ສະຫາຍ ບຸນທອງ ຈິດມະນີ ໂອ້ລົມ ກອງປະຊຸມອົງຄະນະພັກກະຊວງອຸດສາ ຫະກຳ ແລະ ການຄ້າ


...

    ໃນວັນທີ 9 ມີຖຸນາຜ່ານມານີ້, ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ເລຂາທິການສູນກາງພັກ ປະທານຄະນະກວດກາສູນກາງພັກ ໄດ້ໃຫ້ກຽດໂອ້ລົມຕໍ່ ກອງປະຊຸມດຳເນີນຊີວິດການເມືອງປັບປຸງປົວ ແປງພັກ ທົ່ວອົງຄະນະພັກກະຊວງອຸດສາຫະກຳ ແລະ ການຄ້າ, ພາຍໃຕ້ການເປັນປະທານຂອງສະຫາຍ ນາງ ເຂັມມະນີ ພົນເສນາ ກຳມະການສູນກາງພັກ ເລຂາຄະນະພັກ ລັດຖະມົນຕີກະຊວງອຸດສາຫະ ກຳແລະ ການຄ້າ, ມີຄະນະ ພັກ, ຕະຫຼອດຮອດສະມາຊິກພັກ ແລະ ພະນັກງານຫຼັກແຫຼ່ງເຂົ້າ ຮ່ວມ. ສະຫາຍ ບຸນທອງ ຈິດມະ ນີ ໄດ້ສະແດງຄວາມຍ້ອງຍໍຊົມ ເຊີຍຕໍ່ອົງຄະນະພັກກະຊວງ ໃນການກະກຽມບັ້ນດຳເນີນຊີ ວິດການເມືອງຕາມຄຳສັ່ງເລກ ທີ 01 ຂອງກົມການເມືອງສູນ ກາງພັກ ແລະ ຍ້ອງຍໍຜົນງານ ການເຄື່ອນໄຫວຂອງອົງຄະ ນະພັກກະຊວງໃນໄລຍະຜ່ານ ມາ. ພ້ອມນັ້ນ ສະຫາຍ ໄດ້ ຍົກໃຫ້ເຫັນເຖິງສາເຫດ ແລະ ຄວາມຈຳເປັນໃນການດຳເນີນ ຊີວິດການເມືອງປັບປຸງປົວ ແປງ ພັກໃນຄັ້ງນີ້ ແລະ ມີຄຳ ເຫັນຊີ້ນຳຕໍ່ກອງປະຊຸມ ເພື່ອ ເປັນທິດໃຫ້ອົງຄະນະພັກອຸດ ສາຫະກຳ ແລະ ການຄ້າ ນຳໄປຈັດຕັ້ງປະຕິບັດບັ້ນດຳ ເນີນຊີວິດການເມືອງປັບປຸງປົວ ແປງພາຍໃນພັກຂັ້ນຕົນໃຫ້ບັນ ລຸຜົນສຳເລັດຕາມຈຸດປະສົງ ທີ່ກຳນົດໄວ້. ສະຫາຍ ໄດ້ເນັ້ນ ໜັກບັນຫາທີ່ຕ້ອງສືບຕໍ່ເອົາໃຈ ໃສ່ຈັດຕັ້ງປະຕິບັດ ພາຍຫຼັງສຳ ເລັດການດຳເນີນຊີວິດການ ເມືອງປັບປຸງປົວແປງຄະນະ ພັກ, ສະມາຊິກພັກໃນທົ່ວກະ ຊວງ, ສືບຕໍ່ກວດກາລົງເລິກ ແລະ ປັບປຸງແກ້ໄຂບັນຫາ ຕ່າງໆທັງອັນລວມຂອງຄະນະ ພັກ, ຄະນະກົມ, ຫ້ອງການ ແລະ ອັນສະເພາະຂອງແຕ່ລະ ສະຫາຍໃນຄະນະພັກ, ພະນັກ ງານນຳພາຄຸ້ມຄອງຫຼັກແຫຼ່ງ ແລະ ສະມາຊິກພັກ ແຕ່ລະຄົນ ດ້ວຍຄວາມຮັບຜິດຊອບສູງ ແລະ ເດັດຂາດເຂັ້ມງວດຕາມ ກົດລະບຽບຂອງພັກ, ຕາມກົດ ໝາຍ ແລະ ລະບຽບການ ຕ່າງໆຂອງລັດ.