ທ່ານນາຍົກລັດຖະມົນຕີ ເຄື່ອນໄຫວຢ້ຽມຢາມອຸດົມໄຊ


...

    

ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍພັນລະຍາ ແລະ ຄະນະໄດ້ສືບ ຕໍ່ເດີນທາງໄປເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງອຸດົມໄຊ ໃນວັນທີ 4 ພະຈິກຜ່ານມາ ໂດຍມີທ່ານ ຄຳພຽງ ຢາຈົງວາ ຮອງເຈົ້າແຂວງອຸດົມໄຊ, ມີບັນດາຄະນະພັກ - ຄະນະນຳແຂວງ ແລະ ພະແນກການທີ່ກ່ຽວຂ້ອງໃຫ້ການຕ້ອນຮັບ. ໃນການເດີນທາງຢ້ຽມຢາມຄັ້ງນີ້, ທ່ານ ຄຳພຽງ ຢາຈົງວາ ໄດ້ລາຍງານໃຫ້ຊາບກ່ຽວກັບ ສະພາບການຈັດຕັ້ງປະຕິບັດ ແຜນພັດທະນາເສດຖະກິດ - ສັງຄົມ 9 ເດືອນຕົ້ນປີທີ່ຜ່ານມາ ຊຶ່ງ ເຫັນວ່າເສດຖະກິດຂອງແຂວງ ໄດ້ຂະຫຍາຍຕົວຢ່າງຕໍ່ເນື່ອງ ໃນລະດັບ 6,11%, ລວມຍອດ ຜະລິດຕະພັນພາຍໃນ (GDP) ບັນລຸໄດ້ 3.519 ຕື້ກີບ, ສະ ເລ່ຍລາຍຮັບຕໍ່ຫົວຄົນໄດ້ 1.368 ໂດລາຕໍ່ຄົນຕໍ່ປີ, ສາ ມາດເກັບລາຍຮັບເຂົ້າງົບປະ ມານໄດ້ທັງໝົດ 68,62 ຕື້ກີບ, ເທົ່າກັບ 65% ຂອງແຜນ ການ, ດ້ານການລົງທຶນໃນປີ 2017 ໄດ້ຮັບອະນຸມັດຈາກ ສະພາແຫ່ງຊາດ ແລະ ສະ ພາປະຊາຊົນຂັ້ນແຂວງທັງ ໝົດ 90 ໂຄງການ ມູນຄ່າ 92,8 ຕື້ກວ່າກີບ ປະຕິບັດໄດ້ 78 ໂຄງການ ເທົ່າກັບ 86,67% ຂອງແຜນການ ໃນຂົງເຂດວັດ ທະນະທຳ - ສັງຄົມມີອັດຕາ ການເຂົ້າຮຽນຂອງເດັກອາຍຸ 3 - 5 ປີ ບັນລຸໄດ້ 45,5%, ອັດ ຕາເຂົ້າຮຽນສຸດທິ ຊັ້ນປະຖົມ ບັນລຸ 98,7%, ອັດຕາເຂົ້າຮຽນ ລວມ ຊັ້ນມັດທະຍົມຕອນຕົ້ນ ບັນລຸ 87,9%, ອັດຕາເຂົ້າຮຽນ ຊັ້ນມັດທະຍົມຕອນປາຍ ບັນ ລຸ 50,5%. ດ້ານວຽກງານພັດ ທະນາຊົນນະບົດ ແລະ ແກ້ໄຂ ຄວາມທຸກຍາກແຂວງອຸດົມໄຊ ມີເມືອງທຸກຍາກ 2 ເມືອງ ຄື: ເມືອງງາ ແລະ ເມືອງປາກແບງ, ມີ 194 ບ້ານທຸກຍາກ ກວມ 41,1%, ມີພົນລະເມືອງທຸກ ຍາກ 81.376 ຄົນ ກວມ 26,84%. ໂອກາດນີ້, ທ່ານ ທອງລຸນ ສີສຸລິດ ກໍໄດ້ສະແດງຄວາມ ຊົມເຊີຍຕໍ່ບັນດາສະຫາຍໃນ ຄະນະພັກ - ຄະນະນຳແຂວງ ໄດ້ພ້ອມພຽງຮຽງໜ້າກັບປະ ຊາຊົນຊາວແຂວງອຸດົມໄຊ ຍາດໄດ້ຜົນງານການພັດທະ ນາ ໃນຫຼາຍໆດ້ານ, ອັນສຳຄັນ ກໍແມ່ນຄວາມເອົາໃຈໃສ່ລົງ ຕິດຕາມ ແລະ ແກ້ໄຂຢ່າງໃກ້ ຊິດຂອງການນຳແຂວງ ຕໍ່ກັບ ການເກີດໄພພິບັດນ້ຳຖ້ວມທີ່ ຫາກໍຜ່ານພົ້ນໄປໄດ້ຢ່າງທັນ ການ ພ້ອມນີ້ ທ່ານນາຍົກລັດ ຖະມົນຕີ ຍັງໄດ້ຍົກໃຫ້ເຫັນ ຄວາມພະຍາຍາມ ແລະ ຄວາມ ເອົາໃຈໃສ່ຂອງສູນກາງພັກ ແລະ ລັດຖະບານ ໃນການຈັດ ຕັ້ງຜັນຂະຫຍາຍມະຕິກອງ ປະຊຸມໃຫຍ່ ຄັັ້ງທີ X ຂອງພັກ ກໍຄືແຜນພັດທະນາເສດຖະກິດ - ສັງຄົມ 5 ປີ ຄັ້ງທີ 8 ແລະ ແຜນພັດທະນາເສດຖະກິດ - ສັງຄົມ ປະຈຳປີ 2017 ທັງ ການວາງແນວທາງນະໂຍ ບາຍ, ບັນດານິຕິກຳ, ສ້າງ ແລະ ປັບປຸງກົດໝາຍ, ລຸ່ມກົດ ໝາຍ ແລະ ພ້ອມກັນແກ້ໄຂບັນ ດາຈຸດອ່ອນ - ຂໍ້ຄົງຄ້າງຕ່າງໆ ໃຫ້ລຸລ່ວງໄປໄດ້ດ້ວຍດີ; ດ້ວຍ ຈຸດພິເສດຂອງແຂວງອຸດົມໄຊ ທີ່ເປັນແຂວງຕັ້ງຢູ່ຈຸດໃຈກາງ ຂອງບັນດາແຂວງພາກເໜືອ ແລະ ມີຫຼາຍເງື່ອນໄຂ - ຫຼາຍ ທ່າແຮງບົ່ມຊ້ອນ ເພື່ອການດຶງ ດູດການລົງທຶນ ທັງຄວາມອຸດົມ ສົມບູນທາງດ້ານຊັບພະຍາ ກອນທຳມະຊາດ, ການບໍລິ ການທາງຜ່ານ, ການທ່ອງທ່ຽວ ແລະ ທ່າແຮງການຜະລິດທີ່ ເປັນມູນເຊື້ອ ທ່ານນາຍົກລັດ ຖະມົນຕີ ໄດ້ເນັ້ນໃຫ້ຄະນະ ພັກ - ຄະນະນຳແຂວງຕ້ອງໄດ້ ເອົາໃຈໃສ່ຊີ້ນຳ - ນຳພາປະ ຊາຊົນ ພ້ອມກັນພັດທະນາ ແຂວງໃຫ້ມີບາດກ້າວອັນໃໝ່; ເອົາໃຈໃສ່ຖອດຖອນບົດຮຽນ ຈາກບັນດາຈຸດອ່ອນ - ຂໍ້ຄົງ ຄ້າງທີ່ຜ່ານມາ ເພື່ອບືນຕົວຂຶ້ນ ຢ່າງຕັ້ງໜ້າ ພ້ອມນີ້ກໍໃຫ້ສ້າງ ຂະບວນການ ການນຳພາໃຫ້ ກາຍເປັນແບບຢ່າງທີ່ດີໃຫ້ແກ່ ສະມາຊິກພັກ ແລະ ພະນັກ ງານທົ່ວໄປ, ຕັດສິນໃຈນຳພາ ຕາມຫຼັກການລວມສູນປະຊາ ທິປະໄຕ; ນຳພາເປັນໝູ່ຄະນະ ບຸກຄົນຮັບຜິດຊອບ. ນອກຈາກນີ້ ທ່ານນາຍົກ ລັດຖະມົນຕີ ພ້ອມດ້ວຍຄະນະ ຍັງໄດ້ເດີນທາງໄປຢ້ຽມຊົມ ແລະ ຕິດຕາມຄວາມຄືບໜ້າ ຂອງໂຄງການກໍ່ສ້າງທາງລົດ ໄຟ ລາວ - ຈີນ ທີ່ຈຸດກໍ່ສ້າງສະ ຖານີລົດໄຟໃຫຍ່ ແລະ ການ ຈັດສັນປະຊາຊົນເຂດບ້ານຖິ່ນ ເມືອງໄຊ ແລະ ຈຸດເຈາະອຸໂມງ ທີ່ເຂດຫຼັກ 8 ເມືອງໄຊ ຊຶ່ງເປັນ ສອງຈຸດສຳຄັນທີ່ພວມລົງມືກໍ່ ສ້າງ ສຳລັບວຽກງານການກໍ່ ສ້າງເສັ້ນທາງລົດໄຟ ໃນໄລຍະ ທາງຜ່ານແຂວງອຸດົມໄຊແມ່ນ ມີລວງຍາວທັງໝົດ 126,6 ກິ ໂລແມັດ, ມີ 9 ສະຖານີ, ຂົວ 57 ແຫ່ງ (ຍາວ 12.695 ແມັດ), ມີ 34 ອຸໂມງ (ຍາວ 75.722 ແມັດ). ປັດຈຸບັນພວມຈັດຕັ້ງ ປະຕິບັດ 3 ສັນຍາ ໂດຍໄດ້ ລົງມືເຈາະອຸໂມງ 42 ຈຸດ, ເຈາະ ໄດ້ 7.679 ແມັດ ສັງລວມ ແລ້ວ ການກໍ່ສ້າງທາງລົດໄຟມີ ຄວາມຄືບໜ້າ 10 ກ່ວາສ່ວນ ຮ້ອຍ. ສະເລ່ຍ 230 ຊັງຕີແມັດ ຕໍ່ມື້ຕໍ່ຈຸດ. (ຂ່າວ: ສຳນັກງານນາຍົກ)