ກວຕ ກຽມຈັດງານມະຫະກຳຊັບສິນທາງປັນຍາ ປີ 2017


...

       ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ ຈັດພິທີຖະແຫຼງຂ່າວກ່ຽວກັບ ການຈັດງານມະຫະກຳຊັບສິນ ທາງປັນຍາ ປະຈຳປີ 2017 ຂຶ້ນ ໃນຕອນແລງຂອງວັນທີ 7 ເມສາ 2017 ທີ່ ກວຕ ໂດຍ ການໃຫ້ກຽດເປັນປະທານຖະ ແຫຼງຂ່າວຂອງ ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງ ວິທະຍາສາດ ແລະ ເຕັກໂນ ໂລຊີ. ໃນໂອກາດນີ້, ທ່ານລັດ ຖະມົນຕີ ກວຕ ໄດ້ກ່າວວ່າ: "ກະຊວງວິທະຍາສາດ ແລະ ເຕັກໂນໂລຊີ ຈະໄດ້ຈັດງານ ມະຫະກຳຊັບສິນທາງປັນຍາ ໃນວັນທີ 21 ເມສາເຖິງວັນທີ 1 ພຶດສະພາ 2017 ຊຶ່ງມີຄຳຂວັນ ທີ່ວ່າ: "ເສີມສ້າງຊັບສິນທາງ ປັນຍາ ເພື່ອພັດທະນາເສດຖະ ກິດ-ສັງຄົມແບບຍືນຍົງ". ງານມະຫະກຳດັ່ງກ່າວ ຈະມີການວາງສະແດງຜົນງານ ຊັບສິນທາງປັນຍາຂອງລາວ ແລະ ສາກົນ, ພ້ອມດຽວກັນ ນັ້ນ ຍັງມີການຈັດກິດຈະກຳໂຄ ສະນາເຜີຍແຜ່ສ້າງຈິດສຳ ນຶກຄວາມຮູ້ທາງດ້ານຊັບສິນ ທາງປັນຍາ ເພື່ອສ້າງຄວາມ ເຂົ້າໃຈ ແລະ ເຫັນໄດ້ຄວາມ ສຳຄັນຂອງວຽກງານຊັບສິນ ທາງປັນຍາຕໍ່ການພັດທະນາ ເສດຖະກິດ, ວັດທະນະທຳ ແລະ ສັງຄົມແບບຍືນຍົງຂອງ ປະເທດເຮົາ ເຮັດໃຫ້ສາທາລະ ນະຊົນທັງພາຍໃນ ແລະ ຕ່າງ ປະເທດ ໄດ້ຮັບຮູ້ຂໍ້ມູນຂ່າວ ສານກ່ຽວກັບການຄຸ້ມຄອງ ແລະ ການປົກປ້ອງຊັບສິນທາງ ປັນຍາຂອງບັນດານັກຄົ້ນຄວ້າ, ນັກວິທະຍາສາດ, ນັກປະດິດ ສ້າງ, ນັກປະດິດຄິດແຕ່ງ ແລະ ຜູ້ທີ່ເປັນເຈົ້າຂອງຊັບສິນທາງ ປັນຍາອື່ນໆອີກ. ນອກຈາກນີ້ ເຈົ້າຂອງຜົນງານ, ຜູ້ປະກອບ ການ ແລະ ຜູ້ສົນໃຈທັງພາຍ ໃນ ແລະ ຕ່າງປະເທດ ຈະໄດ້ ມີໂອກາດພົບປະ, ແລກປ່ຽນ ບົດຮຽນ, ວາງສະແດງຜົນງານ ຜະລິດຕະພັນທາງດ້ານຊັບສິນ ທາງປັນຍາ ແລະ ພູມປັນຍາ ທ້ອງຖິ່ນຂອງຕົນ. ໃນງານດັ່ງ ກ່າວ ຈະໄດ້ເຊື້ອເຊີນທັງພາກ ລັດ ແລະ ເອກະຊົນຂອງລາວ, ສະຖານທູດ, ອົງການຈັດຕັ້ງ ສາກົນ, ປະເທດສະມາຊິກອາ ຊຽນ ແລະ ປະເທດອື່ນໆເຂົ້າ ຮ່ວມ, ເພື່ອນຳເອົາຜະລິດຕະ ພັນຜົນງານທາງດ້ານຊັບສິນ ທາງປັນຍາເຂົ້າຮ່ວມວາງສະ ແດງໃນງານຄັ້ງນີ້. ການຈັດງານມະຫະກຳ ຊັບສິນທາງປັນຍາໃນຄັ້ງນີ້ ແມ່ນເປັນການສ້າງຈິດສຳນຶກ ໃຫ້ແກ່ສັງຄົມເຂົ້າໃຈກ່ຽວກັບ ພາລະບົດບາດ ແລະ ຄວາມ ສຳຄັນຂອງວຽກງານຊັບສິນ ທາງປັນຍາເຊັ່ນ: ສິດທິບັດ, ອະ ນຸສິດທິບັດ, ແບບອຸດສາຫະກຳ, ແບບຜັງວົງຈອນລວມ, ເຄື່ອງ ໝາຍການຄ້າ, ຖິ່ນກຳເນີດ, ພັນພືດໃໝ່, ລິຂະສິດ ແລະ ສິດກ່ຽວຂ້ອງກັບລິຂະສິດ ແລະ ພູມປັນຍາທ້ອງຖິ່ນ ໃນການ ພັດທະນາເສດຖະກິດ-ສັງຄົມ. ພ້ອມກັນນີ້ ຍັງເປັນການສະ ແດງເຖິງການປົກປ້ອງສິດ, ການປົກປອງຜົນປະໂຫຍດ ຂອງນັກຄົ້ນຄວ້າ, ນັກປະດິດ ສ້າງ ແລະ ປະດິດຄິດແຕ່ງ ເພື່ອຊຸກຍູ້ສົ່ງເສີມຄວາມຄິດ ສ້າງສັນຂອງມວນມະນຸດ. ໃນໂອກາດການຈັດງານ ມະຫະກຳຊັບສິນທາງປັນຍາ ຄັ້ງນີ້ ກໍຈະຈັດການສະເຫຼີມສະ ຫຼອງວັນຊັບສິນທາງປັນຍາ ໂລກ ວັນທີ 26 ເມສາ ຊຶ່ງໄດ້ ໝູນວຽນມາຄົບຮອບ 17 ປີພໍ ດີ, ໃນປີນີ້ ອົງການຊັບສິນທາງປັນ ຍາໂລກ ໄດ້ຮ່າງຄຳຂວັນການ ສະເຫຼີມສະຫຼອງໃນທົ່ວໂລກ ວ່າ: "ນະວັດຕະກຳ ເຮັດໃຫ້ ການດຳລົງຊີວິດດີຂຶ້ນ (Innovation-Improving Live)" ຊຶ່ງເປັນການຊີ້ໃຫ້ເຫັນເຖິງບົດ ບາດ ແລະ ຄວາມສຳຄັນຂອງ ຊັບສິນທາງປັນຍາ ໃນການຊຸກ ຍູ້ສົ່ງເສີມນະວັດຕະກຳ ແລະ ຫົວຄິດປະດິດແຕ່ງ ຊຶ່ງໃນປີນີ້ ໄດ້ມີການສຳຫຼວດພົບວ່ານະ ວັດຕະກຳ ແມ່ນເຮັດໃຫ້ຊີວິດ ຂອງຄົນເຮົາມີສຸຂະພາບດີຂຶ້ນ, ປອດໄພຂຶ້ນ ແລະ ສະດວກ ສະບາຍຂຶ້ນ. ນະວັດຕະກຳຖື ເປັນເຄື່ອງມືສຳຄັນໃນການບໍລິ ຫານການປ່ຽນແປງໃນໂລກ ຍຸກເສດຖະກິດສ້າງສັນ ໂດຍມີ ເປົ້າໝາຍ ເພື່ອເຮັດໃຫ້ເກີດ ການສ້າງມູນຄ່າຈາກການນຳ ຄວາມຮູ້ ແລະ ເຕັກໂນໂລຊີ ໄປໃຊ້ເປັນຕົ້ນທຶນສຳຄັນທີ່ນຳ ໄປສູ່ການເກີດຊັບສິນທາງປັນ ຍາ ແລະ ເຕັກໂນໂລຊີໃນຮູບ ແບບຕ່າງໆ ເພື່ອໃຊ້ໃນການບໍ ລິຫານຈັດການຮ່ວມກັບການ ສ້າງຜະລິດຕະພາບ ອັນຈະນຳ ມາຊຶ່ງການເກີດທຸລະກິດໃໝ່ ທີ່ມີມູນຄ່າເພີ່ມ ແລະ ເຮັດໃຫ້ ເກີດຄວາມຈະເລີນກ້າວໜ້າ ທັງພາກເສດຖະກິດ ແລະ ສັງ ຄົມຂອງປະເທດແບບກ້າວກະ ໂດດ ຊຶ່ງເວົ້າໄດ້ວ່າ ຖ້າມີການ ນຳເອົານະວັດຕະກຳມາໃຊ້ໃນ ອົງກອນໃນທາງໃດທາງໜຶ່ງ ແລ້ວ ບໍ່ວ່າຈະເປັນນະວັດຕະ ກຳທາງດ້ານສິນຄ້າ, ດ້ານຂະ ບວນການຜະລິດ, ດ້ານການ ໃຫ້ບໍລິການ, ດ້ານການຈັດ ການ ຫຼື ດ້ານການຕະຫຼາດ ລ້ວນແຕ່ຈະເຮັດໃຫ້ອົງກອນມີ ຄວາມເປັນໄປໄດ້ທີ່ຈະເກີດ ຄວາມສຳເລັດຕາມມາ. ສະນັ້ນ, ໃນລະຫວ່າງວັນ ທີ 21 ເມສາເຖິງວັນທີ 1 ພຶດ ສະພາ 2017 ກົມຊັບສິນທາງ ປັນຍາ ຈະໄດ້ໃຫ້ຄຳປຶກສາ ແລະ ຈັດກອງປະຊຸມສຳມະນາ ກ່ຽວກັບວຽກງານຊັບສິນທາງ ປັນຍາ ແລະ ນະວັດຕະກຳ ຊຶ່ງຈະໄດ້ແນະນຳ ແລະ ບໍລິ ການ ກ່ຽວກັບການຈົດທະບຽນ ຊັບສິນອຸດສາຫະກຳ ແລະ ການແຈ້ງຂໍ້ມູນລິຂະສິດ ແລະ ສິດກ່ຽວຂ້ອງກັບລິຂະສິດ. ໃນ ງານດັ່ງກ່າວນີ້ ກໍຈະໄດ້ຈັດໃຫ້ ມີການແລກປ່ຽນບົດຮຽນ ແລະ ປະສົບການລະຫວ່າງພາກ ສ່ວນທຸລະກິດດ້ວຍກັນ ແລະ ການຈັບຄູ່ທຸລະກິດ. ນອກຈາກ ນັ້ນ ກົມຊັບສິນທາງປັນຍາ ຍັງ ຈະໄດ້ບໍລິການຮັບໃບຄຳຮ້ອງ ຂໍຈົດທະບຽນຊັບສິນອຸດສາຫະ ກຳ ແລະ ຄຳຮ້ອງຂໍແຈ້ງຂໍ້ມູນ ລິຂະສິດ ແລະ ສິດກ່ຽວກັບລິ ຂະສິດໃນທຸກໆວັນ ຕະຫຼອດ ການຈັດງານ. ສ່ວນໃນທຸກໆ ຄືນຂອງງານ ກໍຈະມີການສະ ແດງສິລະປະພື້ນເມືອງຂອງ ນັກສິລະປິນລາວ.