ສປປ ລາວ ເປັນເຈົ້າພາບຈັດກອງປະຊຸມສຸດຍອດສະຖາບັນ ກວດສອບສູງສຸດອາຊຽນ ຄັ້ງທີ IV


...

    

ກອງປະຊຸມສຸດຍອດສະ ຖາບັນກວດສອບສູງສຸດອາ ຊຽນ ຫຼື ອາຊຽນຊາຍ (Asean Supreme Audit Institution) ຄັ້ງທີ 4 ຈັດຂຶ້ນໃນວັນທີ 6 ພະຈິກນີ້ ທີ່ນະຄອນຫຼວງ ວຽງຈັນ ໂດຍການເປັນປະທານ ຂອງທ່ານ ນາງ ວຽງທອງ ສີພັນ ດອນ ປະທານອົງການກວດ ສອບແຫ່ງລັດ ສປປ ລາວ ໂດຍ ໄດ້ຮັບກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາ ຍົກລັດຖະມົນຕີ, ມີບັນດາປະ ທານ, ຫົວໜ້າສະຖາບັນກວດ ສອບສູງສຸດອາຊຽນ, ບັນດາຜູ້ ຕາງໜ້າຈາກສະຖານເອກອັກ ຄະລັດຖະທູດປະເທດອາຊຽນ ປະຈຳ ສປປ ລາວ ແລະ ຜູ້ຕາງ ໜ້າຈາກສະຫະພັນສະຖາບັນ ກວດສອບສູງສຸດນາໆຊາດ, ສະຖາບັນກວດສອບສູງສຸດອາ ຊີ, ອົງການຈັດຕັ້ງສາກົນ ແລະ ແຂກຖືກເຊີນເຂົ້າຮ່ວມ. ທ່ານ ນາງ ວຽງທອງ ສີ ພັນດອນ ໄດ້ກ່າວວ່າ: ນັບ ຕັ້ງແຕ່ສະຫະພັນສະຖາບັນ ກວດສອບສູງສຸດອາຊີຕາເວັນ ອອກສ່ຽງໃຕ້ ຫຼື ASEAN SAI ໄດ້ຮັບການສ້າງຕັ້ງຂຶ້ນໃນ ວັນທີ 16 ພະຈິກ 2011 ເປັນ ຕົ້ນມາ, ສະຖາບັນກວດສອບ ສູງສຸດຂອງ 10 ປະເທດ ໄດ້ ເຂົ້າເປັນສະມາຊິກ ແລະ ໄດ້ ພ້ອມກັນພັດທະນາໃນທຸກ ດ້ານຢ່າງບໍ່ຢຸດຢັ້ງ ເພື່ອແນໃສ່ ບັນລຸຕາມຈຸດປະສົງລະດັບ ຄາດໝາຍ ທີ່ອົງການໄດ້ກຳ ນົດໄວ້ ໂດຍໄດ້ສຸມໃສ່ສ້າງຂີດ ຄວາມສາມາດດ້ານວິຊາສະ ເພາະກວດສອບຂະແໜງການ ພາກລັດ ໃຫ້ບັນດາສະຖາບັນ ກວດສອບສູງສຸດຂອງບັນດາ ປະເທດ ASEAN ປະກອບ ສ່ວນເຂົ້າໃນການສ້າງລັດແຫ່ງ ກົດໝາຍ ແລະ ສົ່ງເສີມການ ປົກຄອງທີ່ດີ. ນອກນີ້ ASEAN SAI ຍັງເນັ້ນການພົວພັນຮ່ວມ ມືພາຍໃນ ແລະ ພາຍນອກ ເພື່ອຍົກສູງບົດບາດຂອງຕົນ ໃນເວທີພາກພື້ນ ແລະ ສາກົນ ເທື່ອລະກ້າວ. ຄຽງຄູ່ກັບຜົນສຳ ເລັດດັ່ງກ່າວນັ້ນ ASEANSAI ຍັງຈະຕ້ອງໄດ້ປັບປຸງແກ້ໄຂ ຕົນເອງໃນຫຼາຍດ້ານ ເພື່ອ ຕອບສະໜອງກັບສະພາບ ເງື່ອນໄຂການປ່ຽນແປງ ແລະ ຄວາມຮຽກຮ້ອງຕ້ອງການ ໃນ ການພັດທະນາຂອງ ASEAN ໃນອະນາຄົດ ໂດຍສະເພາະ ແມ່ນການພັດທະນາວຽກງານ ການກວດສອບແຫ່ງລັດຂອງ ບັນດາປະເທດສະມາຊິກ. ທ່ານ ສອນໄຊ ສີພັນດອນ ໄດ້ກ່າວວ່າ: ກອງປະຊຸມສຸດ ຍອດຄັ້ງນີ້ ເປັນໂອກາດອັນດີ ໃຫ້ແກ່ຜູ້ນຳສະຖາບັນກວດ ສອບສູງສຸດອາຊຽນ ໄດ້ປຶກສາ ຫາລື ແລະ ກຳນົດແຜນ ການເຄື່ອນໄຫວຂອງ ຕົນ ແລະ ປະກອບສ່ວນເຮັດ ໃຫ້ປະຊາຄົມອາຊຽນ ສາມາດ ບັນລຸຕາມວິໄສທັດທີ່ໄດ້ກຳ ນົດໄວ້ຢ່າງມີປະສິດທິຜົນສູງ ໃນດ້ານຕ່າງໆ ເປັນຕົ້ນການ ສ້າງລັດແຫ່ງກົດໝາຍ, ການ ຮັກສາສະຖຽນລະພາບການ ເງິນ-ເງິນຕາ, ການຈັດຕັ້ງປະຕິ ບັດແຜນພັດທະນາເສດຖະກິດ ສັງຄົມ, ການຕ້ານ ແລະ ສະ ກັດກັ້ນ ການສໍ້ລາດບັງຫຼວງ, ການສົ່ງເສີມການລົງທຶນ ແລະ ອື່ນໆ ໂດຍສະເພາະອົງການ ກວດກສອບແຫ່ງລັດ ສປປ ລາວ ຊຶ່ງຈະໄດ້ຮັບກຽດເປັນ ປະທານອາຊຽນຊາຍ ໃນໄລ ຍະ 2 ປີຕໍ່ໜ້າ ຊຶ່ງຈະຕ້ອງໄດ້ ສຸມຈິດສຸມໃຈຮ່ວມມືກັບບັນ ດາສະຫະພັນກວດສອບສູງ ສຸດອາຊຽນ ແນໃສ່ກໍ່ສ້າງ ແລະ ພັດທະນາວຽກງານກວດສອບ ໃຫ້ມີຄວາມໂປ່ງໃສ ແລະ ເຂັ້ມ ແຂງໃນທຸກດ້ານ.