ທ່ານປະທານ ສນຊ ຕ້ອນຮັບຜູ້ແທນຄົນເຊື້ອຊາດລາວ ທີ່ອາໄສຢູ່ຕ່າງປະເທດ


...

    

ວັນທີ 9 ພະຈິກນີ້ ທີ່ສູນກາງແນວລາວສ້າງຊາດ (ສນຊ), ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງຄະນະຜູ້ແທນຄົນເຊື້ອ ຊາດລາວ ສັນຊາດ ສ.ອາເມຣິກາ ຊຶ່ງນຳພາໂດຍ ທ່ານ ໄມ ໄຊຍະວົງ ເອກອັກຄະລັດຖະທູດ ແຫ່ງ ສປປ ລາວ ປະຈຳ ສ.ອາເມຣິກາ ທີ່ວໍຊິງຕັນດີຊີ ໃນໂອກາດເດີນທາງມາເຄື່ອນໄຫວຢ້ຽມຢາມ ແລະ ແຂ່ງຂັນກິລາກ໊ອຟມິດຕະພາບຢູ່ ສປປ ລາວ ໃນລະຫວ່າງວັນທີ 3-11 ພະຈິກ 2017. ໃນໂອກາດດັ່ງກ່າວ, ທ່ານ ປະທານ ສນຊ ໄດ້ສະແດງ ຄວາມຊົມເຊີຍຕໍ່ການມາຢ້ຽມ ຢາມ ສປປ ລາວໃນຄັ້ງນີ້ ຊຶ່ງ ເປັນການເສີມຂະຫຍາຍຄວາມ ສາມັກຄີມິດຕະພາບລະຫວ່າງ ສປປ ລາວ-ຄະນະຜູ້ແທນຄົນ ເຊື້ອຊາດລາວຈາກ ສ.ອາເມ ຣິກາ ແລະ ອວຍພອນໄຊໃຫ້ ຄະນະ ຈົ່ງມີຜົນສຳເລັດ ໃນ ການເຄື່ອນໄຫວຢ້ຽມຢາມ ແລະ ເຂົ້າຮ່ວມການແຂ່ງຂັນ ກິລາກ໊ອຟຄັ້ງນີ້ ຈົ່ງມີແຕ່ຄວາມ ເບີກບານມ່ວນຊື່ນໃນການຢ້ຽມ ຢາມບ້ານເກີດເມືອງນອນໃນ ເທື່ອນີ້ ອັນມີຄວາມໝາຍສຳ ຄັນຍິ່ງ ເພາະເປັນໄລຍະເປີດ ປີທ່ອງທ່ຽວລາວ 2018 ຢ່າງ ເປັນທາງການ, ພ້ອມນີ້ ກໍຂໍ ຝາກຄວາມຢື້ຢາມຖາມຂ່າວ ໄປຍັງພີ່ນ້ອງ ແລະ ເພື່ອນມິດ ຄົນລາວທຸກໆຄົນທີ່ອາໄສຢູ່ ສ.ອາເມຣິກາ ທີ່ຍັງບໍ່ທັນມີໂອ ກາດໄດ້ມາຢ້ຽມຢາມຕື່ມອີກ. ຫວັງວ່າພວກທ່ານ ຈົ່ງຍາດເວ ລາກັບຄືນມາຢ້ຽມຢາມບ້ານ ເກີດເມືອງນອນຂອງຕົນ ແລະ ມາຮ່ວມພັດທະນາປະເທດ ລາວໃຫ້ມີຄວາມຈະເລີນຮຸ່ງ ເຮືອງ, ປະເທດຊາດຍິນດີ ຕ້ອນຮັບພວກທ່ານ. (ຂ່າວ: ຍຸພິນທອງ)