ທ່ານ ມານະສິນ ວົງໄຊ ເປັນຜູ້ອຳນວຍການ ລຮລ ຄົນໃໝ່


...

     ໃນວັນທີ 11 ກໍລະກົດນີ້, ທີ່ສຳນັກງານລັດວິສາຫະກິດຖື ຮຸ້ນລາວ (ລຮລ) ໄດ້ຈັດພິທີ ມອບ-ຮັບໜ້າທີ່ລະຫວ່າງທ່ານ ສົມບຸນ ມະໂນລົມ ຜູ້ອຳນວຍ ການຜູ້ເກົ່າທີ່ກະສຽນອາຍຸບຳ ນານ ແລະ ທ່ານ ມານະສິນ ວົງໄຊ ຜູ້ອຳນວຍການຜູ້ໃໝ່ ຂອງ ລຮລ ເປັນກຽດເຂົ້າຮ່ວມ ມີທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງ ງານ ແລະ ບໍ່ແຮ່, ທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງ ການເງິນປະທານສະພາ ບໍລິຫານ ລຮລ ພ້ອມດ້ວຍພາກ ສ່ວນກ່ຽວຂ້ອງເຂົ້າຮ່ວມ. ໃນພິ ທີ ທ່ານ ສົມບຸນ ມະໂນລົມ ໄດ້ລາຍງານໂດຍຫຍໍ້ກ່ຽວກັບ ການດຳເນີນທຸລະກິດຂອງ ລຮລ ວ່າ: ນັບແຕ່ໄດ້ຮັບການ ສ້າງຕັ້ງ ລຮລ ຂຶ້ນໃນວັນທີ 23/2/2005 ໂດຍເລີ່ມຈາກ ການແຕ່ງຕັ້ງຜູ້ອຳນວຍການ ເພື່ອເປັນຜູ້ດຳເນີນການສ້າງ ລຮລ ຕາມຂັ້ນຕອນ ແລະ ຂະ ບວນການຕາມກົດໝາຍຢ່າງ ຄົບຖ້ວນ. ການກຳເນີດ ແລະ ເຕີບໃຫຍ່ຂອງ ລຮລ ໄດ້ປະສົບ ກັບສິ່ງທ້າທາຍ ແລະ ຄວາມ ຫຍຸ້ງຍາກຫຼາຍຢ່າງ. ຜ່ານການ ຈັດຕັ້ງປະຕິບັດວຽກງານດ້ວຍ ຄວາມບຸກບືນຫ້າວຫັນ ແລະ ມີຄວາມຮັບຜິດຊອບສູງຂອງ ຄະນະນຳ ຈຶ່ງເຮັດໃຫ້ທຸລະກິດ ຂອງ ລຮລ ມີການເຕີບໃຫຍ່ ຂະຫຍາຍຕົວຢ່າງໜັກແໜ້ນ, ມີປະສິດທິຜົນ ແລະ ມີຄວາມ ໝັ້ນຄົງຕະຫຼອດມາ. ຄຽງຄູ່ກັບ ການເຕີບໃຫຍ່ຂະຫຍາຍຕົວ ທາງດ້ານທຸລະກິດ, ການຈັດ ຕັ້ງ ແລະ ບຸກຄະລາກອນກໍມີ ການຂະຫຍາຍຕົວຢ່າງຕໍ່ເນື່ອງ ເຊັ່ນດຽວກັນ. ການຈັດຕັ້ງຂອງ ລຮລ ໃນປີ 2005 ມີພະນັກ ງານພຽງແຕ່ 13 ຄົນ (ຍິງ 3 ຄົນ). ຈາກນັ້ນກໍໄດ້ມີການເຕີບ ໃຫຍ່ຂະຫຍາຍຕົວເປັນລຳດັບ ມາເຖິງປີ 2017 ມີພະນັກງານ ທັງໝົດ 116 ຄົນ (ຍິງ 31 ຄົນ). ພາຍຫຼັງທີ່ ລຮລ ໄດ້ຖືກສ້າງ ຕັ້ງຂຶ້ນພຽງແຕ່ 10 ເດືອນ, ໜ່ວຍພັກ ລຮລ ກໍໄດ້ຖືກສ້າງ ຕັ້ງຂຶ້ນ ໃນເວລານັ້ນໜ່ວຍພັກ ມີສະມາຊິກພັກພຽງແຕ່ 5 ສະ ຫາຍເທົ່ານັ້ນ. ຮອດປີ 2017 ສະມາຊິກພັກໄດ້ເພີ່ມຈຳນວນ ຂຶ້ນເປັນ 25 ສະຫາຍ (ຍິງ 4 ສະຫາຍ). ຄະນະໜ່ວຍພັກ ໄດ້ເອົາໃຈໃສ່ຊີ້ນຳໆພາສະມາ ຊິກພັກ-ພະນັກງານເຄື່ອນໄຫວ ຕາມພາລະບົດບາດຂອງຕົນ ແລະ ໄດ້ສູ້ຊົນໃນການປະຕິບັດ ແຜນການສ້າງໜ່ວຍພັກແຂງ- ຮູ້ນຳພາຮອບດ້ານໃນປີ 2008 ເປັນຕົ້ນມາ ແລະ ໄດ້ຮັບຜົນສຳ ເລັດເປັນຢ່າງດີຕະຫຼອດມາ ຊຶ່ງ ມັນໄດ້ສະແດງອອກຄື: ໜ່ວຍ ພັກ ລຮລ ໄດ້ຮັບນາມມະຍົດ ເປັນໜ່ວຍພັກແຂງ-ຮູ້ນຳພາ ຮອບດ້ານ 9 ສະໄໝຕິດຕໍ່ກັນ ແຕ່ປີ 2008-2016 ພ້ອມດຽວ ກັນນັ້ນ ທ່ານ ສົມບຸນ ມະໂນລົມ ກໍໄດ້ກ່າວມອບໂອນພາລະໜ້າ ທີ່ອັນມີກຽດ ແລະ ສຳຄັນໃຫ້ ແກ່ທ່ານ ມານະສິນ ວົງໄຊ ຜູ້ ອຳນວຍການຄົນໃໝ່ ເພື່ອສານ ຕໍ່ໃນການນຳພາ ລຮລ ຢ່າງ ຮອບດ້ານ ຕາມພາລະບົດບາດ ສິດ ແລະ ໜ້າທີ່ທີ່ໄດ້ຮັບມອບ ໝາຍຈາກພັກ ແລະ ລັດຖະ ບານ ໃນພິທີ ທ່ານຜູ້ອຳນວຍ ການຜູ້ເກົ່າ ແລະ ຜູ້ໃໝ່ກໍໄດ້ ລົງນາມໃນເອກະສານມອບ- ຮັບໜ້າທີ່. ຫຼັງຈາກນັ້ນ, ທ່ານ ຄຳມະນີ ອິນທິລາດ ກໍໄດ້ໃຫ້ ຄຳຊີ້ນຳໃນການຈັດຕັ້ງປະຕິ ບັດວຽກງານກໍຄືການດຳເນີນທຸ ລະກິດຂອງ ລຮລ ໃຫ້ສືບຕໍ່ ເຕີບໃຫຍ່ເຂັ້ມແຂງທາງດ້ານ ປະລິມານ ແລະ ຄຸນນະພາບ ຕະຫຼອດໄປ.