ສຳເລັດຝຶກອົບຮົມທິດສະດີການເມືອງ - ການປົກຄອງໄລຍະສັ້ນ


...

       ພະນັກງານຫຼັກແຫຼ່ງຂອງ ກະຊວງກະສິກຳ ແລະ ປ່າໄມ້ ໄດ້ສຳເລັດການຝຶກອົບຮົມທິດ ສະດີການເມືອງ - ການປົກ ຄອງ ໄລຍະສັ້ນ 45 ວັນ ຊຸດທີ XIII ແລະ ຝຶກອົບຮົມວຽກພັກ - ພະນັກງານ ຫຼັກສູດ 5 ວັນ ຄັ້ງ ທີ IX ພາຍຫຼັງທີ່ໄດ້ໄຂຂຶ້ນມາ ແຕ່ ວັນທີ 27 ມັງກອນ ຊຶ່ງພິທີ ອັດຊຸດອົບຮົມດັ່ງກ່າວໄດ້ຈັດ ຂຶ້ນໃນວັນທີ 10 ເມສານີ້ ທີ່ກົມ ປ່າໄມ້ເປັນກຽດເຂົ້າຮ່ວມມີ ທ່ານ ລຽນ ທີແກ້ວ ລັດຖະມົນ ຕີກະຊວງກະສິກຳ - ປ່າໄມ້, ທ່ານ ຈອມແສງ ສະຫຼີພົມ ຫົວ ໜ້າກົມວິຊາການສະຖາບັນ ການເມືອງ - ການປົກຄອງແຫ່ງ ຊາດ, ມີພາກສ່ວນກ່ຽວຂ້ອງ ເຂົ້າຮ່ວມ.
ທ່ານ ບຸນທະວີ ໄຊຍະ ເພັດ ຮອງຫົວໜ້າກົມຈັດຕັ້ງ ແລະ ພະນັກງານກະຊວງກະສິ ກຳ ແລະ ປ່າໄມ້, ໄດ້ກ່າວວ່າ: ການຈັດຝຶກອົບຮົມໃນຄັ້ງນີ້ ແມ່ນເພື່ອເປັນການຍົກລະດັບ ຄວາມຮູ້ຄວາມສາມາດໃຫ້ພະ ນັກງານຫຼັກແຫຼ່ງຂອງກະຊວງ ກະສິກຳ ແລະ ປ່າໄມ້ ໃຫ້ກຳ ໄດ້ກ່ຽວກັບທິດສະດີມາກ - ເລ ນິນ ແລະ ອຸດົມການສັງຄົມ ນິຍົມ ເພື່ອໜູນໃຊ້ບັນດາຫຼັກ ມູນພື້ນຖານຂອງທິດສະດີ ມາກ - ເລນິນ ເຂົ້າໃນການປະ ຕິບັດໜ້າທີ່ຂອງຕົນຢ່າງປະ ດິດສ້າງ ແລະ ແທດເໝາະກັບ ເງື່ອນໄຂສະພາບຕົວຈິງຂອງ ວຽກງານ ຊຶ່ງໃນຊຸດຝຶກອົບຮົມ ໃນຄັ້ງນີ້ມີຜູ້ເຂົ້າຮ່ວມ 51 ຄົນ, ຍິງ 17 ຄົນ, ເອກະສານທີ່ນຳມາ ຝຶກອົບຮົມໃນຄັ້ງນີ້ ມີ 5 ພາກ ວິຊາຄື: ພາກວິຊາປັດຊະຍາ, ພາກວິຊາເສດຖະສາດການ ເມືອງ, ພາກວິຊາລັດທິສັງຄົມ ນິຍົມ, ວິທະຍາສາດ, ພາກວິຊາ ບໍລິຫານການປົກຄອງ ແລະ ແລະ ພາກວິຊາກໍ່ສ້າງພັກ.
ໃນພິທີດັ່ງກ່າວໄດ້ມອບ ໃບຢັ້ງຢືນໃຫ້ຜູ້ທີ່ສຳເລັດການ ເຂົ້າຮ່ວມຝຶກອົບຮົມ ເຊິ່ງໃຫ້ ກຽດມອບໃບຢັ້ງຢືນ ໂດຍແມ່ນ ທ່ານ ລຽນ ທີແກ້ວ.