ກອງປະຊຸມລັດຖະບານເປີດກວ້າງປີ 2017 ໄດ້ຕົກລົງ 6 ບັນຫາສຳຄັນ


...

    

ກອງປະຊຸມລັດຖະບານ ເປີດກວ້າງ ຄັ້ງທີ 1 ປະຈຳປີ 2017 ໄດ້ອັດລົງດ້ວຍຜົນສຳ ເລັດໃນວັນທີ 8 ກັນຍາຜ່ານ ມານີ້ທີ່ຫໍປະຊຸມແຫ່ງຊາດ ພາຍ ໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະ ມົນຕີ, ມີບັນດາທ່ານຮອງນາ ຍົກລັດຖະມົນຕີ, ສະມາຊິກ ລັດຖະບານ, ບັນດາເຈົ້າແຂວງ, ເຈົ້າຄອງນະ ຄອນ ຫຼວງວຽງຈັນ ແລະ ພາກສ່ວນກ່ຽວຂ້ອງເຂົ້າ ຮ່ວມ. ທ່ານ ຈະເລີນ ເຢຍປາວ ເຮີ ລັດຖະມົນຕີປະຈຳສຳນັກ ງານນາຍົກລັດຖະມົນຕີ, ໂຄ ສົກລັດຖະບານກ່າວວ່າ: ກອງ ປະຊຸມລັດຖະບານເປີດກວ້າງ ຄັ້ງນີ້ບັນດາຜູ້ເຂົ້າຮ່ວມກອງ ປະຊຸມໄດ້ພ້ອມກັນສຸມໃສ່ປະ ກອບຄຳຄິດຄຳເຫັນດ້ວຍ ຄວາມຮັບຜິດຊອບສູງ, ກົງໄປ ກົງມາ ແລະ ຕົກລົງ 6 ບັນຫາ ທີ່ສຳຄັນດັ່ງນີ້: 1. ສະຫຼຸຸບຕີລາຄາຄວາມ ຄືບໜ້າ ໃນການຈັດຕັ້ງປະຕິ ບັດແຜນພັດທະນາເສດຖະກິດ - ສັງຄົມ, ແຜນງົບປະມານ ແລະ ແຜນເງິນຕາ ປະຈຳປີ 2017 ແລະ ປຶກສາຫາລື ກ່ຽວກັບທິດທາງຂອງຮ່າງແຜນ ພັດທະນາເສດຖະກິດ - ສັງຄົມ, ແຜນງົບປະມານ ແລະ ແຜນ ເງິນຕາສຳລັບປີ 2018; 2. ຮັບຟັງການລາຍງານ ສະຫຼຸຸບຖອດຖອນບົດຮຽນ ແລະ ທິດທາງຜັນຂະຫຍາຍຜົນການ ຢ້ຽມຢາມຕ່າງປະເທດຂອງສູນ ກາງພັກ ແລະ ລັດຖະບານ; 3. ສະຫຼຸຸບຕີລາຄາການ ຈັດຕັ້ງປະຕິບັດມະຕິ, ດຳລັດ, ຄຳສັ່ງ, ແຈ້ງການ ແລະ ການ ຕົກລົງຂອງລັດຖະບານໃນໄລ ຍະຜ່ານມາ; 4. ສະຫຼຸຸບຕີລາຄາການ ຈັດຕັ້ງປະຕິບັດຄຳສັ່ງເລກທີ 15/ນຍ ວ່າດ້ວຍການເພີ່ມທະ ວີຄວາມເຂັ້ມງວດໃນການຄຸ້ມ ຄອງ ແລະ ການກວດກາຂຸດ ຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້; 5. ການກະກຽມຄວາມ ພ້ອມໃນການເປີດປີທ່ອງທ່ຽວ ລາວ ປີ 2018; 6. ສະພາບການແກ້ໄຂ ສິ່ງກີດຂວາງ ແລະ ການຄິດໄລ່ ຄ່າຊົດເຊີຍ ຜູ້ໄດ້ຮັບຜົນກະທົບ ຈາກໂຄງການກໍ່ສ້າງໂຄງການ ກໍ່ສ້າງທາງລົດໄຟລາວ - ຈີນ. 1. ກ່ຽວກັບການສະຫຼຸຸບຕີ ລາຄາຄວາມຄືບໜ້າໃນການ ຈັດຕັ້ງປະຕິບັດແຜນພັດທະ ນາເສດຖະກິດ - ສັງຄົມ, ແຜນ ງົບປະມານ ແລະ ແຜນເງິນຕາ ປະຈຳປີ 2017 ແລະ ທິດທາງ ສຳລັບປີ 2018 ກອງປະຊຸມ ໄດ້ຮັບຮອງເອົາດ້ານຫຼັກການ ຕໍ່ບົດລາຍງານຂອງບັນດາກະ ຊວງທີ່ກ່ຽວຂ້ອງ ພ້ອມທັງໄດ້ຊີ້ ນຳໃຫ້ພາກສ່ວນທີ່ກ່ຽວຂ້ອງ ນຳເອົາໄປປັບປຸງຕື່ມ ຕາມ ການປະກອບຄຳຄິດຄຳເຫັນ ຂອງບັນດາຜູ້ເຂົ້າຮ່ວມກອງ ປະຊຸມ ກ່ອນຈະນຳສະເໜີຂໍ ທິດຊີ້ນຳຈາກກອງປະຊຸມສູນ ກາງພັກ ຄົບຄະນະຄັ້ງທີ 5 ສະ ໄໝທີ X ທີ່ຈະໄຂຂຶ້ນໃນມໍ່ໆນີ້. ໃນນີ້, ໃຫ້ຂະແໜງການເງິນ ສົມທົບກັບກະຊວງ - ອົງການ ຂັ້ນສູນກາງ ແລະ ທ້ອງຖິ່ນຄົ້ນ ຄວ້າ ແລະ ກວດກາຕື່ມການ ມອບພັນທະງົບປະມານ, ກວດ ກາຄືນບັນດາຖານລາຍຮັບ, ການຄຸ້ມຄອງການເກັບລາຍ ຮັບ ແລະ ການປະຕິບັດລາຍ ຈ່າຍ ໂດຍຫັນເອົາການຄຸ້ມ ຄອງດັ່ງກ່າວເຂົ້າສູ່ລະບົບທັນ ສະໄໝ, ໂປ່ງໃສ ແລະ ສາ ມາດກວດກາ, ກວດສອບໄດ້ ຄຽງຄູ່ກັນນັ້ນ, ກໍໃຫ້ປັບປຸງໂຄງ ປະກອບການຈັດຕັ້ງ ແລະ ບຸກ ຄະລາກອນຢູ່ໃນຂະແໜງດັ່ງ ກ່າວ. - ໃຫ້ຂະແໜງແຜນການ ແລະ ການລົງທຶນຈັດສັນຄືນ ໃໝ່ໂດຍການຈັດລຽງ ບຸລິມະ ສິດບັນດາໂຄງການລົງທຶນ ຂອງລັດວ່າໂຄງການໃດ, ຢູ່ຂະ ແໜງການໃດ ແລະ ທ້ອງຖິ່ນ ໃດ ທີ່ມີຄວາມຈຳເປັນແທ້ໆ ທັງນີ້ກໍເພື່ອເຮັດໃຫ້ການຈັດຕັ້ງ ປະຕິບັດບັນດາໂຄງການລົງ ທຶນດັ່ງກ່າວມີປະສິດທິຜົນສູງ. - ໃຫ້ທະນາຄານແຫ່ງ ສປປ ລາວ ເອົາໃຈໃສ່ຄຸ້ມຄອງ ອັດຕາເງິນເຟີ້, ຮີບຮ້ອນຄົ້ນ ຄວ້າແກ້ໄຂບັນຫາຄວາມແຕກ ຕ່າງລະຫວ່າງອັດຕາແລກປ່ຽນ ໃນລະບົບທະນາຄານ ແລະ ນອກທະນາຄານ; ສາມາດຮັບ ປະກັນຄັງເງິນສຳຮອງ; ສາ ມາດຄວບຄຸມໄດ້ປະລິມານ ເງິນ M2; ໃຫ້ເອົາໃຈໃສ່ຕິດ ຕາມກວດກາຮ້ານແລກປ່ຽນ ເງິນຕາໃຫ້ເຄື່ອນໄຫວຖືກຕ້ອງ ຕາມລະບຽບການ ບໍ່ໃຫ້ມີການ ກັກຕຸນເງິນຕາຕ່າງປະເທດ ເພື່ອເກງກຳໄລ ຖ້າພົບເຫັນ ຕ້ອງດຳເນີນມາດຕະການເດັດ ຂາດຕໍ່ຜູ້ກະທຳຜິດ. 2. ການລາຍງານສະຫຼຸຸບ ຖອດຖອນບົດຮຽນ ແລະ ທິດ ທາງຜັນຂະຫຍາຍຜົນການ ຢ້ຽມຢາມຕ່າງປະເທດຂອງສູນ ກາງພັກ ແລະ ລັດຖະບານ. ປັດຈຸບັນ ສປປ ລາວ ໄດ້ສ້າງ ຕັ້ງສາຍພົວພັນການທູດກັບ 139 ປະເທດ, ມີການພົວພັນ ກັບເກືອບ 130 ພັກການເມືອງ ໃນທົ່ວໂລກ, ມີສຳນັກງານຕາງ ໜ້າການທູດຢູ່ຕ່າງປະເທດທັງ ໝົດ 39 ແຫ່ງ, ມີສະຖານທູດ 26 ແຫ່ງ, ສຳນັກງານຜູ້ຕາງ ໜ້າຖາວອນ 3 ແຫ່ງ, ກົງສູນ ໃຫຍ່ 9 ແຫ່ງ ເພື່ອສືບຕໍ່ຈັດຕັ້ງ ປະຕິບັດແນວທາງນະໂຍບາຍ ການຕ່າງປະເທດຂອງພັກເຮົາ ກອງປະຊຸມໄດ້ມີທິດຊີ້ນຳ: ໃຫ້ ກະຊວງການຕ່າງປະເທດ ສືບ ຕໍ່ເປັນໃຈກາງປະສານງານ ດ້ານການພົວພັນຮ່ວມມືກັບ ຕ່າງປະເທດຂອງບັນດາພາກ ສ່ວນ, ຂະແໜງການ ແລະ ທ້ອງຖິ່ນຂອງລາວເຮົາ ເພື່ອ ເຮັດໃຫ້ການໄປຢ້ຽມຢາມຕ່າງ ປະເທດຂອງການນຳແຕ່ລະ ຂັ້ນ, ການຮ່ວມມືແຕ່ລະລະດັບ ມີຈຸດສຸມ ແລະ ມີປະສິດທິຜົນ ສູງ. ໃນນັ້ນແຕ່ລະຄະນະທີ່ຈະ ເດີນທາງໄປເຄື່ອນໄຫວຢ້ຽມ ຢາມຕ່າງປະເທດເຫັນຄວນໃຫ້ ມີການປຶກສາຫາລືກັນກ່ອນ ທັງນີ້ກໍເພື່ອກະກຽມ ແລະ ກຳ ນົດເປົ້າໝາຍການຮ່ວມມືໃຫ້ ລະອຽດ, ຈະແຈ້ງ, ມີຄວາມ ເປັນເອກະພາບ ແລະ ມີປະ ສິດທິຜົນແທ້ ທັງສາມາດນຳ ເອົາໝາກຜົນຕົວຈິງມາໃຫ້ປະ ເທດຊາດ ແລະ ປະຊາຊົນ, ຄຽງຄູ່ກັບການເອົາໃຈໃສ່ດຶງ ດູດ ແລະ ຍາດແຍ່ງເອົາການ ຊ່ວຍເຫຼືອຈາກຕ່າງປະເທດໃຫ້ ຫຼາຍຂຶ້ນ; ພ້ອມດຽວກັນນີ້, ໂຄງການໃດທີ່ໄດ້ຕົກລົງແລ້ວ ຕ້ອງຈັດຕັ້ງປະຕິບັດຢ່າງເຂັ້ມ ງວດ. ໃນຕໍ່ໜ້າໃຫ້ກະຊວງການ ຕ່າງປະເທດສະຫຼຸຸບ, ສັງລວມ, ກວດກາປະເມີນຜົນໃນການ ຈັດຕັ້ງປະຕິບັດແຜນການ ກໍຄື ບັນດາໂຄງການທີ່ໄດ້ຮັບການ ຊ່ວຍເຫຼືອຕ່າງໆຈາກຕ່າງປະ ເທດທັງຢູ່ຂັ້ນສູນກາງ ແລະ ທ້ອງຖິ່ນ ເພື່ອລາຍງານໃຫ້ລັດ ຖະບານ ມີທິດຊີ້ນຳຈັດຕັ້ງປະ ຕິບັດໃນຕໍ່ໜ້າໃຫ້ໄດ້ຮັບຜົນດີ. 