ປະທານສະພາເຂົ້າຮ່ວມໄຂການນຳໃຊ້ອະນຸສອນສະຖານ ລາວ-ຫວຽດນາມ ທີ່ເຊິນລາ


...

     ການເດີນທາງໄປເຂົ້າ ຮ່ວມກິດຈະກຳຕ່າງໆ ເພື່ອສະ ເຫຼີມສະຫຼອງປີສາມັກຄີມິດຕະ ພາບລາວ-ຫວຽດນາມທີ່ແຂວງ ເຊີນລາ ສສ ຫວຽດນາມຂອງ ສະຫາຍ ນາງ ປານີ ຢາທໍ່ຕູ້ ກຳມະການກົມການເມືອງສູນ ກາງພັກ ປະທານສະພາແຫ່ງ ຊາດ ພ້ອມຄະນະ ເມື່ອວັນທີ 6 ກໍລະກົດຜ່ານມານີ້ ຊຶ່ງເປັນ ມື້ທີ 4 ຂອງການເຂົ້າຮ່ວມກິດ ຈະກຳ, ສະຫາຍ ນາງ ປານີ ຢາທໍ່ຕູ້ ໄດ້ເຂົ້າຮ່ວມພິທີໄຂ ການນຳໃຊ້ອະນຸສອນສະຖານ ປະຫວັດສາດການປະຕິວັດ ຫວຽດນາມ-ລາວທີ່ບ້ານລາວ ໂຄ ເມືອງອຽນເຈົາ ແຂວງເຊີນ ລາ ຊຶ່ງຝ່າຍຫວຽດນາມ ນຳ ໂດຍສະຫາຍ ນາງ ຫງວຽນທີ ກິມເງິນ ກຳມະການກົມການ ເມືອງສູນກາງພັກ ປະທານສະ ພາແຫ່ງຊາດ ສສ ຫວຽດນາມ. ອະນຸສອນສະຖານປະຫວັດ ສາດການປະຕິວັດຫວຽດນາມ -ລາວໄດ້ກໍ່ສ້າງແຕ່ປີ 2014- 2016 ມູນຄ່າການກໍ່ສ້າງເກືອບ 54 ຕື້ດົງ ໃນເນື້ອທີ່ 50 ເຮັກ ຕາ ຊຶ່ງປະກອບມີບັນດາເຂດ ຮ່ອງຮອຍກົກເຄົ້າເຊັ່ນ: ເຮືອນ ເກົ່າຂອງທ່ານລາວໂຄ ແລະ ຄ້າຍຂອງຄະນະຕະລຸມບອນ ລາວເໜືອ ແຕ່ປີ 1948-1951, ອະນຸສາວະລີທີ່ເປັນສັນຍາລັກ ແຫ່ງຄວາມສາມັກຄີມິດຕະ ພາບຫວຽດນາມ-ລາວ, ມີລວງ ສູງ 18 ແມັດ, ເດີ່ນອະນຸສາວະ ລີ 205 ຕາແມັດ, ຫໍວາງສະ ແດງໃນເນື້ອທີ່ 262 ກ່ວາຕາ ແມັດ, ມີບັນດາຮູບພາບ, ຂໍ້ມູນ ວັດຖຸສຳຄັນກ່ຽວກັບສາຍພົວ ພັນມິດຕະພາບຫວຽດນາມ- ລາວ, ຮູບປັັ້ນຂອງປະທານ ໂຮ່ຈີ່ມິນ ແລະ ປະທານ ໄກສອນ ພົມວິຫານ ນອກນັ້ນ ຍັງມີສີລາຈາລຶກສະເໜີກ່ຽວ ກັບອະນຸສອນສະຖານ, ເຮືອນ ຮັບແຂກ, ເຮືອນປ້ອງກັນ ແລະ ສະຖານສຶກສາມູນເຊື້ອຈຳ ນວນໜຶ່ງ. ສະຫາຍ ນາງ ປານີ ຢາທໍ່ຕູ້ ໄດ້ມີຄຳເຫັນວ່າ: