ອຸດົມໄຊ ລາຍງານຄວາມຄືບໜ້າໂຄງການທາງລົດໄຟ ລາວ-ຈີນ


...

     ກອງປະຊຸມສະຫຼຸຸບຄວາມ ຄືບໜ້າການຈັດຕັ້ງປະຕິບັດ ວຽກງານໂຄງການກໍ່ສ້າງເສັ້ນ ທາງລົດໄຟລາວ-ຈີນ ໄລຍະ ແຂວງອຸດົມໄຊ ປະຈຳເດືອນ ມີຖຸນາ 2017 ຈັດຂຶ້ນໃນຕອນ ເຊົ້າວັນທີ 5 ກໍລະກົດ 2017 ຢູ່ທີ່ຫ້ອງປະຊຸມພະແນກໂຍ ທາທິການແຂວງ (ຍທຂ) ແຂວງ ໂດຍການເປັນປະທານຂອງ ທ່ານ ລັດຕະນະມະນີ ຄູນນີວົງ ຮອງລັດຖະມົນຕີກະຊວງ ຍທຂ, ຫົວໜ້າຄະນະຄຸ້ມຄອງ ການກໍ່ສ້າງທາງລົດໄຟລາວ- ຈີນ ຂັ້ນສູນກາງ, ມີພາກສ່ວນ ກ່ຽວຂ້ອງເຂົ້າຮ່ວມ. ໃນກອງປະຊຸມ, ບັນດາ ຜູ້ເຂົ້າຮ່ວມໄດ້ຮັບຟັງການສະ ຫຼຸຸບລາຍງານຜົນຂອງການ ເຄື່ອນໄຫວຈັດຕັ້ງປະຕິບັດ ວຽກງານຂອງແຕ່ລະພາກສ່ວນ ໃນໄລຍະເດືອນມີຖຸນາ 2017 ຜ່ານມາ ໂດຍສະເພາະແມ່ນ ຄວາມຄືບໜ້າຂອງການກໍ່ສ້າງ ເສັ້ນທາງລົດໄຟລາວ-ຈີນ ໄລ ຍະແຂວງອຸດົມໄຊ ທີ່ມີຄວາມ ຍາວ 126,6 ກິໂລແມັດ, ໃນ ນັ້ນ ປະກອບມີຂົວ 57 ແຫ່ງ, ອຸມົງ 34 ຈຸດ ແລະ ສະຖານີ 9 ແຫ່ງ ຊຶ່ງມາຮອດປັດຈຸບັນ ເຫັນວ່າວຽກງານແຕ່ລະດ້ານ ແມ່ນພວມເລັ່ງຈັດຕັ້ງປະຕິບັດ ແລະ ບາງໜ້າວຽກແມ່ນໄດ້ສຳ ເລັດໃນເບື້ອງຕົ້ນແລ້ວ ແລະ ພວມສືບຕໍ່ຈັດຕັ້ງປະຕິບັດໃນ ຂັ້ນຕອນຕໍ່ໄປເຊັ່ນ: ການແຕ່ງ ຕັ້ງຄະນະຮັບຜິດຊອບ, ການປະ ສານສົມທົບກັບພາກສ່ວນທີ່ ກ່ຽວຂ້ອງ, ການປັກຫຼັກໝາຍ, ວຽກງານຜົນກະທົບສິ່ງແວດ ລ້ອມ -ສັງຄົມ, ການຊົດເຊີຍຄືນ ໃຫ້ແກ່ປະຊາຊົນທີ່ໄດ້ຮັບຜົນ ກະທົບ, ວຽກງານກວດກູ້ລະ ເບີດ ກໍໄດ້ມີການສຳຫຼວດ ແລະ ແບ່ງອອກເປັນ 3 ຈຸດ ໃຫຍ່ ລວມທັງວຽກງານການກໍ່ ສ້າງ ແລະ ຂຸດເຈາະອຸມົງ ຂອງບໍລິສັດຜູ້ຮັບເໝົາກໍ່ສ້າງ ໃນແຕ່ລະໄລຍະ ກໍໄດ້ຂຸ້ນຂ້ຽວ ກໍ່ສ້າງ ເພື່ອເຮັດໃຫ້ສຳເລັດທັນ ຕາມແຜນການ ແລະ ເວລາທີ່ ກຳນົດໄວ້. ນອກຈາກວຽກງານທີ່ຄະ ນະຮັບຜິດຊອບແຕ່ລະຂັ້ນ ເຄື່ອນໄຫວຈັດຕັ້ງໄປຕາມທິດ ທາງແລ້ວ ກໍຍັງມີບາງວຽກງານ ທີ່ເຫັນວ່າຍັງສັບສົນ ແລະ ບໍ່ ສາມາດເຄື່ອນໄຫວໄດ້ຕາມ ເປົ້າໝາຍ ແລະ ພາລະບົດ ບາດ ເປັນຕົ້ນແມ່ນວຽກງານ ການຄຸ້ມຄອງແຮງງານຕ່າງປະ ເທດ, ການສະໜອງສະບຽງ ອາຫານ, ການລົງປະຈຳການ ຂອງເຈົ້າໜ້າທີ່ ປກສ ແລະ ອື່ນໆ ເພື່ອຊອກຫາແນວທາງ ແກ້ໄຂບັນຫາດັ່ງກ່າວ ເພື່ອ ເຮັດໃຫ້ໂຄງການກໍ່ສ້າງເສັ້ນ ທາງລົດໄຟລາວ-ຈີນ ໄລຍະ ແຂວງອຸດົມໄຊ ດຳເນີນໄປ ຢ່າງເປັນລະບົບຕໍ່ເນື່ອງ. (ຂ່າວ: ຄານມະນີ ຮຽນດໍຈັນ)