ສະເໜີປຶ້ມ ສິ ຈິ້ນຜິງ ສະບັບພາສາລາວ ຄັ້ງທຳອິດ


...

    

ສະຖານເອກອັກຄະລັດ ຖະທູດ ສປ ຈີນ ປະຈຳ ລາວ ໄດ້ຈັດພິທີເປີດປຶ້ມທິດສະດີ ວ່າດ້ວຍການປົກຄອງປະເທດ ແລະ ບໍລິຫານການເມືອງ ສປ ຈີນ ຂອງສະຫາຍ ສິ ຈິ້ນຜິງ ເລຂາທິການໃຫຍ່ ຄະນະກຳ ມະການສູນກາງພັກກອມມູ ນິດຈີນ ປະທານປະເທດ ແຫ່ງ ສປ ຈີນ ສະບັບພາສາລາວ ຢ່າງເປັນທາງການ ໃນຕອນ ເຊົ້າວັນທີ 9 ພະຈິກນີ້ ທີ່ຫໍປະ ຊຸມແຫ່ງຊາດ, ເຂົ້າຮ່ວມຝ່າຍ ລາວ ນຳໂດຍສະຫາຍ ກິແກ້ວ ໄຂຄຳພິທູນ ຄະນະເລຂາທິ ການສູນກາງພັກ ຫົວໜ້າຄະ ນະໂຄສະນາອົບຮົມສູນກາງ ພັກ, ສະຫາຍ ນາງ ສູນທອນ ໄຊຍະຈັກ ກຳມະການສູນກາງ ພັກ ຫົວໜ້າຄະນະພົວພັນຕ່າງ ປະເທດສູນກາງພັກ ພ້ອມ ດ້ວຍການນຳຂັ້ນສູງ, ຝ່າຍຈີນ ນຳໂດຍ ສະຫາຍ ກົ່ວເວີ້ຍໝິນ ຮອງຫົວໜ້າຫ້ອງວ່າການຖະ ແຫຼງຂ່າວ ຄະນະລັດຖະບານ ສປ ຈີນ, ສະຫາຍ ຫວັງເຫວີນ ທ່ຽນ ເອກອັກຄະລັດຖະທູດ ສປ ຈີນ ປະຈຳ ສປປ ລາວ, ມີແຂກຖືກເຊີນທັງສອງຝ່າຍ ລາວ-ຈີນ ເຂົ້າຮ່ວມ. ໃນພິທີ, ສະຫາຍ ກົ່ວເວີ້ຍ ໝິນ ໄດ້ຍົກໃຫ້ເຫັນເຖິງຄວາມ ໝາຍຄວາມສຳຄັນຂອງການ ຈັດພິມປຶ້ມດັ່ງກ່າວ ເນື່ອງໃນ ໂອກາດທີ່ ສະຫາຍ ສິ ຈິ້ນຜິງ ເລຂາທິການໃຫຍ່ ຄະນະກຳ ມະການສູນກາງພັກກອມມູ ນິດຈີນ ປະທານປະເທດແຫ່ງ ສປ ຈີນ ຈະເດີນທາງຢ້ຽມຢາມ ທາງລັດຖະກິດ ສປປລາວ ລະຫວ່າງວັນທີ 13-14 ພະ ຈິກ 2017 ຈະມາເຖິງນີ້ທ່ານ ກົ່ວເວີ້ຍໝິນ ກ່າວວ່າ: ໃນປຶ້ມ ໄດ້ຈັດພິມຄຳປາໄສສຳຄັນ ຂອງສະຫາຍ ສິ ຈິ້ນຜິງ ທີ່ ເວົ້າເຖິງບັນດາບົດຮຽນຂອງ ພັກກອມມູນິດຈີນໃນການ ປົກຄອງ ແລະ ບໍລິຫານ ການເມືອງ ໃນສະຖານະການ ໃໝ່ຢູ່ປະເທດຈີນ, ພ້ອມທັງໄດ້ ສະເໜີຄວາມໝາຍປະດິດສ້າງ ເພື່ອສະຫຼຸຸບ ແລະ ປະກາດທິດ ທາງພັດທະນາ ແລະ ເນື້ອໃນ ຕົ້ນຕໍຂອງແນວຄິດ ສິ ຈິ້ນຜິງ ກ່ຽວກັບສັງຄົມນິຍົມ ທີ່ມີສີສັນ ພິເສດຂອງ ສປ ຈີນ ໃນຍຸກໃໝ່, ທ່ານກ່າວຕື່ມອີກວ່າ: ໃນເວ ລາກ່ອນສະຫາຍ ສິ ຈິ້ນຜິງ ຈະ ຢ້ຽມຢາມລາວ ພວກຂ້າພະ ເຈົ້າໄດ້ພິມປຶ້ມທິດສະດີຂອງ ສິ ຈິ້ນຜິງ: ວ່າດ້ວຍການປົກ ຄອງປະເທດ ແລະ ບໍລິຫານ ການເມືອງ ສະບັບພາສາລາວ ຊຶ່ງມີຜົນປະໂຫຍດຕໍ່ປະຊາຊົນ ລາວ ໃຫ້ເຂົ້າໃຈທິດສະດີພັດ ທະນາ ທິດທາງພັດທະນາ ແລະ ນະໂຍບາຍພາຍໃນ ແລະ ຕ່າງປະເທດຂອງຈີນ ເປັນຢ່າງ ດີ ເຂົ້າໃຈຄວາມໄຝ່ຝັນຂອງ ປະຊາຊົນຈີນຢ່າງດີ ແລະ ຊຸກ ຍູ້ການແລກປ່ຽນຖອດຖອນ ບົດຮຽນຊຶ່ງກັນ ແລະ ກັນຂອງ ປະຊາຊົນທັງສອງປະເທດ.