ທັດສະນະຂອງພັກກອມມູນິດຫວຽດນາມກ່ຽວກັບວຽກງານຊົນເຜົ່າ


...

       ສູນກາງແນວລາວສ້າງ ຊາດ, (ສນຊ) ໄດ້ຈັດຕັ້ງພິທີ ປາຖະກະຖາໃນຫົວຂໍ້ "ທັດສະ ນະຂອງພັກກອມມູນິດຫວຽດ ນາມ ກ່ຽວກັບວຽກງານຊົນເຜົ່າ ໃນໄລຍະໃໝ່", ເມື່ອວັນທີ 6 ຜ່ານມານີ້ ທີ່ ສນຊ ໂດຍເປັນ ກຽດເຂົ້າຮ່ວມມີ ທ່ານ ຄຳໃບ ດຳລັດ ຮອງປະທານ ສນຊ, ມີ ການນຳອົງການຈັດຕັ້ງມະຫາ ຊົນ, ມີບັນດາທ່ານແຂກທີ່ຖືກ ເຊີນ ພ້ອມດ້ວຍພະນັກງານ ພາຍໃນສູນກາງແນວ ລາວສ້າງ ຊາດເຂົ້າຮ່ວມ. ທ່ານ ດິ່ງເຄ້ຫາຍ ຮອງ ລັດຖະມົນຕີ ຮອງຫົວໜ້າຄະນະ ກຳມະການຊົນເຜົ່າແຫ່ງລັດ ສສ ຫວຽດນາມ ເຊິ່ງທ່ານໄດ້ ລາຍງານບາງດ້ານວ່າ: ການ ເຄື່ອນໄຫວວຽກງານຂອງລັດ ຖະບານຫວຽດນາມ ໃນວຽກ ງານຊົນເຜົ່າ ແມ່ນໄດ້ເປັນ ເອກະພາບກັນ ແຕ່ສູນກາງ ເຖິງທ້ອງຖິ່ນ, ທັດສະນະການ ປະຕິວັດແມ່ນການປະດິດສ້າງ ບໍ່ຢຸດຢັ້ງໃນໄລຍະປ່ຽນແປງ ໃໝ່, ນະໂຍບາຍຊົນເຜົ່າຂອງ ພັກກອມມູນິດຫວຽດນາມ ແມ່ນຮັບປະກັນຄວາມເປັນ ເອກະພາບ, ທັງມີການປ່ຽນ ແປງໃໝ່ຕໍ່ກັບຄວາມຮຽກຮ້ອງ ຕ້ອງການໃນການພັດທະນາ ແລະ ເຊື່ອມໂຍງ ເພື່ອແກ້ໄຂ ບັນຫາຊົນເຜົ່າໃນປັດຈຸບັນ ແລະ ອະນາຄົດໃຫ້ມີຜົນສຳ ເລັດ. ສ່ວນວຽກງານການສຶກ ສາເຂດຊົນເຜົ່າສ່ວນນ້ອຍໄດ້ ມີບາດກ້າວໃໝ່ 100% ຂອງ ບັນດາຕາແສງ ມີໂຮງຮຽນປະ ຖົມ, ມັດທະຍົມຕອນຕົ້ນ, ໃນ ນັ້ນ 84,6% ໂຮງຮຽນໄດ້ຮັບ ການກໍ່ສ້າງຢ່າງຕັ້ງໜ້າ, 100% ແມ່ນຕາແສງທີ່ມີລະດັບການ ສຶກສາຈົບຊັ້ນປະຖົມຂຶ້ນໄປ, ທຸກໆແຂວງຢູ່ເຂດຊົນເຜົ່າສ່ວນ ນ້ອຍ ແລະ ເຂດພູສູງຂອງ ຫວຽດນາມ ລ້ວນແຕ່ມີໂຮງ ຮຽນມັດທະຍົມສະເພາະ, ໂຮງ ຮຽນຊັ້ນສູງ, ໂຮງຮຽນວິຊາຊີບ ແລະ ບຳລຸງວຽກງານ. (ຂ່າວ: ແສງຈັນ)