ຍົກສູງບົດບາດການນຳພາຂອງພັກໃຫ້ໜັກແໜ້ນ ແລະ ເຂັ້ມແຂງ


...

    ອົງຄະນະພັກກະຊວງ ການເງິນໄດ້ສຳເລັດບັ້ນດຳ ເນີນຊີວິດການເມືອງປັບປຸງປົວ ແປງພັກ ໃນວັນທີ 8 ມີຖຸນາ ຜ່ານມານີ້, ທີ່ກະຊວງດັ່ງກ່າວ ໂດຍເປັນກຽດເຂົ້າຮ່ວມຂອງ ສະຫາຍ ພັນຄຳ ວິພາວັນ ກຳ ມະການກົມການເມືອງສູນກາງ ພັກ ຜູ້ປະຈຳການຄະນະເລຂາ ທິການສູນກາງພັກ ຮອງປະ ທານປະເທດ ຫົວໜ້າຄະນະ ຮັບຜິດຊອບບັ້ນດຳເນີນຊີວິດ ການເມືອງທົ່ວພັກປີ 2017, ຊຶ່ງມີສະຫາຍ ສົມດີ ດວງດີ ກຳມະການສູນກາງພັກ ຮອງ ນາຍົກລັດຖະມົນຕີ ລັດຖະມົນ ຕີ ກະຊວງການເງິນ, ມີບັນດາ ຄະນະປະຈຳພັກ, ກຳມະການ ພັກ, ສະມາຊິກພັກທີ່ກ່ຽວຂ້ອງ ເຂົ້າຮ່ວມ. ພາຍຫຼັງ ສະຫາຍ ສົມດີ ດວງດີ ໄດ້ກ່າວລາຍງານຫຍໍ້ ຜົນສຳເລັດກອງປະຊຸມບັ້ນດຳ ເນີນຊີວິດການເມືອງປັບປຸງປົວ ແປງພັກເປັນທີ່ຮຽບຮ້ອຍແລ້ວ. ໃນໂອກາດນີ້, ສະຫາຍ ພັນຄຳ ວິພາວັນ ໄດ້ໃຫ້ກຽດມີຄຳ ເຫັນໂອ້ລົມ ໂດຍໄດ້ຮຽກຮ້ອງ ໃຫ້ຄະນະພັກ ແລະ ສະມາ ຊິກພັກກະຊວງການເງິນຈົ່ງ ຍົກສູງບົດບາດການຊີ້ນຳໆ ພາ ຢ່າງໂປ່ງໃສ, ໜັກແໜ້ນ, ເຂັ້ມ ແຂງ ແລະ ຫັນເປັນທັນສະໄໝ ໃນການປະຕິບັດໜ້າທີ່ວຽກ ງານວິຊາສະເພາະຂອງຕົນໃຫ້ ມີຄວາມເຂັ້ມງວດປະຕິບັດກົດ ລະບຽບຂອງລັດຢ່າງຖືກຕ້ອງ, ພ້ອມກັນນີ້ກໍຕ້ອງເອົາໃຈໃສ່ ໃນການແບ່ງໜ້າທີ່ຄວາມຮັບ ຜິດຊອບໃຫ້ມີຄວາມເໝາະ ສົມສອດຄ່ອງໃນການຊີ້ນຳໆ ພາຂອງຄະນະພັກແຕ່ລະຂັ້ນ ໃຫ້ມີປະສິດທິຜົນກວ່າເກົ່າ. ສະຫາຍ ພັນຄຳ ວິພາວັນ ໄດ້ກ່າວເນັ້ນຕື່ມອີກວ່າ: ຄະນະ ພັກກະຊວງການເງິນຕ້ອງຕັດ ສິນໃຈແກ້ໄຂປະກົດການຫຍໍ້ທໍ້, ຜັນຂະຫຍາຍເນື້ອໃນຂອງກອງ ປະຊຸມວຽກງານຈັດຕັ້ງທົ່ວປະ ເທດໃຫ້ຖືກຕ້ອງ ໂດຍໃຫ້ມີ ການປັບປຸງລະບົບການຈັດຕັ້ງ ໃຫ້ຖືກຕ້ອງຊັດເຈນ ແລະ ເໝາະ ສົມກັບສະພາບເງື່ອນໄຂຕົວ ຈິງ, ຄະນະພັກແຕ່ລະຂັ້ນຕ້ອງ ພະຍາຍາມທີ່ສຸດຫຼີກເວັ້ນການ ເຮັດວຽກດຽວ ແຕ່ຫຼາຍຄົນຍາດ ກັນເຮັດ, ຮີບຮ້ອນປັບປຸງກົນ ໄກການປະສານງານລະຫວ່າງ ກະຊວງການເງິນ ແລະ ຂະ ແໜງການຕ່າງໆທີ່ກ່ຽວຂ້ອງຢູ່ ຂັ້ນສູນກາງ ແລະ ທ້ອງຖິ່ນ ເພື່ອເຮັດໃຫ້ການຈັດຕັ້ງປະຕິ ບັດໜ້າທີ່ວຽກງານມີປະສິດ ພາບ ແລະ ປະສິດທິຜົນກວ່າ ເກົ່າ, ພ້ອມກັນນີ້ກໍຕ້ອງເອົາໃຈ ໃສ່ກຳນົດທິດທາງມາດຕະ ການແກ້ໄຂບັນຫາທີ່ເກີດຂຶ້ນທີ່ ຢູ່ໃນຄວາມຮັບຜິດຊອບຂອງ ຕົນໃຫ້ໄດ້ຢ່າງຈະແຈ້ງ, ໃຫ້ ກວດກາເບິ່ງຄືນການຮັບ, ການຍົກຍ້າຍ, ການສັບຊ້ອນ ພະນັກງງານໃຫ້ຖືກຕ້ອງຕາມ ລະບຽບຫຼັກການ ຖືກຕ້ອງກັບ ໜ້າທີ່ວຽກງານວິຊາສະເພາະ ຫຼີກເວັ້ນທີ່ສຸດການເຫັນແກ່ຈຸ້ມ ເຈື້ອເຊື້ອສາຍ ຄົນເຈົ້າຄົນຂ້ອຍ ເຫັນແກ່ຜົນປະໂຫຍດສ່ວນ ຕົວເຮັດໃຫ້ບໍ່ມີຄວາມສາມັກຄີ ພາຍໃນ. (ຂ່າວ: ພູວັນ)