ຮອງນາຍົກລັດຖະມົນຕີ ຕ້ອນຮັບຄະນະ ຜູ້ແທນອົງການ ສປຊ


...

    

ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ ຕ້ອນຮັບການເຂົ້າຢ້ຽມຂ່ຳນັບ ຂອງຄະນະຜູ້ແທນອົງການ ສະຫະປະຊາຊາດ (ສປຊ) ຊຶ່ງນຳໂດຍທ່ານ ນາງ ມາດ ເດີບົວ ບຸກກິກຽວ ຜູ້ລາຍ ງານພິເສດຂອງອົງການສະ ຫະປະຊາຊາດ ກ່ຽວກັບການ ຄ້າຂາຍ ແລະ ການກົດຂີ່ຂູດ ຮີດເດັກນ້ອຍ ໃນວັນທີ 8 ພະ ຈິກນີ້ ທີ່ສຳນັກງານນາຍົກລັດ ຖະມົນຕີ. ໃນໂອກາດນີ້ ທ່ານຮອງ ນາຍົກລັດຖະມົນຕີ ກໍໄດ້ສະ ແດງຄວາມຕ້ອນຮັບ ແລະ ຊົມ ເຊີຍຕໍ່ຄະນະຜູ້ແທນດັ່ງກ່າວ ທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວຊຶ່ງເປັນການປະກອບສ່ວນ ເສີມສ້າງສາຍພົວພັນມິດຕະ ພາບ ແລະ ຄວາມສາມັກຄີທີ່ ດີລະຫວ່າງ ສປປ ລາວ ແລະ ສປຊ ໃຫ້ນັບມື້ນັບຂະຫຍາຍ ຕົວຍິ່ງໆຂຶ້ນ, ລັດຖະບານ ແຫ່ງ ສປປ ລາວ ໄດ້ເອົາໃຈໃສ່ໃນ ການຈັດຕັ້ງປະຕິບັດສິດພັນ ທະຂອງຕົນ ໃນຖານະທີ່ເປັນ ລັດພາຄີ ຂອງຫຼາຍສົນທິສັນ ຍາສິດທິມະນຸດສາກົນ, ລວມ ທັງສົນທິສັນຍາກ່ຽວກັບການ ປົກປ້ອງແມ່ຍິງ ແລະ ເດັກ ນ້ອຍ ໂດຍໄດ້ມີການສ້າງໃໝ່ ແລະ ປັບປຸງດ້ານນິຕິກຳຫຼາຍ ສະບັບ ແລະ ໄດ້ສ້າງຕັ້ງຄວາມຮັບຜິດ ຊອບຈາກພາກລັດຂຶ້ນ ເພື່ອ ປົກປ້ອງສິດທິຂອງເດັກນ້ອຍ ລາວໃນທົ່ວປະເທດ. ຈາກນັ້ນ ຜູ້ລາຍງານພິເສດ ສປຊ ກໍໄດ້ ຕາງໜ້າໃຫ້ກັບຄະນະກ່າວຄຳ ຂອບໃຈຕໍ່ທ່ານຮອງນາຍົກ ທີ່ໄດ້ຕ້ອນຮັບຄະນະໃນຄັ້ງນີ້ ອີກດ້ວຍ, ພ້ອມທັງໄດ້ລາຍ ງານວ່າການມາຢ້ຽມຢາມລາວ ໃນລະຫວ່າງວັນທີ 8-16 ພະ ຈິກ ເພື່ອເກັບກຳ, ແລກປ່ຽນຂໍ້ ມູນນຳພາກລັດ-ເອກະຊົນກ່ຽວ ກັບສະພາບການປະຕິບັດນະ ໂຍບາຍ ແລະ ມາດຕະການ ຕ່າງໆ ເພື່ອຊ່ວຍເຫຼືອ ແລະ ປົກປ້ອງເດັກນ້ອຍ ທີ່ຕົກເປັນ ເຫຍື່ອ ຫຼື ເດັກມີຄວາມສ່ຽງ ຈາກການຖືກກົດຂີ່ຂູດຮີດແຮງ ງານ, ທາງເພດ ແລະ ການໃຊ້ ຄວາມຮຸນແຮງອື່ນໆ ຢູ່ ສປປ ລາວ ເພື່ອພິຈາລະນາເອົາເຂົ້າ ໃນບົດລາຍງານຕໍ່ສະພາສິດທິ ມະນຸດ ສປຊ ຕໍ່ໄປ, ສປປ ລາວ ໄດ້ເຂົ້າເປັນພາຄີສົນທິສັນຍາ ສາກົນ ວ່າດ້ວຍສິດທິເດັກ ນັບ ແຕ່ປີ 1991 ເປັນຕົ້ນມາ. (ຂ່າວ: ແສງຈັນ)