ລັດຖະມົນຕີກະຊວງ ຮສສ ຕ້ອນຮັບທູດ ໂມຣົກໂຄ ຄົນໃໝ່ ປີ


...

    

ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຕ້ອນຮັບທ່ານ ອັບ ຄລີລາ ແອວ ຮຸສະນີ (Abdclilah El Houani) ເອກອັກ ຄະຣາຊະທູດ ໂມຣົກໂຄ ຄົນ ໃໝ່ປະຈຳລາວ ເຂົ້າຢ້ຽມຂ່ຳ ນັບ ເມື່ອວັນທີ 5 ທັນວານີ້ ທີ່ ກະຊວງດັ່ງກ່າວ ໃນໂອກາດ ທີ່ທ່ານທູດມາດຳລົງຕຳແໜ່ງ ເປັນເອກອັກຄະຣາຊະທູດ ໂມ ຣົກໂຄ ຄົນໃໝ່ປະຈຳລາວ. ໃນໂອກາດນີ້ ທ່ານລັດຖະ ມົນຕີກະຊວງ ຮສສ ໄດ້ກ່າວ ສະແດງຄວາມຕ້ອນຮັບຊົມ ເຊີຍ ແລະ ຕີລາຄາສູງຕໍ່ທ່ານ ອັບຄລີລາ ແອວ ຮຸສະນີ ທີ່ຖືກ ແຕ່ງຕັ້ງມາດຳລົງຕຳແໜ່ງເປັນ ເອກອັກຄະຣາຊະທູດໂມຣົກ ໂຄ ຄົນໃໝ່ປະຈຳລາວຄັ້ງນີ້ ຊຶ່ງ ເປັນການປະກອບສ່ວນເສີມ ສ້າງສາຍພົວພັນຮ່ວມມື ແລະ ຊ່ວຍເຫຼືອຊຶ່ງກັນ ແລະ ກັນ ລະ ຫວ່າງລາວ-ໂມຣົກໂຄ ໃຫ້ນັບ ມື້ເພີ່ມພູນຄູນສ້າງຍິ່ງໆຂຶ້ນ, ພ້ອມທັງອວຍພອນໃຫ້ທ່ານ ທູດຈົ່ງປະສົບຜົນສຳເລັດໃນ ການເປັນນັກການທູດ ເພື່ອ ເສີມຂະຫຍາຍສາຍພົວພັນລະ ຫວ່າງ ລາວ-ໂມຣົກໂຄ ນັບມື້ ແໜ້ນແຟ້ນ ແລະ ຂະຫຍາຍຕົວ ຢ່າງບໍ່ຢຸດຢັ້ງ. ທ່ານ ອັບຄລີລາ ແອວ ຮຸສະນີ ກໍໄດ້ສະແດງຄວາມ ຂອບໃຈຕໍ່ທ່ານລັດຖະມົນຕີ ກະຊວງ ຮສສ ທີ່ໄດ້ໃຫ້ການ ຕ້ອນຮັບຢ່າງອົບອຸ່ນ ແລະ ກ່າວ ຢືນຢັນວ່າຈະຕັ້ງໜ້າປະ ຕິບັດໜ້າທີ່ອັນມີກຽດເຂົ້າໃນ ການເພີ່ມທະວີການພົວພັນ ຮ່ວມມືລະຫວ່າງໂມຣົກໂຄ-ລາວ ໃຫ້ເກີດດອກອອກຜົນ ຢ່າງແທ້ຈິງ. (ຂ່າວ: ສຳນານ)