ຮອງນາຍົກຕ້ອນຮັບການເຂົ້າຢ້ຽມຂໍ່ານັບ ຂອງນັກລົງທຶນອາເມຣິກາ


...

    ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ ໃຫ້ກຽດຕ້ອນຮັບການເຂົ້າຢ້ຽມ ຂ່ຳນັບຂອງ ທ່ານ ວຸດເຕີ ວັນ ເວີດ (Wouter Van Werch) ປະທານບໍລິສັດ General Electric for Asean (GE) ແລະ ທ່ານ ນາງ ຣີນາ ບິດເຕີ (Rena Bitter) ເອກອັກຄະລັດຖະທູດ ອາເມຣິກາປະຈຳ ສປປ ລາວ ພ້ອມຄະນະ ເມື່ອວັນທີ 8 ມີຖຸ ນາຜ່ານມານີ້ ທີ່ສຳນັກງານນາ ຍົກລັດຖະມົນຕີ. ໃນໂອກາດດັ່ງກ່າວ, ທ່ານ ຮອງນາຍົກລັດຖະມົນຕີ ໄດ້ສະແດງຄວາມຍິນດີຕ້ອນຮັບ ພ້ອມທັງຕີລາຄາສູງຕໍ່ສາຍພົວ ພັນການທູດລະຫວ່າງ ສປປ ລາວ ແລະ ສະຫະລັດອາເມຣິກາໃນໄລຍະຫຼາຍປີທີ່ຜ່ານມາ ທັງໃຫ້ການຊ່ວຍເຫຼືອໃນວຽກ ງານເກັບກູ້ລະເບີດ ແລະ ດ້ານ ການສຶກສາຂອງລາວຊຶ່ງການ ເດີນທາງມາຂອງບໍລິສັດ GE ເທື່ອນີ້ ເປັນການເສີມຂະ ຫຍາຍການຮ່ວມມືລະຫວ່າງ ສອງປະເທດລາວ-ອາເມຣິກາ ທີ່ການນຳສອງປະເທດ ໄດ້ ເຊັນບົດບັນທຶກການຮ່ວມມືໃນໄລຍະການເດີນທາງມາ ຮ່ວມກອງປະຊຸມສຸດຍອດອາ ຊຽນ ຄັ້ງທີ 28-29 ຂອງອະ ດີດປະທານາທິບໍດີ ໂອບາມາ ທີ່ ສປປ ລາວ ເປັນເຈົ້າພາບ ປີ 2016 ຊຶ່ງບໍລິສັດດັ່ງກ່າວ ກໍ່ເປັນບໍລິສັດໜຶ່ງທີ່ມີຊື່ສຽງ ດ້ານພະລັງງານ ແລະ ດ້ານ ສາທາລະນະສຸກກໍ່ເປັນເງື່ອນໄຂອັນດີ ເພື່ອການຮ່ວມມືກັບ ສປປ ລາວ ທີ່ພວມປັບປຸງ ຍົກລະດັບໃນຂະແໜງການ ພະລັງງານໂດຍສະເພາະ ກໍ່ ເພື່ອເຮັດໃຫ້ປະຊາຊົນບັນດາ ເຜົ່າໄດ້ຊົມໃຊ້ໄຟຟ້າຢ່າງທົ່ວ ເຖິງ, ປະກອບສ່ວນຍົກລະດັບ ທາງດ້ານການບໍລິຫານ, ການ ຈັດການ ແລະ ຄຸ້ມຄອງລະບົບ ພະລັງງານຂອງລາວ ໃຫ້ນັບມື້ ນັບດີຂຶ້ນ.