3. ການສະຫຼຸຸບຕີລາຄາ ການຈັດຕັ້ງປະຕິບັດ, ມະຕິ, ດຳລັດ, ຄຳສັ່ງ, ແຈ້ງການ ແລະ ການຕົກລົງຂອງລັດຖະບານ ໃນໄລຍະຜ່ານມາ ກອງປະຊຸມ ໄດ້ຕີລາຄາວ່າ: ໃນໄລຍະຜ່ານ ມາລັດຖະບານໄດ້ອອກບັນດາ ນິຕິກຳລຸ່ມກົດໝາຍເປັນຈຳ ນວນຫຼວງຫຼາຍ ສ່ວນໃຫຍ່ ແມ່ນໄດ້ຮັບການຈັດຕັ້ງປະຕິ ບັດຢ່າງມີໝາກມີຜົນດີ ແຕ່ ພ້ອມກັນນັ້ນເຫັນວ່າມີຫຼາຍນິ ຕິກຳການຜັນຂະຫຍາຍຍັງຊັກ ຊ້າ, ປະສິດທິຜົນຍັງບໍ່ທັນສູງ ແລະ ອື່ນໆ. ໃນພາກປະຕິບັດ ຕົວຈິງທັງຢູ່ສູນກາງ ແລະ ທ້ອງ ຖິ່ນຍັງເຫັນວ່າຈັດຕັ້ງປະຕິບັດ ຍັງບໍ່ທັນໄດ້ດີເທົ່າທີ່ຄວນ ເພື່ອ ເຮັດໃຫ້ການຈັດຕັ້ງປະຕິບັດ ບັນດານິຕິກຳຂອງລັດຖະບານ ໃຫ້ມີປະສິດທິຜົນສູງຂຶ້ນນັ້ນ, ກອງປະຊຸມໄດ້ມີທິດຊີ້ນຳ: ເຫັນດີໃຫ້ກວດກາ ແລະ ປັບ ປຸງຄືນບັນດາກົນໄກການປະ ສານງານລະຫວ່າງຂະແໜງ ການຢູ່ສູນກາງ ແລະ ທ້ອງຖິ່ນ ໂດຍມອບໃຫ້ຫ້ອງວ່າການສຳ ນັກງານນາຍົກລັດຖະມົນຕີ ເປັນຈຸດໃຈກາງປະສານງານ ທັງນີ້ກໍເພື່ອກ້າວໄປສູ່ລະບົບ ກົນໄກປະຕູດຽວ, ສິ່ງສຳຄັນ ຕ້ອງໄດ້ໃຊ້ເຄື່ອງມືທີ່ທັນສະ ໄໝ ເຂົ້າໃນລະບົບບໍລິຫານລັດ ໂດຍສະເພາະແມ່ນ: ລະບົບ ຄອມພິວເຕີ, ອິນເຕີເນັດ ແລະ ລະບົບອື່ນໆທີ່ກ່ຽວຂ້ອງ ໂດຍ ມອບໃຫ້ກະຊວງວິທະຍາສາດ ແລະ ເຕັກໂນໂລຊີ, ກະຊວງໄປ ສະນີໂທລະຄົມມະນາຄົມ ແລະ ການສື່ສານ ແລະ ຫ້ອງ ວ່າການສຳນັກງານນາຍົກລັດ ຖະມົນຕີ ຄົ້ນຄວ້າປຶກສາຫາລື ກັນ ທັງນີ້ກໍເພື່ອຮັບປະກັນເວ ລາລັດຖະບານ ປະກາດນຳໃຊ້ ນິຕິກຳແລ້ວທຸກພາກສ່ວນທີ່ ກ່ຽວຂ້ອງສາມາດຮັບຮູ້ຢ່າງ ວ່ອງໄວ, ທັນການ ແລະ ເປັນ ເອກະພາບໃນການຈັດຕັ້ງປະ ຕິບັດ. 4. ກ່ຽວກັບການສະຫຼຸຸບຕີ ລາຄາການຈັດຕັ້ງປະຕິບັດຄຳ ສັ່ງເລກທີ 15/ນຍ ວ່າດ້ວຍການ ເພີ່ມທະວີຄວາມເຂັ້ມງວດ ໃນການຄຸ້ມຄອງ ແລະ ການ ກວດກາຂຸດຄົ້ນໄມ້, ການ ເຄື່ອນຍ້າຍໄມ້ ແລະ ທຸລະ ກິດໄມ້ ກອງປະຊຸມໄດ້ຕີລາຄາ ສູງຕໍ່ຜົນການຈັດຕັ້ງປະຕິບັດ ຄຳສັ່ງດັ່ງກ່າວ ເປັນໄມ້ຫຼາວັດ ແທກໜຶ່ງໃນການຈັດຕັ້ງປະຕິ ບັດມະຕິກອງປະຊຸມໃຫຍ່ຂອງ ພັກ, ໄດ້ສ້າງຄວາມໄວ້ເນື້ອ ເຊື່ອໃຈຈາກປະຊາຊົນ ໃນ ການປົກປັກຮັກສາຊັບພະຍາ ກອນທຳມະຊາດ. ພ້ອມດຽວ ກັນນີ້ກໍໄດ້ມີທິດຊີ້ນຳໃຫ້ທຸກ ພາກສ່ວນສືບຕໍ່ຈັດຕັ້ງປະຕິ ບັດຄຳສັ່ງສະບັບເລກທີ 15/ ນຍ ໂດຍບໍ່ມີກຳນົດຍາມໃດທີ່ ຊັບພະຍາກອນປ່າໄມ້ຂອງ ພວກເຮົາຍັງຖືກທຳລາຍ ໂດຍ ບໍ່ມີການຍົກເວັ້ນຕໍ່ຜູ້ທີ່ກະທຳ ຜິດ, ບໍ່ທໍ້ຖອຍໃນການຈັດຕັ້ງ ປະຕິບັດວຽກງານດັ່ງກ່າວ. ຄະ ນະສະເພາະກິດຕ້ອງໄດ້ສືບຕໍ່ ລົງສົມທົບກັບບັນດາຂະແໜງ ການ ແລະ ທ້ອງຖິ່ນ ເພື່ອຊີ້ ນຳ, ຕິດຕາມໃນການຈັດຕັ້ງ ປະຕິບັດ ຖ້າຫາກຍັງເຫັນວ່າມີ ບັນຫາຄົງຄ້າງແມ່ນໃຫ້ລາຍ ງານລັດຖະບານ ເພື່ອຂໍ້ທິດຊີ້ ນຳ ແລະ ແກ້ໄຂບັນຫາດັ່ງ ກ່າວຢ່າງທັນການ. ໃນນີ້ກໍໃຫ້ ສືບຕໍ່ແກ້ໄຂບັນຫາໂຮງເລື່ອຍ - ໂຮງຊອຍທີ່ບໍ່ໄດ້ຕາມເງື່ອນ ໄຂ ແລະ ມາດຕະຖານ. 