຸກສະໄໝໃໝ່ - ຍຸກສະໄໝແຫ່ງການ ຂ້າມຜ່ານຈາກລັດທິທຶນນິຍົມ ໄປສູ່ສັງຄົມນິຍົມໃນຂອບເຂດ ທົ່ວໂລກ. ທ່ານຍັງໄດ້ກ່າວອີກວ່າ: ສຳລັບ ສປປ ລາວ ພາຍໃຕ້ ແສງສະຫວ່າງຂອງມະຫາປະ ຕິວັດສັງຄົມນິຍົມ ເດືອນຕຸລາ ຣັດເຊຍ ພາຍໃຕ້ການນຳພາ ອັນສະຫຼາດສ່ອງໃສຂອງພັກ ປະຊາຊົນ ປະຕິວັດລາວ ອັນມີ ປະທານ ໄກສອນ ພົມວິຫານ ເປັນແກນນຳນັ້ນ ໄດ້ເຮັດໃຫ້ ການປະຕິວັດຂອງປະເທດເຮົາ ເຕີບໃຫຍ່ເຂັ້ມແຂງເປັນກ້າວໆ ມາ, ສາມາດຍາດໄດ້ໄຊຊະ ນະໃໝ່ຢ່າງຕໍ່ເນື່ອງຈົນກ້າວໄປເຖິງການລຸກຮື້ຂຶ້ນໃນຂອບ ເຂດທົ່ວປະເທດ ແລະ ສະຖາ ປະນາສາທາລະນະລັດ ປະຊາ ທິປະໄຕ ປະຊາຊົນລາວ ໃນປີ 1975 ຢ່າງສະຫງ່າຜ່າເຜີຍ ຍ້ອນຄວາມຮຽກຮ້ອງຕ້ອງ ການຂອງການປະຕິວັດໄລຍະ ໃໝ່, ພັກເຮົາໄດ້ສືບຕໍ່ໝູນໃຊ້ ລັດທິ ມາກ - ເລນິນ ຢ່າງປະ ດິດສ້າງເຂົ້າໃນການສ້າງສາ ແລະ ພັດທະນາປະເທດຊາດ ໃນປີ 1986 ພັກໄດ້ນຳພາການ ປ່ຽນແປງໃໝ່ຢ່າງຮອບດ້ານ ແລະ ມີຫຼັກການ, ພັດທະນາ ປະເທດຊາດຕາມທິດສັງຄົມນິ ຍົມ, ຜ່ານ 30 ປີແຫ່ງການປ່ຽນ ແປງໃໝ່ ໂດຍຢຶດໝັ້ນຈຸດໝາຍ ສັງຄົມນິຍົມທີ່ພັກ ແລະ ປະຊາ ຊົນລາວເຮົາເປັນຜູ້ເລືອກນັ້ນ ພວກເຮົາສາມາດຍາດໄດ້ໝາກ ຜົນອັນໃຫຍ່ຫຼວງໃນຫຼາຍດ້ານ ທີ່ມີຄວາມໝາຍທາງດ້ານປະ ຫວັດສາດ, ເປັນພື້ນຖານໃຫ້ ແກ່ການນຳພາປະເທດກ້າວ ຂຶ້ນຢ່າງໜັກແໜ້ນ.