ຫົວໜ້າຫ້ອງວ່າການສູນກາງພັກ ຢ້ຽມຢາມ ແລະ ເຮັດວຽກຢູ່ແຂວງໄຊຍະບູລີ


...

    

ທ່ານ ຄຳພັນ ພົມມະທັດ ກຳມະການກົມການເມືອງສູນ ກາງພັກ ເລຂາທິການສູນກາງ ພັກ ຫົວໜ້າຫ້ອງວ່າການສູນ ກາງພັກ ພ້ອມດ້ວຍຄະນະ ໄດ້ ຢ້ຽມຢາມ ແລະ ເຮັດວຽກຢູ່ ແຂວງໄຊຍະບູລີ ໃນລະຫວ່າງ ວັນທີ 6-7 ກັນຍາຜ່ານມານີ້, ໃຫ້ກຽດຕ້ອນຮັບໂດຍ ທ່ານ ສົມລິດ ເປືອກແກ້ວ ຮອງເລຂາພັກແຂວງ ປະທານ ສະພາປະຊາຊົນແຂວງ ພ້ອມ ດ້ວຍການນຳຂອງແຂວງ ແລະ ພະນັກງານຫຼັກແຫຼ່ງຂອງຫ້ອງ ວ່າການໃຫ້ການຕ້ອນຮັບຢ່າງ ອົບອຸ່ນ. ກ່ອນອື່ນທີມງານຂອງ ທ່ານຫົວໜ້າຫ້ອງວ່າການສູນ ກາງພັກ ແມ່ນໄດ້ຢ້ຽມຢາມ ໂຄງການກໍ່ສ້າງເຂື່ອນໄຟຟ້າ ພະລັງງານນ້ຳ - ນ້ຳຂອງ ແລະ ໄດ້ຮັບຟັງຂັ້ນຕອນ ໃນການກໍ່ ສ້າງເລີ່ມແຕ່ຕົ້ນຈົນເຖິງປັດຈຸ ບັນ, ຢ້ຽມຢາມໂຮງງານປຸງ ແຕ່ງໄມ້ສຳເລັດຮູບ, ຈາກນັ້ນ ກໍໄດ້ໂອ້ລົມຕໍ່ພະນັກງານຫຼັກ ແຫຼ່ງຂອງຫ້ອງວ່າການແຂວງ ຊຶ່ງກ່ອນອື່ນແມ່ນໄດ້ຮັບຟັງ ການລາຍງານຈາກທ່ານ ເພັດ ພິໄຊ ສູນວິໄລ ກຳມະການພັກ ແຂວງ ຫົວໜ້າຫ້ອງວ່າການ ແຂວງໄຊຍະບູລີ, ທ່ານໄດ້ໃຫ້ ຮູ້ວ່າ: ຄະນະຫ້ອງວ່າການ ແຂວງ ໄດ້ຖືເອົາວຽກງານການ ເມືອງ-ແນວຄິດເປັນກົກ ໃນ ການສຶກສາອົບຮົມໃຫ້ສະມາ ຊິກພັກ, ພະນັກງານ ໃນຂົງ ເຂດຄວາມຮັບຜິດຊອບຂອງ ຕົນດ້ວຍການນຳເອົາມະຕິ, ຄຳສັ່ງ, ກົດລະບຽບຂອງພັກ, ກົດໝາຍຂອງລັດ, ມູນເຊື້ອ ວັນສຳຄັນຂອງຊາດ, ຂອງພັກ ມາເຜີຍແຜ່ເຊື່ອມຊຶມ, ພ້ອມນີ້ ກໍໄດ້ເປັນເຈົ້າການນຳພາຕອບ ແກ້ຫາງສຽງສັງຄົມ, ຖ້ອຍທຳ ນອງບິດເບືອນ, ທັບຖົມໂຈມຕີ ຂອງພວກຄົນບໍ່ດີ, ໂຄສະນາ ເຜີຍແຜ່ເຫດການພົ້ນເດັ່ນຕ່າງໆ ທັງພາຍໃນ ແລະ ຕ່າງປະເທດ ອັນເຮັດໃຫ້ສະມາຊິກພັກ, ພະ ນັກງານຫ້ອງວ່າການແຂວງໄຊ ຍະບູລີ ຮັກສາໄດ້ຄຸນທາດການ ເມືອງ, ມີຄວາມເດັດດ່ຽວເຊື່ອ ໝັ້ນຕໍ່ການນຳພາຂອງພັກ, ການຄຸ້ມຄອງຂອງລັດ, ມີຄວາມ ເປັນເອກະພາບ, ເຊື່ອໝັ້ນ ແລະ ປະຕິບັດຕາມແນວທາງ ປ່ຽນແປງໃໝ່ຂອງພັກ, ຢຶດ ໝັ້ນຈຸດໝາຍສັງຄົມນິຍົມ, ມີ ຄວາມອົດທົນໜຽວແໜ້ນບໍ່ ຫວັ່ນໄຫວຄອນແຄນຕໍ່ສະພາບ ການທີ່ຜັນແປຕ່າງໆ; ສ້າງໄດ້ ແນວຄິດ ແລະ ການກະທຳທີ່ ດີ, ມີຄວາມຍຸຕິທຳ ແລະ ອະລິ ຍະທຳທີ່ກ້າວໜ້າ, ມີຄວາມຮັບ ຜິດຊອບສູງຕໍ່ໜ້າທີ່ວຽກງານທີ່ ໄດ້ຮັບມອບໝາຍ, ປັດຈຸບັນ ຫ້ອງວ່າການແຂວງໄຊຍະບູລີ ມີຫົວໜ້າຫ້ອງວ່າການ 1 ທ່ານ, ຮອງຫົວໜ້າຫ້ອງວ່າການ ຈຳ ນວນ 9 ທ່ານ, ມີພະນັກງານ ທັງໝົດ 119 ຄົນ, ຍິງ 31 ຄົນ; ໃນນັ້ນ ພະນັກງານຕາມສັນຍາ 28 ຄົນ, ຍິງ 16 ຄົນ, ສະມາ ຊິກພັກທັງໝົດ 81 ສະຫາຍ, ຍິງ 24 ສະຫາຍ, ສະມາຊິກ ພັກສຳຮອງ 13 ສະຫາຍ, ຍິງ 7 ສະຫາຍ ຊຶ່ງປະກອບດ້ວຍ 08 ຂະແໜງການຄື: ຂະແໜງ ຈັດຕັ້ງ - ພັກ, ພະນັກງານ, ນະ ໂຍບາຍ ແລະ ຍ້ອງຍໍ; ຂະແໜງ ຄົ້ນຄວ້າ - ສັງລວມ ວຽກພັກ; ຂະແໜງ ຄົ້ນຄວ້າ - ສັງລວມ ວຽກລັດ; ຂະແໜງເລຂາການ ນຳ; ຂະແໜງຄຸ້ມຄອງເອກະ ສານ ແລະ ຂໍ້ມູນຂ່າວສານ; ຂະແໜງອະນຸສາວະລີ ປະ ທານ ໄກສອນ ພົມວິຫານ; ຂະແໜງກໍ່ສ້າງຮາກຖານການ ເມືອງ, ຂະແໜງບໍລິຫານ ແລະ ການເງິນ. ໂອກາດດຽວກັນ, ທ່ານ ຄຳພັນ ພົມມະທັດ ກໍໄດ້ຮຽກ ຮ້ອງໃຫ້ຄະນະຫ້ອງວ່າການຈົ່ງ ເອົາໃຈໃສ່ໃນການເປັນເສນາ ທິການ, ເປັນຫົວຈັກຫຼັກແຫຼ່ງ ໃຫ້ການນຳ, ຍົກສູງຄວາມຮູ້, ຄວາມສາມາດ, ຄວາມເປັນ ແບບຢ່າງນຳໜ້າໃນການປະ ຕິບັດໜ້າທີ່ວຽກງານ, ເອົາໃຈ ໃສ່ສ້າງບຸກຄະລາກອນ, ພະ ນັກງານສືບທອດປ່ຽນແທນທີ່ ໜຸ່ມນ້ອຍ, ສືບຕໍ່ຍົກສູງດ້ານ ການວິເຄາະ - ວິໄຈ, ການສັງ ລວມບັນຫາຕ່າງໆ, ກຳແໜ້ນ ແນວທາງພັດທະນາເສດຖະ ກິດ - ສັງຄົມໃຫ້ເລິກເຊິ່ງ. (ຂ່າວ: ອຸ່ນເຮືອນ ໂພທິລັກ)