ປະທານ ສນຊ ພົບປະສະມາຄົມໃຫຍ່ຊາວຫວຽດນາມປະຈຳລາວ


...

     ທ່ານ ໄຊສົມພອນ ພົມວິ ຫານ ກຳມະການກົມການເມືອງ ສູນກາງພັກ ປະທານສູນກາງ ແນວລາວສ້າງຊາດ (ສນຊ) ໄດ້ ຢ້ຽມຢາມ ແລະ ພົບປະໂອ້ລົມ ສະມາຄົມໃຫຍ່ຊາວຫວຽດ ນາມປະຈຳລາວ ເນື່ອງໃນໂອ ກາດສະເຫຼີມສະຫຼອງປີສາມັກ ຄີມິດຕະພາບລາວ - ຫວຽດນາມ 2017, ເມື່ອວັນທີ 7 ກໍລະກົດ ຜ່ານມານີ້ທີ່ສະມາຄົມດັ່ງກ່າວ, ຊຶ່ງມີຄະນະບໍລິຫານງານສະ ມາຄົມໃຫຍ່ຫວຽດນາມ ແລະ ພີ່ນ້ອງ ຊາວຫວຽດນາມເຂົ້າຮ່ວມ. ໃນໂອກາດດັ່ງກ່າວທ່ານ ວິໄຊ ນະວຽງຈັນ ກຳມະການ ສູນກາງແນວລາວສ້າງຊາດ, ປະທານສະມາຄົມໃຫຍ່ຊາວ ຫວຽດນາມປະຈຳລາວ ໄດ້ ລາຍງານຫຍໍ້ກ່ຽວກັບການ ເຄື່ອນໄຫວວຽກງານຂອງສະ ມາຄົມໃຫຍ່ຊາວຫວຽດນາມ ປະຈຳລາວ ໂດຍໄດ້ຍົກໃຫ້ ເຫັນໂຄງຮ່າງການຈັດຕັ້ງ, ພາລະບົດບາດ, ໜ້າທີ່, ການ ເຄື່ອນໄຫວວຽກງານຂອງສະ ມາຄົມທີ່ຜ່ານມາ. ຂໍ້ສະດວກ ແລະ ຂໍ້ຫຍຸ້ງຍາກ ແລະ ແຜນ ການເຄື່ອນໄຫວຂອງສະມາ ຄົມໃນຕໍ່ໜ້າ. ໃນໂອກາດນີ້ທ່ານປະ ທານ ສນຊ ໄດ້ໃຫ້ກຽດໂອ້ລົມ, ກ່ອນອື່ນໄດ້ສະແດງຄວາມ ຍ້ອງຍໍຊົມເຊີຍຕໍ່ຜົນງານຂອງ ສະມາຄົມໃຫຍ່ຊາວຫວຽດ ນາມປະຈຳລາວ ກໍຄືການປະ ກອບສ່ວນຂອງພີ່ນ້ອງຊາວ ຫວຽດນາມຕໍ່ພາລະກິດປົກປັກ ຮັກສາ ແລະ ສ້າງສາພັດທະ ນາປະເທດຂອງ ສປປ ລາວ. ເຊິ່ງຍາມໃດກໍໄດ້ສະໜັບສະ ໜູນ ແລະ ຊ່ວຍເຫຼືອການປະ ຕິວັດລາວຕະຫຼອດມາ ແລະ ເຊື່ອໝັ້ນວ່າຊາວຫວຽດນາມຢູ່ ລາວ ຈະສືບຕໍ່ສະໜັບສະໜູນ ພາລະກິດປະຕິວັດຂອງແນວ ລາວສ້າງຊາດພວກເຮົາຍິ່ງໆ ຂຶ້ນ ແລະ ເພື່ອສືບຕໍ່ເສີມຂະ ຫຍາຍມູນເຊື້ອຄວາມສາມັກ ຄີພິເສດ, ການຮ່ວມສຳພັນສູ້ ຮົບ ແລະ ການຮ່ວມມືຮອບ ດ້ານລາວ - ຫວຽດນາມ ກໍຄື ການຊ່ວຍເຫຼືອເຊິ່ງກັນ ແລະ ກັນຂອງຊາວຫວຽດນາມ ກັບ ປະຊາຊົນລາວບັນດາເຜົ່າ; ຂ້າ ພະເຈົ້າຂໍມີຄຳເຫັນດັ່ງນີ້: ຕ້ອງ ເພີ່ມທະວີວຽກງານໂຄສະນາ, ສຶກສາອົບຮົມຄົນຮຸ່ນໜຸ່ມໃຫ້ ມີຄວາມຮັບຮູ້ເຂົ້າໃຈ ກ່ຽວ ກັບມູນເຊື້ອຄວາມສາມັກຄີພິ ເສດ, ການຮ່ວມສຳພັນສູ້ຮົບ ແລະ ການຮ່ວມມືຮອບດ້ານ ລະຫວ່າງລາວ - ຫວຽດນາມ, ຍົກສູງສະຕິເປັນເຈົ້າ, ປະກອບ ສ່ວນສະຕິປັນຍາ ແລະ ເຫື່ອ ແຮງເຂົ້າໃນການເພີ່ມພູນຄູນ ສ້າງສາຍພົວພັນລາວ - ຫວຽດ ນາມ ໃຫ້ຍືນຍົງຂະນົງແກ່ນຊົ່ວ ກາລະນານ, ພັດທະນາຕົນ ເອງ, ພັດທະນາຄອບຄົວ, ເຂົ້າ ຮ່ວມປົກປັກຮັກສາ ແລະ ພັດ ທະນາບ້ານເມືອງທີ່ຕົນອາໄສ ຢູ່ ແລະ ຊ່ວຍເຫຼືອບ້ານເກີດ ເມືອງນອນ, ສຳລັບສະມາຄົມ ໃຫຍ່ຊາວຫວຽດນາມ ປະຈຳ ສປປ ລາວ ໃຫ້ເພີ່ມທະວີການ ເຕົ້າໂຮມຄວາມສາມັກຄີຂອງ ຊາວຫວຽດນາມຢູ່ລາວ, ສຶກສາ ອົບຮົມໃຫ້ລູກຫຼານເຄື່ອນໄຫວ ທຳມາຫາກິນຢ່າງຖືກຕ້ອງ ຕາມກົດໝາຍ; ສ້າງສະມາຄົມ ໃຫຍ່ຊາວຫວຽດນາມ ປະຈຳ ສປປ ລາວ ໃຫ້ເປັນຕົວແບບທີ່ ດີໃຫ້ບັນດາສະມາຄົມຊາວ ຕ່າງດ້າວທີ່ດຳລົງຊີວິດ ແລະ ທຳມາຫາກິນຢູ່ລາວຮຽນຮູ້ນຳ.