ທ່ານ ບົວເງິນ ຊາພູວົງ ຕ້ອນຮັບຄະນະຜູ້ແທນ ສ. ເກົາຫລີ


...

    ທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບ ການເຂົ້າຢ້ຽມຂ່ຳນັບຂອງທ່ານ ກິອອນ ຢັງ ແຊ ເຈົ້າເມືອງອັນ ດົງ ປະທານອົງກອນອີມາໂກ ສ. ເກົາຫລີ ພ້ອມດ້ວຍຄະນະ ເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ ສປປ ລາວ ເມື່ອວັນທີ 7 ມີຖຸນາ ນີ້ ທີ່ກະ ຊວງ ຖວທ. ໃນໂອກາດນີ້ ທ່ານຮອງ ລັດຖະມົນຕີ ຖວທ ໄດ້ສະແດງ ຄວາມຕ້ອນຮັບ ແລະ ຊົມເຊີຍ ຕໍ່ທ່ານ ກິອອນ ຢັງ ແຊ ເຈົ້າ ເມືອງອັນດົງ ພ້ອມດ້ວຍຄະນະ ທີ່ໄດ້ມາຢ້ຽມຢາມ ແລະ ເຮັດ ວຽກຢູ່ ສປປ ລາວ ໃນຄັ້ງນີ້ ຊຶ່ງ ເປັນການປະກອບສ່ວນອັນສຳ ຄັນຕໍ່ສາຍພົວພັນມິດຕະພາບ ແລະ ການຮ່ວມມືອັນດີລະ ຫວ່າງ ລາວ-ສ. ເກົາຫລີ ນັບມື້ ຂະຍາຍຕົວບໍ່ຢຸດຢັ້ງ ແລະ ອວຍ ພອນໃຫ້ຄະນະ ຈົ່ງປະສົບຜົນ ສຳເລັດໃນການຢ້ຽມຢາມ ສປປ ລາວ ໃນເທື່ອນີ້, ທ່ານ ກິອອນ ຢັງ ແຊ ໄດ້ສະແດງ ຄວາມຂອບໃຈຕໍ່ການຕ້ອນຮັບ ຂອງທ່ານຮອງລັດຖະມົນຕີ ພ້ອມທັງແຈ້ງຈຸດປະສົງຂອງ ການມາຢ້ຽມຢາມລາວ ໃຫ້ທ່ານ ຮອງລັດຖະມົນຕີຊາບວ່າ: ອົງ ກອນອີມາໂກເປັນອົງກອນ ກຽວກັບເລື່ອງປົກປ້ອງສິລະ ປະໜ້າກາກໂລກ ປັດຈຸບັນມີ ເຖິງ 63 ປະເທດ ທີ່ເປັນສະມາ ຊິກ ການມາຢ້ຽມຢາມລາວຄັ້ງ ນີ້ ໜຶ່ງ ແມ່ນເພື່ອຢ້ຽມຢາມພົບ ປະແລກປ່ຽນບົດຮຽນຊຶ່ງກັນ ແລະ ກັນ, ສອງ ເພື່ອກະກຽມ ຈັດກອງປະຊຸມສຳມະນາທາງ ດ້ານວິຊາການກ່ຽວກັບວຽກ ງານສີລະປະໜ້າກາກໂລກ ປີ 2017, ທີ່ລາວ ເຮົາໄດ້ຮັບກຽດ ເປັນເຈົ້າພາບໃນລະຫວ່າງ ວັນທີ 30 ກັນຍາ ຫາ ວັນທີ 4 ຕຸລາ 2017. ທີ່ຈະ ມາເຖິງນີ້.