ການ ໄຂການນຳໃຊ້ອະນຸສອນສະ ຖານແຫ່ງນີ້ຈະເປັນການປະ ກອບສ່ວນທີ່ສຳຄັນເຂົ້າໃນ ການເພີ່ມພູນຄູນສ້າງສາຍພົວ ພັນມິດຕະພາບຄວາມສາມັກ ຄີພິເສດ ແລະ ການຮ່ວມມືຮອບ ດ້ານລະຫວ່າງລາວ-ຫວຽດນາມ ກາຍເປັນບ່ອນສຶກສາອົບຮົມ ປະຊາຊົນສອງຊາດ ໂດຍສະ ເພາະແມ່ນຄົນຮຸ່ນໜຸ່ມໃຫ້ຮູ້ໄດ້ ເຖິງປະຫວັດສາດແຫ່ງການ ຮ່ວມສຳພັນສູ້ຮົບທີ່ອົງອາດ ກ້າຫານ, ບັນດາວິລະກຳ, ຄຸນ ງາມຄວາມດີ ແລະ ການເສຍ ສະຫຼະອັນໃຫຍ່ຫຼວງຂອງບັນ ດານັກຕໍ່ສູ້ຮຸ່ນກໍ່ຕັ້ງການປະຕິ ວັດຂອງສອງຊາດລາວ-ຫວຽດ ນາມທີ່ໄດ້ທຸ້ມເທເຫື່ອແຮງ, ຊີ ວິດເລືອດເນື້ອ, ສະຕິປັນຍາ ແລະ ຜ່ານຜ່າການທົດສອບພາ ຍຸລົມແດງນາໆປະການ ເພື່ອ ກອບກູ້ເອົາເອກະລາດແຫ່ງ ຊາດ ແລະ ອິດສະຫຼະພາບມາ ໃຫ້ພວກເຮົາຄືໃນທຸກມື້ນີ້. ໃນຕອນບ່າຍຂອງວັນ ດຽວກັນ ສະຫາຍ ນາງ ປານີ ຢາທໍ່ຕູ້ ແລະ ສະຫາຍ ນາງ ຫງວຽນທີກິມເງິນ ໄດ້ເປັນປະ ທານຮ່ວມກອງປະຊຸມສຳມະ ນາລະຫວ່າງສະພາແຫ່ງຊາດ ລາວ ແລະ ສະພາແຫ່ງຊາດ ຫວຽດນາມ ກ່ຽວກັບບົດຮຽນ ການຈັດຕັ້ງປະຕິບັດບົດບາດ ການຕົກລົງ ແລະ ການຕິດຕາມ ກວດກາ ໃນຂົງເຂດທີ່ດິນຂອງ ສະພາປະຊາຊົນ. ໃນກອງປະ ຊຸມຄະນະຜູ້ແທນ ແລະ ວິຊາ ການທັງສອງຝ່າຍໄດ້ສົນທະ ນາແລກປ່ຽນບົດຮຽນອັນລ້ຳ ຄ່ານຳກັນ ເພື່ອເປັນບ່ອນອີງ ໃນການຄົ້ນຄວ້າປັບປຸງບັນດາ ນິຕິກຳກໍຄືບັນດານະໂຍບາຍ ກ່ຽວກັບການຄຸ້ມຄອງ, ບົດຮຽນ ໃນການຈັດຕັ້ງປະຕິບັດ ແລະ ຕິດຕາມກວດກາໃນຂົງເຂດທີ່ ດິນໃຫ້ມີຄວາມຄົບຖ້ວນສົມ ບູນຂຶ້ນກ່ວາເກົ່າ ໃນນັ້ນ ຄະ ນະຜູ້ແທນລາວໄດ້ສະເໜີສະ ພາບການຄຸ້ມຄອງຂອງລັດ ກ່ຽວກັບທີ່ດິນ, ທີ່ດິນກະສິກຳ- ປ່າໄມ້ ແລະ ບັນຫາຕ່າງໆທີ່ ຕັ້ງຂຶ້ນຢູ່ ສປປ ລາວ. (ຂ່າວ-ພາບ: ພອນໄຊ)