ສະແດງສິລະປະສະຫຼອງວັນສ້າງຕັ້ງສາຍພົວພັນ ອາຊຽນ-ຣັດເຊຍ


...

       ກົມໃຫຍ່ການເມືອງກອງທັບ ກະຊວງປ້ອງກັນປະເທດ ໄດ້ຈັດພິທີສະແດງສິລະປະດົນຕີ ຂອງ ຄະນະສິລະປະດົນຕີ ຊາວໜຸ່ມອາຊຽນ-ຣັດເຊຍ ເນື່ອງໃນໂອກາດສະຫຼອງວັນສ້າງຕັ້ງສາຍພົວພັນ ອາຊຽນ-ຣັດເຊຍ ຄົບຮອບ 20 ປີຂຶ້ນ ໃນວັນທີ 8 ເມສາຜ່ານມານີ້ ທີ່ສະໂມສອນໃຫຍ່ຂອງກະ ຊວງດັ່ງກ່າວ ໂດຍມີທ່ານ ສິນລະວົງ ຄຸດໄພທູນ ເຈົ້າຄອງ ນະຄອນຫຼວງວຽງຈັນ, ທ່ານ ບໍ່ແສງຄຳ ວົງດາລາ ລັດຖະ ມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ມີຄາອິນ ບາຣານົບ ເອກ ອັກຄະລັດຖະທູດວິສາມັນຜູ້ມີ ອຳນາດເຕັມ ແຫ່ງ ສະຫະພັນ ຣັດເຊຍ ປະຈຳລາວ, ມີບັນດາ ການນຳພັກ-ລັດ ແລະ ແຂກ ຖືກເຊີນຈາກກະຊວງ, ອົງການ ຈັດຕັ້ງຕ່າງໆເຂົ້າຮ່ວມ. ການເດີນທາງມາເຄື່ອນ ໄຫວສະແດງສິລະປະມິດຕະ ພາບຂອງຄະນະສິລະປະດົນຕີ ຊາວໜຸ່ມອາຊຽນ-ຣັດເຊຍ ຢູ່ ສປປ ລາວ ເນື່ອງໃນໂອກາດ ສະຫຼອງວັນສ້າງຕັ້ງສາຍພົວ ພັນອາຊຽນ-ຣັດເຊຍ ຄົບຮອບ 20 ປີຄັ້ງນີ້ ເພື່ອເປັນການປະ ກອບສ່ວນອັນສຳຄັນເຂົ້າໃນ ການເສີມສ້າງຄວາມສາມັກຄີ, ມິດຕະພາບ ແລະ ການຮ່ວມ ມືລະຫວ່າງອາຊຽນ-ຣັດເຊຍ ໃຫ້ນັບມື້ດີ ແລະ ມີໝາກຜົນ ຍິ່ງຂຶ້ນ. ພ້ອມກັນນີ້ ກໍເປັນການ ແລກປ່ຽນບົດຮຽນທາງດ້ານ ວັດທະນະທຳ, ສິລະປະການ ສະແດງລະຫວ່າງອາຊຽນ-ຣັດ ເຊຍອີກດ້ວຍ. ການຢ້ຽມຢາມ ແລະ ການສະແດງມິດຕະພາບຂອງ ຄະນະຄັ້ງນີ້ ຍັງເປັນການປຸກ ລະດົມກຳລັງໃຈໃຫ້ແກ່ພະນັກ ງານ-ນັກຮົບກອງທັບປະຊາ ຊົນລາວ ກໍຄືທົ່ວປວງຊົນລາວ ທັງຊາດ ຫ້າວຫັນຈັດຕັ້ງປະຕິ ບັດ ມະຕິກອງປະຊຸມໃຫຍ່ ຄັ້ງ ທີ X ຂອງພັກປະຊາຊົນ ປະຕິ ວັດລາວ ໃຫ້ປະກົດຜົນເປັນ ຈິງ. (ຂ່າວ: ສະຫວັນຄຳ)