ລາວ-ຫວຽດນາມ ເພີ່ມທະວີການຮ່ວມມື ດ້ານໄອຊີທີ


...

    

ອີງຕາມການເຊື້ອເຊີນ ຂອງທ່ານ ທັນສະໄໝ ກົມມະ ສິດ ລັດຖະມົນຕີກະຊວງໄປ ສະນີ ໂທລະຄົມມະນາຄົມ ແລະ ການສື່ສານ (ປທສ) ແຫ່ງ ສປປ ລາວ ໃນວັນທີ 1 ພະຈິກ ຜ່ານມານີ້, ທ່ານ ເຈື່ອງ ມິງ ຕວນ ລັດຖະມົນຕີກະຊວງຖະ ແຫຼງຂ່າວ ແລະ ການສື່ສານ (MIC) ແຫ່ງ ສສ ຫວຽດນາມ ພ້ອມດ້ວຍຄະນະ ໄດ້ເດີນທາງ ມາຢ້ຽມຢາມ ສປປ ລາວ ຢ່າງ ເປັນທາງການ. ໃນການຢ້ຽມ ຢາມຄັ້ງນີ້ ໄດ້ມີການພົບປະ ສອງຝ່າຍລະຫວ່າງສອງ ກະຊວງ ແລະ ໄດ້ຮ່ວມລົງ ນາມໃນບົດບັນທຶກຄວາມເຂົ້າ ໃຈວ່າດ້ວຍການຮ່ວມມືໃນຂົງ ເຂດໂທລະຄົມມະນາຄົມ ແລະ ເຕັກໂນໂລຊີການສື່ສານ ຂໍ້ມູນຂ່າວສານ (ICT) ເພື່ອ ເປັນບ່ອນອີງໃນການຮ່ວມ ມືໃນຕໍ່ໜ້າ ໂດຍລັດຖະບານ ແຫ່ງ ສປປ ລາວ ກໍຄື ລັດຖະ ບານ ແຫ່ງ ສາທາລະນະລັດ ສັງຄົມນິຍົມຫວຽດນາມໄດ້ ເຫັນໄດ້ເຖິງຄວາມໝາຍ ຄວາມສຳຄັນຂອງບົດບາດ ວຽກງານໂທລະຄົມມະນາຄົມ ແລະ ICT ເພື່ອປະກອບສ່ວນ ເຂົ້າໃນການພັດທະນາເສດ ຖະກິດ-ສັງຄົມ ພາຍໃນປະ ເທດ ແລະ ໃນລະດັບສາກົນ. ທ່ານ ທັນສະໄໝ ກົມມະ ສິດ ໄດ້ຕີລາຄາສູງຕໍ່ການມາ ຢ້ຽມຢາມຂອງທ່ານ ເຈື່ອງ ມິງ ຕວນ ຊຶ່ງໃນຊຸມປີທີ່ຜ່ານມາ ກະຊວງ ປທສ ກໍໄດ້ໄປຢ້ຽມຢາມ ແລະ ແລກປ່ຽນບົດຮຽນນຳ ສສ ຫວຽດນາມ ຫຼາຍຄັ້ງ. ການຮ່ວມ ມືລະຫວ່າງສອງກະຊວງແມ່ນ ມີຢ່າງຕໍ່ເນື່ອງ ແລະ ຫຼາຍ ລະດັບເປັນຕົ້ນການຮ່ວມມື ລະຫວ່າງສູນອິນເຕີເນັດແຫ່ງ ຊາດ (LANIC) ແລະ ສູນເຄືອ ຂ່າຍຂໍ້ມູນຂ່າວສານ (VNNIC) ສສ ຫວຽດນາມ ໃນວຽກ ງານການຄຸ້ມຄອງລະຫັດຊື່ອິນ ເຕີເນັດສູງສຸດແຫ່ງຊາດ (ccTlD.LA), ການໃຫ້ທຶນການ ຊ່ວຍເຫຼືອ (ODA) ໃນການ ຈັດຊື້ອຸປະກອນ ແລະ ພາຫະ ນະເຂົ້າສູນຄຸ້ມຄອງຄື້ນຄວາມ ຖີ່ແຫ່ງຊາດ, ການໃຫ້ທຶນການ ສຶກສາລະດັບປະລິນຍາຕີ ແລະ ປະລິນຍາໂທທີ່ສະຖາ ບັນເຕັກໂນໂລຊີ ໄປສະນີ ແລະ ໂທລະຄົມມະນາຄົມ (PTIT) ທີ່ ສສ ຫວຽດນາມ ນັບແຕ່ປີ 2012 ເປັນຕົ້ນມາ. ນອກຈາກ ນັ້ນ ທັງສອງຝ່າຍຍັງໄດ້ເປັນ ປະທານຮ່ວມໃນກອງປະຊຸມ ການຮ່ວມມືສອງຝ່າຍຄັ້ງທຳ ອິດຂອງທັງສອງກະຊວງ (1st Joint Implementation Plan) ທີ່ຈະໄດ້ຈັດຕັ້ງປະຕິບັດ ໃນປີ 2018. ເປັນຕົ້ນການ ຮ່ວມມືສ້າງລະບົບຕິດຕາມ ເຝົ້າລະວັງເຫດສຸກເສີນທາງ ຄອມພິວເຕີ (Threat Moni toring System) ລະຫວ່າງ ສູນ LAOCERT ແລະ ສູນ VNCERT, ການຝຶກອົບຮົມ ໄລຍະສັ້ນ ແລະ ໄລຍະຍາວ ດ້ານໂທລະຄົມມະນາຄົມ ແລະ ICT, ແລກປ່ຽນບົດຮຽນ ທາງດ້ານວິຊາການ, ດ້ານການ ຄຸ້ມຄອງ ແລະ ພັດທະນາວຽກ ງານ ICT. ທັງໝົດນີ້ ຈະກາຍ ເປັນບາດກ້າວໜຶ່ງທີ່ເປັນພື້ນ ຖານ ໃຫ້ແກ່ການຮ່ວມມືທາງ ດ້ານການຄຸ້ມຄອງວຽກງານໂທ ລະຄົມມະນາຄົມ ແລະ ICT ລະ ຫວ່າງສອງປະເທດ ເພື່ອຮອງ ຮັບໃຫ້ແກ່ການເຊື່ອມໂຍງກັບ ບັນດາປະເທດອາຊຽນ ທັງ ເປັນການຕອບສະໜອງໃຫ້ແກ່ ການຈັດຕັ້ງປະຕິບັດ ແລະ ບັນ ລຸເຖິງເປົ້າໝາຍຍຸດທະສາດ ທາງດ້ານໂທລະຄົມມະນາຄົມ ແລະ ໄອຊີທີ ໃນຂົງເຂດອາ ຊຽນ. ໃນການມາຢ້ຽມຢາມຄັ້ງ ນີ້ ທັງສອງຝ່າຍໄດ້ເຊັນບົດບັນ ທຶກຄວາມເຂົ້າໃຈລະຫວ່າງສະ ຖາບັນເຕັກໂນໂລຊີຂໍ້ມູນຂ່າວ ສານ ແຫ່ງ ສປປ ລາວ ແລະ ສະຖາບັນເຕັກໂນໂລຊີ ໄປສະ ນີ ແລະ ໂທລະຄົມມະນາຄົມ (PTIT), ເພື່ອຮ່ວມມືສ້າງ ແລະ ພັດທະນາໂຄງລ່າງພື້ນຖານ ດ້ານຫຼັກສູດ ແລະ ບຸກຄະລາ ກອນຂອງສອງສະຖາບັນ.