ພ້ອມນີ້ ສປປ ລາວ ກໍ່ພວມດຳເນີນໂຄງການສາຍ ສົ່ງແຫ່ງຊາດ 500 ກິໂລໂວນ ຊຶ່ງຈະໄດ້ມີການຮ່ວມມືພັດທະ ນາ ແລະ ຍົກລະດັບເຮັດໃຫ້ຕາຂ່າຍໄຟຟ້າໃນຂອບເຂດທົ່ວ ປະເທດສາມາດນຳໃຊ້ໄດ້ຢ່າງ ມີປະສິດທິພາບ ແລະ ປະສິດ ທິຜົນ. ດ້ານໜຶ່ງກໍ່ຈະໄດ້ມີການ ຮ່ວມມືໃນການຍົກລະດັບຄວາມຮູ້-ຄວາມສາມາດ ໃຫ້ແກ່ພະນັກງານຂອງລາວ ເພື່ອ ພັດທະນາໃນຂະແໜງພະລັງ ງານທີ່ຍືນຍົງ, ຮ່ວມກັນປຶກສາ ຫາລືຄົ້ນຄວ້າ ເພື່ອພັດທະນາ ດ້ານຕາຂ່າຍໄຟຟ້າໃຫ້ສາ ມາດເຊື່ອມຈອດເປັນລະບົບດຽວພາຍໃນປະເທດ ແລະ ເຊື່ອມໂຍງກັບບັນດາປະເທດ ອ້ອມຂ້າງ ແລະ ພາກພື້ນ ເພື່ອການນຳໃຊ້ພະລັງງານໄຟຟ້າໃຫ້ ໄດ້ເຕັມເມັດ-ເຕັມໜ່ວຍ ແລະ ມີສະຖຽນລະພາບຂອງໄຟຟ້າ, ຮ່ວມກັນພັດທະນາການນຳໃຊ້ ອຸປະກອນເພື່ອການປະຢັດ ໄຟ ແລະ ແລກປ່ຽນບົດຮຽນ ຕ່າງໆ ໂດຍສະເພາະດ້ານນະ ໂຍບາຍການສົ່ງເສີມ ທັງສຳ ລັບຫົວໜ່ວຍທຸລະກິດ ແລະ ການຊົມໃຊ້ພາຍໃນ. ດ້ານສາ ທາລະນະສຸກ ກໍແມ່ນອີກດ້ານ ໜຶ່ງທີ່ລັດຖະບານລາວ ໃຫ້ຄວາມສຳຄັນ ແລະ ຊຸກຍູ້ສົ່ງ ເສີມອັນເປັນໂອກາດອັນດີເພື່ອໃຫ້ບໍລິສັດ GE ສາມາດສຶກສາຄວາມເປັນໄປໄດ້ ເພື່ອຈະລົງທຶນ ແລະ ຮ່ວມມືກັບຂະ ແໜງສາທາລະນະສຸກ ບໍ່ວ່າຈະເປັນການສ້າງໂຮງໝໍທີ່ທັນ ສະໄໝ ຫຼື ການສະໜອງເຄື່ອງ ມື ແລະ ເຕັກໂນໂລຊີອັນໃໝ່ ໃຫ້ແກ່ ສປປ ລາວ. ໃນໂອກາດດຽວກັນ, ທ່ານ Wouter Van Werch ກໍ່ໄດ້ສະແດງຄວາມຂອບໃຈຕໍ່ການຕ້ອນຮັບຢ່າງອົບອຸ່ນຂອງ ທ່ານຮອງນາຍົກລັດຖະມົນຕີ ແລະ ພ້ອມທີ່ຈະໃຫ້ການຮ່ວມ ມືທຸກດ້ານ ໂດຍຜ່ານຫ້ອງ ການຜູ້ຕາງໜ້າໃນ ສປປ ລາວ ການສຶກສາຄວາມເປັນໄປໄດ້ຂອງການລົງທຶນໃນຂະແໜງ ອຸດສາຫະກຳພະລັງງານໄຟ ຟ້າ ແລະ ການຮ່ວມມືແບບສອງຝ່າຍ ລວມເຖິງການລົງ ທຶນໃນການບໍລິການດ້ານສຸຂະ ພາບ ເພື່ອປະກອບສ່ວນເຂົ້າໃນການພັດທະນາເສດຖະກິດ -ສັງຄົມຂອງ ສປປ ລາວ.