5. ຮັບຟັງການລາຍງານ ກະກຽມຄວາມພ້ອມໃນການ ເປີດປີທ່ອງທ່ຽວລາວ ປີ 2018 ກອງປະຊຸມມີທິດຊີ້ນຳໃຫ້ທຸກ ກະຊວງ, ອົງການທຽບເທົ່າກະ ຊວງ, ນະຄອນຫຼວງ ແລະ ທຸກ ແຂວງທົ່ວປະເທດ ຕັ້ງໜ້າກະ ກຽມ ແລະ ເຂົ້າຮ່ວມປີທ່ອງ ທ່ຽວ 2018 ໃຫ້ໄດ້ຮັບຜົນດີ ເປັນຕົ້ນ: ໃຫ້ນຳໃຊ້ສິ່ງທີ່ປະ ເທດເຮົາມີ, ຈຸດພິເສດຂອງປະ ເທດເຮົາ. ສຳຄັນຕ້ອງຮັບປະ ກັນຄວາມສະອາດຈົບງາມ, ປອດໄພ ແລະ ໃຫ້ມີຫຼາຍຮູບ ການ. ນອກຈາກການທ່ອງ ທ່ຽວທາງດ້ານວັດທະນະທຳ, ປະຫວັດສາດ, ທຳມະຊາດ ແລ້ວຕ້ອງສົ່ງເສີມການທ່ອງ ທ່ຽວທາງດ້ານກະສິກຳ, ກິລາ ແລະ ອື່ນໆ ໃນນັ້ນ, ໃຫ້ເອົາໃຈ ໃສ່ໂຄສະນາຜ່ານສື່ຕ່າງໆທັງ ພາຍໃນ ແລະ ຕ່າງປະເທດ. 6. ຮັບຟັງການລາຍງານ ສະພາບການແກ້ໄຂສິ່ງກີດ ຂວາງ ແລະ ການຊົດເຊີຍຜູ້ໄດ້ ຮັບຜົນກະທົບຈາກການກໍ່ສ້າງ ໂຄງການກໍ່ສ້າງທາງລົດໄຟ ລາວ - ຈີນ ກອງປະຊຸມໄດ້ມີ ທິດຊີ້ນຳໃຫ້ກະຊວງທີ່ກ່ຽວ ຂ້ອງ ຈົ່ງພ້ອມກັນກັບອຳນາດ ການປົກຄອງແຂວງ 5 ແຂວງ ທີ່ຖືກຜົນກະທົບຈາກໂຄງການ ກໍ່ສ້າງທາງລົດໄຟລາວ - ຈີນສືບ ຕໍ່ຄົ້ນຄວ້າ ແລະ ຈັດຕັ້ງປະຕິ ບັດການຊົດເຊີຍ ຕໍ່ຜູ້ທີ່ຖືກກະ ທົບຈາກໂຄງການດັ່ງກ່າວໃຫ້ ຖືກຕ້ອງ ຕາມແນວທາງນະໂຍ ບາຍຂອງພັກ, ກົດໝາຍ ແລະ ລະບຽບການຂອງລັດ ແລະ ສອດຄ່ອງກັບສະພາບຄວາມ ເປັນຈິງຂອງແຕ່ລະທ້ອງຖິ່ນ. ໃນຕອນທ້າຍກອງປະ ຊຸມ, ເພື່ອເປັນທິດທາງໃຫ້ແກ່ ການປະຕິບັດໜ້າທີ່ຂອງລັດ ຖະບານ ກໍຄືຂະແໜງການ ແລະ ທ້ອງຖິ່ນ ແຕ່ນີ້ເຖິງທ້າຍ ປີ ແລະ ຕໍ່ເນື່ອງເຖິງປີ 2018 ທ່ານນາຍົກລັດຖະມົນຕີໄດ້ຊີ້ ນຳໃຫ້ສະມາຊິກລັດຖະບານ, ເຈົ້າຄອງນະຄອນຫຼວງວຽງຈັນ ແລະ ບັນດາເຈົ້າແຂວງ ຈົ່ງນຳ ເອົາເນື້ອໃນຈິດໃຈທີ່ໄດ້ຕົກລົງ ເປັນເອກະພາບໃນກອງປະ ຊຸມຄັ້ງນີ້ ລວມທັງບັນດາວຽກ ງານທີ່ເປັນຈຸດສຸມໃນປີ 2018 ໄປຈັດຕັ້ງຜັນຂະຫຍາຍ ແລະ ຈັດຕັ້ງປະຕິບັດດ້ວຍຄວາມຮັບ ຜິດຊອບສູງດັ່ງນີ້: 1. ສືບຕໍ່ເອົາໃຈໃສ່ວຽກ ງານຮັກສາສະຖຽນລະພາບ ທາງດ້ານການເມືອງ, ຄວາມ ສະຫງົບ ແລະ ເປັນລະບຽບ ຮຽບຮ້ອຍຂອງສັງຄົມ ເພື່ອ ສ້າງສະພາບແວດລ້ອມ ແລະ ເງື່ອນໄຂໃຫ້ແກ່ການພັດທະນາ ຢ່າງຕໍ່ເນື່ອງ, ສຸມໃສ່ແກ້ໄຂປະ ກົດການຫຍໍ້ທໍ້ທາງສັງຄົມ ໂດຍສະເພາະບັນຫາຢາເສບ ຕິດ, ການຊີງຊັບ, ຂີ້ລັກງັດ ແງະ, ອັກຄີໄພ ແລະ ບັນຫາ ອື່ນໆໃຫ້ຫຼຸຸດໜ້ອຍຖອຍລົງ ໃນ ຂອບເຂດທົ່ວປະເທດ. 2). ສືບຕໍ່ແກ້ໄຂບັນຫາ ເສດຖະກິດ ເພື່ອໃຫ້ມີທິດຫັນ ປ່ຽນທີ່ໜັກແໜ້ນ, ສູ້ຊົນໃຫ້ບັນ ລຸຄາດໝາຍຂອງແຜນພັດທະ ນາເສດຖະກິດ - ສັງຄົມ ປີ 2017 ທີ່ສະພາແຫ່ງຊາດຮັບ ຮອງ. ສ້າງພື້ນຖານອັນແຂງ ແກ່ນໃຫ້ແກ່ການຈັດຕັ້ງປະຕິ ບັດແຜນ ປີ 2018 ແລະ ປີຕໍ່ໆ ໄປ ເພື່ອບັນລຸຄາດໝາຍດັ່ງ ກ່າວ, ພວກເຮົາຕ້ອງໄດ້ຄຸ້ມຄອງ ເສດຖະກິດມະຫາພາກໃຫ້ ໝັ້ນທ່ຽງ ແລະ ຊຸກຍູ້ການຈັດຕັ້ງ ປະຕິບັດທິດທາງ ແລະ ມາດ ຕະການກະຕຸ້ນເສດຖະກິດທີ່ ລັດຖະບານໄດ້ວາງອອກໃຫ້ມີ ປະສິດທິຜົນ ໂດຍລົງເລິກວຽກ ງານຈຸດສຸມໃນແຕ່ລະດ້ານຄື: - ສູ້ຊົນເກັບລາຍຮັບໃຫ້ ໄດ້ຕາມແຜນ ຫຼື