ສືບຕໍ່ຄົ້ນຄວ້າ ເຊື່ອມຊຶມ, ກຳແໜ້ນ ແລະ ສູ້ຊົນຜັນຂະຫຍາຍຈັດຕັ້ງປະຕິ ບັດບັນດາຄາດໝາຍ ທີ່ກອງ ປະຊຸມໃຫຍ່ຄັ້ງທີ X ຂອງພັກ, ແຜນພັດທະນາເສດຖະກິດ-ສັງຄົມ 5 ປີເທື່ອທີ 8 ຂອງລັດ ແລະ ບັນດາຄາດໝາຍສູ້ຊົນທີ່ ກອງປະຊຸມໃຫຍ່ ຄັ້ງທີ IV ຂອງ ອົງຄະນະພັກກະຊວງວາງ ອອກ. ສະຫາຍ ບຸນທອງ ຈິດມະ ນີ ຍັງເນັ້ນອີກວ່າ: ກະຊວງອຸດ ສາຫະກຳ ແລະ ການຄ້າຕ້ອງ ໄດ້ສຸມໃສ່ 3 ແຜນງານຄື: ແຜນ ເຊື່ອມໂຍງກັບເສດຖະກິດ ພາກພື້ນ ແລະ ສາກົນ, 2 ແຜນ ງານສ້າງສະພາບແວດລ້ອມ ທີ່ ເອື້ອອຳນວຍໃຫ້ແກ່ພາກທຸລະ ກິດ, 3 ແຜນງານສ້າງຄວາມ ແຂ່ງຂັນຂອງພາກສ່ວນວິສາ ຫະກິດຂອງລາວ ໂດຍສະ ເພາະແມ່ນວິສາຫະກິດຂະ ໜາດນ້ອຍ, ຂະໜາດກາງໃຫ້ ສາມາດແຂ່ງຂັນໃນລະດັບພາກ ພື້ນ ແລະ ສາກົນ. ເປັນເຈົ້າ ການສົມທົບກັບພາກສ່ວນກ່ຽວ ຂ້ອງຊຸກຍູ້ການຜະລິດເປັນສິນ ຄ້າ ໃນຂົງເຂດກະສິກຳ, ຫັດ ຖະກຳ, ອຸດສາຫະກຳ, ເຮັດໃຫ້ ການປູກ, ການລ້ຽງຕິດພັນກັບ ການປຸງແຕ່ງ, ມີຄຸນນະພາບ ແລະ ຕິດພັນກັບຕະຫຼາດ, ປຸກ ລະດົມຜູ້ລົງທຶນ ແລະ ການບໍລິ ການລົງເຖິງຊົນນະບົດເຂດ ຫ່າງໄກສອກຫຼີກ ເພື່ອປະກອບ ສ່ວນເຂົ້າໃນການແກ້ໄຂຄວາມ ທຸກຍາກຂອງປະຊາຊົນບັນ ດາເຜົ່າ. ສະເພາະໜ້ານີ້ຕ້ອງ ສືບຕໍ່ປະຕິບັດຄຳສັ່ງເລກທີ 15/ນຍ (ກ່ຽວກັບໄມ້) ໃຫ້ຖືກ ຕ້ອງເຂັ້ມງວດ, ສຶກສາອົບຮົມ ຜູ້ປະກອບການຫັນເຂົ້າສູ່ການ ປຸງແຕ່ງໄມ້ສຳເລັດຮູບ ເພື່ອ ຊົມໃຊ້ພາຍໃນ ແລະ ສົ່ງອອກ ຕາມທິດທີ່ລັດຖະບານຊີ້ນຳ. ເອົາໃຈໃສ່ຄຸ້ມຄອງລາຄາສິນ ຄ້າໃຫ້ຢູ່ໃນກອບທີ່ສົມເຫດສົມ ຜົນ, ຈຳກັດການນຳເຂົ້າຜະລິດ ຕະພັນທີ່ບໍ່ຈຳເປັນ. ສົມທົບກັບ ພາກສ່ວນກ່ຽວຂ້ອງສືບຕໍ່ຄົ້ນ ຄວ້າປັບປຸງວິສາຫະກິດຂອງ ລັດທີ່ຂຶ້ນກັບຄວາມຮັບຜິດ ຊອບຂອງກະຊວງອຸດສາຫະ ກຳ ແລະ ການຄ້າໃຫ້ສາມາດ ດຳລົງບົດບາດນຳໜ້າທີ່ດີ;