ກະຊວງການຕ່າງປະເທດ ດຳເນີນຊີວິດການເມືອງ ປັບປຸງປົວແປງພັກ


...

    ກອງປະຊຸມດຳເນີນຊີວິດ ການເມືອງປັບປຸງປົວແປງພັກ ຂອງອົງຄະນະພັກກະຊວງ ການຕ່າງປະເທດ ປະຈຳປີ 2017 ໄດ້ໄຂຂຶ້ນໃນວັນທີ 9 ມີຖຸນາຜ່ານມານີ້ ທີ່ກະຊວງ ການຕ່າງປະເທດ, ພາຍໃຕ້ການ ເປັນປະທານຂອງ ສະຫາຍ ສະເຫຼີມໄຊ ກົມມະສິດ ກຳມະ ການສູນກາງພັກ ເລຂາຄະນະ ພັກ ລັດຖະມົນຕີກະຊວງການ ຕ່າງປະເທດ ໂດຍໃຫ້ກຽດເຂົ້າ ຮ່ວມ ແລະ ໃຫ້ທິດຊີ້ນຳຕໍ່ກອງ ປະຊຸມຂອງສະຫາຍ ພົນໂທ ຈັນສະໝອນ ຈັນຍາລາດ ກຳ ມະການກົມການເມືອງສູນກາງ ພັກ ລັດຖະມົນຕີກະຊວງປ້ອງ ກັນປະເທດ, ມີບັນດາຄະນະ ພັກ, ຄະນະນຳ, ເລຂາ, ຮອງ ເລຂາໜ່ວຍພັກ, ຫົວໜ້າກົມ, ຮອງຫົວໜ້າກົມ, ບັນດາທ່ານ ເອກອັກຄະລັດຖະທູດ, ກົງສູນ ໃຫຍ່ ແລະ ແຂກຖືກເຊີນເຂົ້າ ຮ່ວມ. ໃນໂອກາດໄຂກອງປະ ຊຸມ, ສະຫາຍ ສະເຫຼີມໄຊ ກົມມະສິດ ໄດ້ເນັ້ນວ່າ: ການໄຂກອງປະຊຸມດຳເນີນຊີວິດ ການເມືອງຄັ້ງນີ້ ແມ່ນມີຄວາມ ໝາຍຄວາມສຳຄັນ ແລະ ມີ ຄວາມຈຳເປັນຮຽກຮ້ອງອັນຮີບ ດ່ວນ ເພື່ອປັບປຸງປົວແປງພາຍ ໃນພັກຂອງອົງຄະນະພັກກະ ຊວງການຕ່າງປະເທດ ຕາມ ຄຳສັ່ງຂອງກົມການເມືອງສູນ ກາງພັກ ເລກທີ 01/ກມສພ, ລົງວັນທີ 01 ກຸມພາ 2017 ແນ ໃສ່ສ້າງພັກໃຫ້ມີຄວາມປອດ ໃສ, ໜັກແໜ້ນ, ເຂັ້ມແຂງ, ມີ ການຫັນປ່ຽນຢ່າງຕັ້ງໜ້າ ແລະ ທັນກັບສະພາບການ ເພື່ອ ສືບຕໍ່ນຳພາ ພາລະກິດປົກປັກ ຮັກສາ ແລະ ພັດທະນາປະ ເທດຊາດ ຕາມທິດທີ່ໄດ້ກຳນົດ ໃນມະຕິກອງປະຊຸມໃຫຍ່ ຄັ້ງ ທີ X ຂອງພັກ ແລະ ມະຕິຂອງ ກອງປະຊຸມໃຫຍ່ ຄັ້ງທີ III ຂອງ ອົງຄະນະພັກກະຊວງການຕ່າງ ປະເທດ. ພ້ອມນັ້ນ ສະຫາຍ ເລຂາຍັງໄດ້ຮຽກຮ້ອງໃຫ້ບັນ ດາສະຫາຍສະມາຊິກພັກ ພະ ນັກງານຫຼັກແຫຼ່ງທຸກສະຫາຍ ຈົ່ງພ້ອມກັນເຊີດຊູ ແລະ ຍົກ ສູງຄວາມຮັບຜິດຊອບຂອງຕົນ ດຳເນີນການສຳຫຼວດກວດກາ ດ້ວຍຄວາມກ້າຫານ, ເດັດດ່ຽວ, ຈິງໃຈ ແລະ ຊ່ວຍເຫຼືອຊຶ່ງກັນ ແລະ ກັນ ເພື່ອຍົກສູງຄວາມ ຮັບຜິດຊອບໜ້າທີ່ການເມືອງ ຂະແໜງການຕ່າງປະເທດ ເຂົ້າໃນການປົກປັກຮັກສາ ແລະ ສ້າງສາພັດທະນາປະ ເທດຊາດ ກ້າວສູ່ຈຸດໝາຍຂອງ ພັກປະຊາຊົນ ປະຕິວັດລາວ ກຳນົດໄວ້. ໃນກອງປະຊຸມ ໄດ້ພ້ອມ ກັນຄົ້ນຄວ້າ, ເຊື່ອມຊຶມ 3 ເອ ກະສານສຳຄັນຄື: ມະຕິວ່າ ດ້ວຍການແກ້ໄຂພະຍາດອາດ ຍາສິດ, ສະກັດກັ້ນ ແລະ ຕ້ານ ການສໍ້ລາດບັງຫຼວງ, ເດັດດ່ຽວ ປັບປຸງປົວແປງພັກໃຫ້ປອດໃສ ເຂັ້ມແຂງ ແລະ ໜັກແໜ້ນ ແລະ ບົດສະຫຼຸຸບຕີລາຄາຮອບ ດ້ານຈັດຕັ້ງຜັນຂະຫຍາຍມະຕິ ກອງປະຊຸມໃຫຍ່ ຄັ້ງທີ X ຂອງ ພັກ ແລະ ມະຕິກອງປະຊຸມ ໃຫຍ່ ຄັ້ງທີ III ຂອງອົງຄະນະ ພັກ ກະຊວງການຕ່າງປະເທດ. ໃນໂອກາດດັ່ງກ່າວນີ້, ສະຫາຍ ພົນໂທ ຈັນສະໝອນ ຈັນຍາລາດ ໄດ້ມີຄຳເຫັນຊີ້ນຳ ຕໍ່ກອງປະຊຸມ ໂດຍຍົກໃຫ້ ເຫັນມູນເຊື້ອ, ການເຕີບໃຫຍ່ ຂະຫຍາຍຕົວ ແລະ ຜົນສຳ ເລັດອັນພົ້ນເດັ່ນ ພາຍໃຕ້ການ ຊີ້ນຳໆພາຂອງພັກໃນແຕ່ລະ ໄລຍະ ຊຶ່ງໄດ້ກາຍເປັນພື້ນ ຖານອັນໜັກແໜ້ນໃຫ້ແກ່ການ ພັດທະນາເສດຖະກິດ-ສັງຄົມ ກໍຄືການປົກປັກຮັກສາ ແລະ ສ້າງສາພັດທະນາປະເທດຊາດ, ເຮັດໃຫ້ປະເທດເຮົາສືບຕໍ່ມີ ຄວາມໜັກແໜ້ນທາງດ້ານ ການເມືອງ ສັງຄົມມີຄວາມ ສະຫງົບ ແລະ ເປັນລະບຽບ ຮຽບຮ້ອຍໂດຍພື້ນຖານ, ເສດ ຖະກິດຂະຫຍາຍຕົວຢ່າງຕໍ່ ເນື່ອງ ແລະ ໝັ້ນທ່ຽງ, ຊີວິດ ການເປັນຢູ່ຂອງປະຊາຊົນລາວ ບັນດາເຜົ່ານັບມື້ດີຂຶ້ນ, ລວມ ທັງການເຊື່ອມໂຍງກັບພາກ ພື້ນ ແລະ ສາກົນນັບມື້ຄ່ອງຕົວ ເປັນຢ່າງດີ, ຍົກສູງບົດບາດ ຂອງ ສປປ ລາວ ໃຫ້ພົ້ນເດັ່ນ ໃນເວທີສາກົນ. ພ້ອມນັ້ນ, ສະຫາຍ ພົນ ໂທ ຈັນສະໝອນ ຈັນຍາລາດ ຍັງໄດ້ຍົກໃຫ້ເຫັນຄວາມໝາຍ ຄວາມສຳຄັນຂອງບັ້ນດຳເນີນ ຊີວິດການເມືອງຕໍ່ກອງປະ ຊຸມຄັ້ງນີ້ ເພື່ອປັບປຸງປົວແປງ ພາຍໃນພັກທາງດ້ານຄຸນທາດ ການເມືອງ, ຄຸນສົມບັດສິນທຳ ປະຕິວັດ ຄວາມຮັບຜິດຊອບ ດ້ານການເມືອງການຈັດຕັ້ງ, ແບບແຜນການນຳພາ, ແບບ ແຜນວິທີການເຮັດວຽກ ແລະ ການດຳລົງຊີວິດ, ຜົນຮ້າຍ ແລະ ຄວາມອັນຕະລາຍຂອງ ພະຍາດອາດຍາສິດ ແລະ ການ ສໍ້ລາດບັງຫຼວງ. ແນໃສ່ຍົກສູງ ບົດບາດເປັນແກນນຳໃນລະ ບົບການເມືອງຢູ່ກະຊວງການ ຕ່າງປະເທດ, ສົ່ງເສີມດ້ານຕັ້ງ ໜ້າ, ເດັດຂາດແກ້ໄຂດ້ານ ອ່ອນ ແລະ ຂໍ້ຄົງຄ້າງຂອງແຕ່ ລະສະຫາຍໃນຄະນະພັກແລະ ພະນັກງານຫຼັກແຫຼ່ງສະມາ ຊິກພັກທຸກສະຫາຍ ເພື່ອຮັບ ປະກັນເຮັດໃຫ້ການນຳພາ ຂອງພັກ ມີຄວາມເຂັ້ມແຂງ, ມີຄວາມສັກສິດຕາມມະຕິ ຂອງກອງປະຊຸມພັກໄດ້ກຳນົດ ໄວ້ວ່າ: "ພັກນຳພາ, ລັດຄຸ້ມ ຄອງ, ປະຊາຊົນເປັນເຈົ້າ" ໃນ ລະບອບປະຊາທິປະໄຕ ປະ ຊາຊົນອັນແທ້ຈິງ. ກອງປະຊຸມຄັ້ງນີ້ ຈະໄດ້ ດຳເນີນແຕ່ວັນທີ 9-21 ມີຖຸນາ ຈຶ່ງຈະສຳເລັດ.