ລື່ນແຜນທີ່ສະ ພາຮັບຮອງ ເພື່ອຮັບປະກັນໃຫ້ ງົບປະມານມີຄວາມຄ່ອງຕົວ ແລະ ຫຼຸຸດຜ່ອນການຂາດດຸນ ງົບປະມານ, ດຳເນີນການອ່ວາຍ ໜີ້ສາມແຈໃຫ້ສຳເລັດພາຍໃນ ທ້າຍປີ 2017 ແລະ ສືບຕໍ່ຂຸດ ຄົ້ນແຫຼ່ງທຶນ ເພື່ອຊຳລະໜີ້ສິນ ໂຄງການລົງທຶນຂອງລັດໃຫ້ ໄດ້ຕາມສົກງົບປະມານ; ຄົ້ນ ຄວ້າ ແລະ ປັບປຸງນະໂຍບາຍ ເພີ່ມອາກອນຊົມໃຊ້ ສຳລັບ ສິນຄ້າຟຸມເຟືອຍຈຳນວນໜຶ່ງ ຢ່າງສົມເຫດສົມຜົນ ເພື່ອສ້າງ ລາຍຮັບເຂົ້າງົບປະມານ. - ຮີບຮ້ອນຄົ້ນຄວ້ານະໂຍ ບາຍສິນເຊື່ອ ເພື່ອຊຸກຍູ້ການ ເຄື່ອນໄຫວທຸລະກິດ, ການຜະ ລິດສິນຄ້າ ແລະ ບໍລິການທີ່ ເປັນທ່າແຮງຂອງເສດຖະກິດ ແຫ່ງຊາດກໍຄືແຕ່ລະທ້ອງຖິ່ນ ໂດຍມີມາດຕະການທີ່ຊັດເຈນ ແລະ ໂປ່ງໃສ ໃນການເລືອກ ເຟັ້ນຫົວໜ່ວຍທຸລະກິດທີ່ມີຜົນ ງານ ແລະ ໂດຍມີຄວາມສາ ມາດໃນການຂະຫຍາຍທຸລະ ກິດ; ຕິດຕາມ ແລະ ຄຸ້ມຄອງ ອັດຕາແລກປ່ຽນໃຫ້ມີສະຖຽນ ລະພາບ ຖ້າຈຳເປັນກໍອາດຜ່ອນ ຄາຍນະໂຍບາຍເງິນຕາ ແຕ່ ຕ້ອງສົມຄູ່ກັບການຮັກສາສະ ຖຽນລະພາບຂອງອັດຕາແລກ ປ່ຽນ ຕາມກົນໄກຕະຫຼາດ ໂດຍ ມີການຄຸ້ມຄອງທີ່ດີ ແລະ ຮັດ ກຸມ. - ສືບຕໍ່ປັບປຸງ ຫຼື ປະຕິ ຮູບບັນດາລັດວິສາຫະກິດທີ່ ເຄື່ອນໄຫວບໍ່ມີປະສິດທິຜົນ ຫຼື ມີປະສິດທິຜົນຕ່ຳໃຫ້ໄວຂຶ້ນ, ເປັນຕົ້ນແມ່ນລັດວິສາຫະກິດ ການບິນລາວ, ລັດວິສາຫະກິດ ໄຟຟ້າລາວ, ທະນາຄານທຸລະ ກິດລັດ ແລະ ອື່ນໆ. ການປັບ ປຸງລັດວິສາຫະກິດສາມາດເຮັດ ໃນຫຼາຍຮູບການຕາມຈຸດພິເສດ ແລະ ສະພາບຄວາມເປັນຈິງ ຂອງວິສາຫະກິດເຊັ່ນ: ຍົກລະ ດັບຄວາມຮູ້ຄວາມສາມາດຂອງ ຜູ້ບໍລິຫານ ແລະ ພະນັກງານ, ການປັບປຸງຄະນະບໍລິຫານທີ່ ເຮັດວຽກບໍ່ມີປະສິດທິຜົນ ຫຼື ກ້າວໄປສູ່ການນຳໃຊ້ຜູ້ບໍລິຫານ ມືອາຊີບ, ຫັນລັດວິສາຫະກິດ ໄປສູ່ຮູບການລົງທຶນ ຫຼື ສັນຍາ ຈ້າງບໍລິຫານ. ທີ່ມີປະສິດທິຜົນ ຫຼື ຫັນໄປສູ່ຮູບກຳມະສິດອື່ນ ແຕ່ຕ້ອງໄດ້ຄົ້ນຄວ້າວິໄຈ ແລະ ຊັ່ງຊາໃຫ້ເລິກເຊິ່ງ ແລະ ຮອບ ຄອບ ເພື່ອບໍ່ໃຫ້ລັດເສຍຜົນປະ ໂຫຍດ ພ້ອມທັງໃຫ້ການປັບປຸງ ສອດຄ່ອງກັບທິດທາງ ແລະ ເປົ້າໝາຍການພັດທະນາປະ ເທດ ໃນໄລຍະຍາວ. - ສືບຕໍ່ເອົາໃຈໃສ່ຈັດຕັັ້ງ ປະຕິບັດ, ມາດຕະການປະຢັດ - ຕ້ານການຟຸມເຟືອຍຢ່າງເຂັ້ມ ງວດ, ເປັນລະບົບ ແລະ ຕໍ່ເນື່ອງ ໂດຍສະເພາະແມ່ນການຈຳ ກັດການໃຊ້ຈ່າຍງົບປະມານ ຂອງລັດ ໃນການຈັດງານລ້ຽງ ຮັບແຂກ, ໄປເຄື່ອນໄຫວຕ່າງ ປະເທດ ແລະ ອື່ນໆ. ພ້ອມ ກັນນັ້ນກໍໃຫ້ພິຈາລະນາຢ່າງ ຮອບຄອບຖີ່ຖ້ວນ ແລະ ລະ ອຽດເລິກເຊິ່ງຕໍ່ທຸກໆການລົງ ທຶນໃໝ່ ເພື່ອຫຼີກເວັ້ນມູນຄ່າ ສູງເກີນຕົວຈິງ ແລະ ບໍ່ມີປະສິດ ທິຜົນ ຕາມຄຳສັ່ງ ເລກທີ 09/ນຍ ວ່າດ້ວຍການປະຢັດລາຍຈ່າຍ ງົບປະມານແຫ່ງລັດໃຫ້ມີປະ ສິດທິຜົນ, ເຂັ້ມງວດໃນການກວດ ກາສະເໜີຂໍພິຈາລະນາລາຍ ຈ່າຍໃຫ້ບໍລິຫານ, ລາຍຈ່າຍ ດັດສົມ, ລາຍຈ່າຍຊື້ໃໝ່ ແລະ ອື່ນໆ. - ປັບປຸງສະພາບແວດ ລ້ອມ ແລະ ບັນຍາກາດຂອງ ການລົງທຶນ ເພື່ອຊຸກຍູ້ ແລະ ສົ່ງເສີມການເຄື່ອນໄຫວຂອງ ພາກທຸລະກິດ ທັງພາຍໃນ ແລະ ຕ່າງປະເທດ ໂດຍສືບຕໍ່ປັບປຸງ ກົນໄກຈັດຂັ້ນຕອນການອະນຸ ມັດໃຫ້ມີຄວາມວ່ອງໄວ, ໂປ່ງ ໃສ ແລະ ຍຸຕິທຳ ແລະ ຄຸ້ມ ຄອງການລົງທຶນໃຫ້ມີປະສິດທິ ຜົນ; ແກ້ໄຂຂອດອຸດຕັນ ແລະ ທັບມ້າງສິ່ງກີດຂວາງຕ່າງໆ ເພື່ອອຳນວຍຄວາມສະດວກ ແລະ ຫຼຸຸດຜ່ອນຕົ້ນທຶນໃນການ ດຳເນີນທຸລະກິດຂອງຜູ້ປະກອບ ການ ທັງພາຍໃນ ແລະ ຕ່າງປະ ເທດ ທັງຢູ່ຂັ້ນສູນກາງ ແລະ ທ້ອງຸຖິ່ນ. - ເລັ່ງຄົ້ນຄວ້າ ແລະ ຜັນ ຂະຫຍາຍນະໂຍບາຍສົ່ງເສີມ ແລະ ພັດທະນາວິສາຫະກິດ ຂະຫນາດນ້ອຍ ແລະ ກາງໃຫ້ ເປັນທິດທາງ ແລະ ມາດຕະ ການຕົວຈິງທີ່ສາມາດປະຕິບັດ ໄດ້ຢ່າງມີປະສິດທິຜົນ. ຄົ້ນຄວ້າ ສ້າງກອງທຶນ ແລະ ລະດົມທຶນ ເພື່ອຊຸກຍູ້ການຈັດຕັ້ງປະຕິບັດ ນະໂຍບາຍດັ່ງກ່າວ ແລະ ສ້າງ ເງື່ອນໄຂໃຫ້ວິສາຫະກິດຂະ ໜາດນ້ອຍ ແລະ ກາງສາມາດ ຜັນຂະຫຍາຍ ແລະ ດຳເນີນທຸ ລະກິດ ຕິດພັນກັບການປະຕິ ບັດບັນດານະໂຍບາຍ, ທິດທາງ ແລະ ແຜນການທີ່ລັດຖະບານ ໄດ້ວາງອອກ, ເປັນຕົ້ນແມ່ນ ການຜະລິດເປັນສິນຄ້າ, ການ ຄ້ຳປະກັນສະບຽງອາຫານ, ການ ປຸງແຕ່ງຜະລິດກະສິກຳ ແລະ ອຸດສາຫະກຳ, ການຄ້າ, ການບໍ ລິການ, ການທ່ອງທ່ຽວ ແລະ ອື່ນໆ; ຊຸກຍູ້ ແລະ ອຳນວຍ ຄວາມສະດວກໃຫ້ແກ່ການຈັດ ຕັ້ງປະຕິບັດໂຄງການລົງທຶນ ຂະໜາດໃຫຍ່ໃຫ້ດຳເນີນໄປ ຕາມແຜນເຊັ່ນ: ໂຄງການທາງ ລົດໄຟ ລາວ - ຈີນ, ໂຄງການ ລົງທຶນດ້ານພະລັງງານ ແລະ ບໍ່ແຮ່, ໂຄງການພັດທະນາເຂດ ເສດຖະກິດພິເສດ ແລະ ເຂດ ເສດຖະກິດສະເພາະ, ໂຄງການ ຂະຫຍາຍສະໜາມບິນ ແລະ ໂຄງ ການອື່ນໆທີ່ລັດຖະບານໄດ້ອະ ນຸມັດໄປແລ້ວ. - ກຽມຄວາມພ້ອມໃຫ້ ແກ່ການເປີດປີທ່ອງທ່ຽວໃຫ້ມີ ເນື້ອໃນ ແລະ ຄຸນນະພາບ. ສ້າງ ແລະ ຈັດຕັ້ງປະຕິບັດແຜນການ, ແຜນງານ ແລະ ກິດຈະກຳລະ ອຽດ ໃນແຕ່ລະດ້ານໃຫ້ມີປະ ສິດທິຜົນເປັນຕົ້ນແມ່ນການ ໂຄສະນາ, ການປັບປຸງແຫຼ່ງ ທ່ອງທ່ຽວ, ການປັບປຸງພື້ນຖານ ໂຄງລ່າງທີ່ຈຳເປັນ, ການບໍລິ ການນຳທ່ຽວ, ແຜນບໍລິການ ສາທາລະນະສຸກ ແລະ ອື່ນໆ. ໃຫ້ຖືເອົາປີທ່ອງທ່ຽວປີ 2018 ເປັນວາລະສຳຄັນຂອງຊາດ ແລະ ເປັນກຳລັງແຮງສຳຄັນ ຂອງ ການກະຕຸ້ນເສດຖະກິດ ພ້ອມ ກັນນີ້ກໍຄວນເອົາໃຈໃສ່ວຽກ ງານປົກປັກຮັກສາ ແລະ ໂຄສະ ນາເຜີຍແຜ່ວັດທະນະທຳ ແລະ ຮີດຄອງປະເພນີອັນດີງາມ ຂອງຊາດ. ກຽມຄວາມພ້ອມ ເພື່ອຮັບມືກັບເຫດການທີ່ບໍ່ ຄາດຄິດທີ່ອາດສ້າງຄວາມບໍ່ ສະຫງົບ ແລະ ກະທົບຕໍ່ບົດ ບາດ, ຊື່ສຽງ ແລະ ຄວາມເຊື່ອ ໝັ້ນຂອງນັກທ່ອງທ່ຽວກໍຄືຕ່າງ ປະເທດ ຕໍ່ປະເທດເຮົາ. 3). ສືບຕໍ່ພັດທະນາທາງ ດ້ານສັງຄົມ, ພັດທະນາຊົນນະ ບົດ ແລະ ລຶບລ້າງຄວາມທຸກ ຍາກ ໂດຍເອົາໃຈໃສ່ປັບປຸງ ຄຸນນະພາບການສຶກສາ ແລະ ສາທາລະນະສຸກ ໃນເຂດຊົນ ນະບົດຫ່າງໄກສອກຫຼີກ, ສຸມ ທຶນຮອນເຂົ້າໃນການປັບປຸງ ແລະ ກໍ່ສ້າງພື້ນຖານໂຄງລ່າງ ຊົນນະບົດ, ເປັນຕົ້ນແມ່ນບັນ ດາໂຄງການພັດທະນາໄຟຟ້າ, ຖະໜົນຫົນທາງ, ນ້ຳປະປາ, ນ້ຳສະອາດ, ຊົນລະປະທານ, ໂຮງຮຽນ, ໂຮງໝໍ, ສຸກສາລາ, ອຸປະກອນການສຶກສາການ ແພດ ແລະ ອື່ນໆທີ່ມີແຜນ ລະອຽດ ແລະ ໄດ້ຮັບການປະ ເມີນແລ້ວ. ຍົກລະດັບຄຸນນະ ພາບຂອງການສິດສອນຂອງຄູ ແລະ ບົດຮຽນປະສົບການຂອງ ໝໍກໍຄືພະຍາບານຢູ່ຊົນນະບົດ ໃຫ້ສູງຂຶ້ນ. ຈັດສັນພູມລຳເນົາ ແລະ ເຂດທຳມາຫາກິນ, ແຫຼ່ງ ນ້ຳ ເພື່ອທຳການຜະລິດ, ແນະ ນຳບົດຮຽນ ແລະ ເຕັກນິກວິຊາ ການ, ສະໜອງແນວພັນພືດ, ແນວພັນສັດ ແລະ ຊ່ວຍເຫຼືອ ດ້ານອື່ນໆທີ່ຈຳເປັນຕໍ່ປະຊາ ຊົນ ເພື່ອໃຫ້ສາມາດທຳການ ຜະລິດ ກຸ້ມຕົນເອງ ແລະ ຂາຍ ເປັນສິນຄ້າ ເພື່ອຍົກສູງລະດັບ ຊີວິດການເປັນຢູ່ຂອງປະຊາ ຊົນຢູ່ຊົນນະບົດໃຫ້ດີຂຶ້ນ ແລະ ເຮັດໃຫ້ອັດຕາຄວາມທຸກຍາກ ຂອງປະຊາຊົນຫຼຸຸດລົງເປັນ ກ້າວໆ. 4). ສືບຕໍ່ຍູ້ແຮງການພັດ ທະນາໃຫ້ໄປຕາມທິດທີ່ຍືນຍົງ ໂດຍເພີ່ມທະວີຄວາມເຂັ້ມ ງວດ ໃນການຄຸ້ມຄອງ ແລະ ກວດກາຂຸດຄົ້ນໄມ້ ແລະ ການ ເຄື່ອນຍ້າຍໄມ້ ຄຽງຄູ່ກັບການ ຫັນທຸລະກິດໄມ້ໄປສູ່ການຜະ ລິດທີ່ເປັນລະບົບຄົບວົງຈອນ (ມີການປູກ, ການຕັດ, ການປຸງ ແຕ່ງ ແລະ ການສົ່ງອອກຜະ ລິດຕະພັນສຳເລັດຮູບ); ສືບຕໍ່ ກວດກາ ແລະ ຄຸ້ມຄອງປ່າສະ ຫງວນແຫ່ງຊາດ ໂດຍການມີ ສ່ວນຮ່ວມຂອງປະຊາຊົນ ເພື່ອ ດຶງປະຊາຊົນອອກຈາກການ ຕັດໄມ້ທຳລາຍປ່າ, ເປັນຜູ້ກວດ ກາ ແລະ ປ້ອງກັນການບຸກລຸກ - ທຳລາຍປ່າໄມ້, ສ້າງໃຫ້ປະ ຊາຊົນໄດ້ຮັບຜົນປະໂຫຍດ ຕິດພັນກັບການປົກປັກຮັກສາ ປ່າໄມ້ ແລະ ຊັບພະຍາກອນ ທຳມະຊາດ ພ້ອມກັນນີ້ກໍຕ້ອງ ມີແຜນຟື້ນຟູປ່າໄມ້ທີ່ຊຸດໂຊມ ຈາກການບຸກລຸກລັກລອບຕັດ ໄມ້ທີ່ຜິດກົດໝາຍ ແລະ ຈາກຜົນ ກະທົບຂອງໂຄງການພັດທະ ນາ ໂດຍມີການກຳນົດແຫຼ່ງງົບ ປະມານ ເພື່ອການຟື້ນຟູປ່າ ໄມ້ຢ່າງຊັດເຈນ ຈຶ່ງຈະສາມາດ ປະຕິບັດໄດ້. 5). ສືບຕໍ່ເພີ່ມທະວີຄວາມ ສັກສິດ ແລະ ປະສິດທິຜົນໃນ ການຄຸ້ມຄອງລັດ - ຄຸ້ມຄອງ ສັງຄົມຕາມກົດໝາຍ ແລະ ລະ ບຽບການຢ່າງເຂັ້ມງວດ. ເລີ່ມ ແຕ່ປີ 2016 ເປັນຕົ້ນ ລັດຖະ ບານໄດ້ກວດກາຄືນການຕົກ ລົງຂອງພາກລັດ ແລະ ການ ເຄື່ອນໄຫວທຸລະກິດທີ່ບໍ່ສອດ ຄ່ອງກັບກົດໝາຍ ແລະ ລະ ບຽບການຈຳນວນໜຶ່ງເປັນຕົ້ນ ແມ່ນການຫັນຊັບສິນເປັນທຶນ, ການຈັດຕັ້ງປະຕິບັດໂຄງການ ລົງທຶນຂອງລັດ ຕິດພັນກັບການ ກູ້ຢືມ ໂດຍບໍ່ຜ່ານການປະມູນ (ໂຄງການ EPC), ການນຳ ເຂົ້ານ້ຳມັນ, ພາຫະນະ, ວັດສະ ດຸກໍ່ສ້າງ, ສິນຄ້າບໍລິໂພກ ແລະ ອື່ນໆ. ຂະບວນການກວດກາ ດັ່ງກ່າວນີ້ໄດ້ດຳເນີນໄປຕາມ ຂັ້ນຕອນ ແລະ ໃຊ້ເວລາຫຼາຍ ສົມຄວນ ແລະ ການກວດກາ ຫຼາຍໂຄງການຍັງບໍ່ທັນສຳເລັດ ສົມບູນ ແຕ່ກໍສາມາດຊອກເຫັນ ການປະຕິບັດທີ່ບໍ່ສອດຄ່ອງ ກັບກົດໝາຍ ແລະ ລະບຽບ ການ, ເຫັນການຮົ່ວໄຫຼຂອງງົບ ປະມານຈຳນວນຫຼວງຫຼາຍ ແລະ ສາມາດກອບກູ້ຄືນລາຍ ຮັບເຂົ້າງົບປະມານ ພ້ອມກັນ ນີ້ກໍເປັນການສົ່ງສັນຍານເຕືອນ ອົງການຈັດຕັ້ງລັດກໍຄືຜູ້ປະກອບ ການເຖິງຄວາມເອົາຈິງເອົາຈັງ ຂອງລັດຖະບານ ໃນການຈຳກັດ ຮັດແຄບ ແລະ ລົງໂທດຜູ້ກະທຳ ຜິດ ພ້ອມທັງຫັນການຄຸ້ມຄອງ ລັດ - ຄຸ້ມຄອງສັງຄົມໃຫ້ເຂົ້າສູ່ ການຈັດຕັ້ງປະຕິບັດກົດໝາຍ ແລະ ລະບຽບການຢ່າງເຂັ້ມງວດ ສຳລັບປີ 2018 ແລະ ປີຕໍ່ໆໄປ, ລັດຖະບານຈະໄດ້ສືບຕໍ່ເສີມຂະ ຫຍາຍຕາມທິດທາງດັ່ງກ່າວຢ່າງ ແຂງແຮງ. 