ສຳເລັດຊຸດອົບຮົມວຽກງານໂຄສະນາອົບຮົມ ທົ່ວປະເທດ


...

    

ຊຸດອົບຮົມຄວາມຮູ້ພື້ນ ຖານທິດສະດີ, ແນວທາງ ແລະ ວຽກງານໂຄສະນາອົບຮົມໃຫ້ ແກ່ພະນັກງານໂຄສະນາອົບ ຮົມທົ່ວປະເທດ ໄດ້ສຳເລັດລົງ ໃນວັນທີ 2 ພະຈິກນີ້ ທີ່ສະໂມ ສອນຄະນະໂຄສະນາອົບຮົມ ສູນກາງພັກ ພາຍຫຼັງດຳເນີນ ມາແຕ່ວັນທີ 16 ຕຸລາທີ່ຜ່ານ ມາ. ການອົບຮົມໃຊ້ເວລາທັງ ໝົດ 20 ວັນ, ມີຜູ້ເຂົ້າຮ່ວມຈຳ ນວນ 68 ຄົນ, ຍິງ 18 ຄົນ ທີ່ ມາຈາກໂຄສະນາອົບຮົມສູນ ກາງພັກ ແລະ ທ້ອງຖິ່ນ, ເນື້ອ ໃນຂອງການອົບຮົມແບ່ງເປັນ VIII ພາກ ປະກອບດ້ວຍ 33 ບົດ ໃຊ້ເວລາທັງໝົດ 66 ຊົ່ວ ໂມງ. ໃນພິທີ, ທ່ານ ກິແກ້ວ ໄຂຄຳພິທູນ ເລຂາທິການສູນ ກາງພັກ ເລຂາຄະນະພັກ ຫົວ ໜ້າຄະນະໂຄສະນາອົບຮົມ ສູນກາງພັກ ໄດ້ຮຽກຮ້ອງໃຫ້ ບັນດາຜູ້ສຳເລັດການຝຶກອົບ ຮົມເອົາໃຈໃສ່, ສຶກສາອົບຮົມ ພະນັກງານ, ສະມາຊິກພັກທີ່ຢູ່ ແຂວງ, ເມືອງ, ສຳນັກງານ ຂອງຕົນ ພ້ອມທັງຈັດຕັ້ງເຜີຍ ແຜ່ເຊື່ອມຊຶມມະຕິກອງປະ ຊຸມໃຫຍ່ ຄັ້ງທີ X ຂອງພັກ, ຍູ້ ຂະບວນການໂຄສະນາປາຖະ ກະຖາ ເນື່ອງໃນວັນສຳຄັນ ຕ່າງໆຂອງພັກ-ຂອງຊາດ (ຈະ ນຳໃຊ້ວິທີການໂຄສະນາແນວ ໃດ ເພື່ອໃຫ້ບັນດາຜູ້ຟັງໄດ້ເຂົ້າ ໃຈ ແລະ ເປັນຕາຟັງທີ່ຈັບອົກ ຈັບໃຈ). ໃນທິດທາງຕໍ່ໜ້ານີ້ ແມ່ນຕ້ອງໄດ້ສຸມໃສ່ສຶກສາອົບ ຮົມນ້ຳໃຈຮັກຊາດ, ເອກະລາດ ເປັນເຈົ້າຕົນເອງ, ສະຕິຊາດ, ຢຶດໝັ້ນໃນການນຳພາຂອງ ພັກ, ສ້າງຄວາມຮັບຮູ້ຄວາມ ເຂົ້າໃຈ ກຳແໜ້ນແນວທາງ ປ່ຽນແປງໃໝ່ຂອງພັກ. (ຂ່າວ: ແສງຈັນ)