6). ສືບຕໍ່ປັບປຸງກົນໄກການ ປະສານງານ ແລະ ປະສານສົມ ທົບລະຫວ່າງຂະແໜງການຂັ້ນ ສູນກາງ ແລະ ອົງການປົກຄອງ ທ້ອງຖິ່ນ ໃນການຈັດຕັ້ງປະຕິ ບັດແຜນພັດທະນາເສດຖະກິດ - ສັງຄົມໃຫ້ມີປະສິດທິຜົນ. ປັດ ຈຸບັນລັດຖະບານໄດ້ມອບໃຫ້ ສະຫາຍ ສອນໄຊ ສີພັນດອນ ຮອງນາຍົກລັດຖະມົນຕີ ເປັນຜູ້ ຊີ້ນຳ ແລະ ມອບໃຫ້ລັດຖະມົນ ຕີປະຈຳສຳນັກງານນາຍົກລັດ ຖະມົນຕີ ເປັນຜູ້ປະສານງານກັບ ບັນດາຂະແໜງການ ແລະ ທ້ອງ ຖິ່ນ. ມື້ນີ້ ພວກເຮົາກໍໄດ້ມີການ ສະຫຼຸຸບຕີລາຄາ ແລະ ກຳນົດທິດ ທາງ ໃນການປັບປຸງກົນໄກດັ່ງ ກ່າວແລ້ວ ແລະ ຈະໄດ້ສືບຕໍ່ສະ ຫຼຸຸບຖອດຖອນບົດຮຽນການຈັດ ຕັ້ງປະຕິບັດ ແລະ ປັບປຸງຕໍ່ໄປອີກ ເພື່ອໃຫ້ແທດເໝາະກັບຄວາມ ຮຽກຮ້ອງຕ້ອງການຂອງວຽກ ງານ ແລະ ຊຸກຍູ້ໃຫ້ຂະແໜງການ ແລະ ທ້ອງຖິ່ນ ສາມາດເສີມຂະ ຫຍາຍທ່າແຮງ, ຄວາມອາດສາ ມາດ ແລະ ຄວາມຮັບຜິດຊອບ ຂອງຕົນໃຫ້ສູງຂຶ້ນ ເພື່ອຮັບປະ ກັນປະສິດທິຜົນໃນການປະຕິ ບັດວຽກງານ. 7). ຮຽກຮ້ອງມາຍັງບັນດາ ສະມາຊິກລັດຖະບານ, ເຈົ້າຄອງ ນະຄອນຫຼວງ ແລະ ບັນດາເຈົົ້າ ແຂວງສືບຕໍ່ເອົາໃຈໃສ່ ແລະ ບຸກ ບືນຫຼາຍຂຶ້ນຕື່ມໃນການຊີ້ນຳ, ຕິດຕາມ, ຊຸກຍູ້ ແລະ ກວດ ກາການຈັດຕັ້ງປະຕິບັດບັນດາ ວຽກງານຈຸດສຸມພາຍໃຕ້ຄວາມ ຮັບຜິດຊອບຂອງຕົນໃຫ້ມີປະ ສິດທິຜົນ. ບັນດາຂະແໜງການ ແລະ ທ້ອງຖິ່ນຕ້ອງບຸກບືນ, ຫ້າວ ຫັນ ແລະ ແຂ່ງຂັນກັນ ເພື່ອພັດ ທະນາ, ສ້າງຜົນງານ ແລະ ປະ ກອບສ່ວນເຂົ້າໃນການຈັດຕັ້ງ ປະຕິບັດແຜນພັດທະນາເສດ ຖະກິດ - ສັງຄົມແຫ່ງຊາດ ໂດຍ ສະເພາະ ໃນປີ 2017 ນີ້ ແຜນ ສູ້ຊົນໃຫ້ບັນລຸຄາດໝາຍທີ່ວາງ ໄວ້ ເພື່ອເປັນການກະຕຸກຊຸກຍູ້ ການເກັບລາຍຮັບຂອງທ້ອງຖິ່ນ, ລັດຖະບານ (ພາຍໃຕ້ການຕົກ ລົງຂອງກົມການເມືອງສູນກາງ ພັກ) ຕົກລົງໃຫ້ແບ່ງເຄິ່ງໜຶ່ງ ຂອງບ້ວງເງິນເກີນແຜນທີ່ທ້ອງ ຖິ່ນເກັບໄດ້ໃຫ້ທ້ອງຖິ່ນນຳໃຊ້ ແລະ ໃຫ້ຈັດສັນເຂົ້າໃນແຜນແກ້ ໄຂໜີ້ສິນເປັນບຸລິມະສິດ ພ້ອມ ທັງມີການສະຫຼຸຸບລາຍງານໃຫ້ ລັດຖະບານ. 8). ສະເໜີໃຫ້ບັນດາອົງ ການຈັດຕັ້ງພັກ, ອົງການກວດ ກາລັດຖະບານ, ສະພາແຫ່ງ ຊາດ, ສານປະຊາຊົນ, ອົງການ ໄອຍະການປະຊາຊົນ, ສູນກາງ ແນວລາວສ້າງຊາດ, ສະຫະພັນ ນັກຮົບເກົ່າ ແລະ ອົງການຈັດຕັ້ງ ມະຫາຊົນ ສືບຕໍ່ຕິດຕາມ, ກວດ ກາ ແລະ ປະສານສົມທົບຢ່າງ ໃກ້ຊິດຕິດແທດກັບລັດຖະບານ ກໍຄືກັບບັນດາຂະແໜງການ ແລະ ອຳນາດການປົກຄອງທ້ອງ ຖິ່ນ ເພື່ອສ້າງເງື່ອນໄຂ, ຮ່ວມໄມ້ ຮ່ວມມື ແລະ ຊຸກຍູ້ໃຫ້ລັດຖະ ບານປະຕິບັດພາລະບົດບາດ, ໜ້າທີ່ ແລະ ຂອບເຂດສິດທີ່ໄດ້ ກຳນົດໃນກົດໝາຍ ວ່າດ້ວຍລັດ ຖະບານໃຫ້ມີປະສິດທິຜົນສູງ.