ສຳເລັດກອງປະຊຸມແນວໂຮມລາວ-ຫວຽດນາມ ແລະ ກຳປູເຈຍ


...

     ທ່ານ ນາງ ຄຳຈັນ ພົມ ແສງສະຫວັນ ຮອງປະທານສູນ ກາງແນວລາວສ້າງຊາດ ໄດ້ ຖະແຫຼງຂ່າວກ່ຽວກັບຜົນສຳ ເລັດກອງປະຊຸມ 3 ແນວໂຮມ ລາວ-ຫວຽດນາມ ແລະ ກຳປູ ເຈຍ ຄັ້ງທີ III ຕໍ່ສື່ມວນຊົນ ເມື່ອວັນທີ 11 ກໍລະກົດນີ້ວ່າ: ໃນວັນທີ 25/6/2017 ຜ່ານມາ ນີ້, ທີ່ນະຄອນຫຼວງຮ່າໂນ້ຍ ແຫ່ງ ສາທາລະນະລັດ ສັງຄົມ ນິຍົມຫວຽດນາມ, ອົງການ ແນວໂຮມປະເທດຊາດຫວຽດ ນາມ ໄດ້ເປັນເຈົ້າພາບຈັດກອງ ປະຊຸມປະທານແນວໂຮມ 3 ປະເທດກຳປູເຈຍ - ລາວ ແລະ ຫວຽດນາມ ຢ່າງເປັນທາງການ, ເຂົ້າຮ່ວມກອງປະຊຸມຄັ້ງນີ້ ມີ ຄະນະຜູ້ແທນຂັ້ນສູງຂອງສູນ ກາງ ແນວລາວສ້າງຊາດ ນຳໂດຍ ທ່ານ ໄຊສົມພອນ ພົມວິຫານ ກຳມະການກົມການເມືອງສູນ ກາງພັກ ປະທານສູນກາງແນວ ລາວສ້າງຊາດ, ຄະນະຜູ້ແທນ ຂັ້ນສູງແນວໂຮມປະເທດຊາດ ຫວຽດນາມ ນຳໂດຍທ່ານ ເຈິ່ນແທ່ງເມິ້ນ ກຳມະການສູນ ກາງພັກ ປະທານສູນກາງແນວ ໂຮມປະເທດຊາດຫວຽດນາມ ແລະ ຄະນະຜູ້ແທນຂັ້ນສູງ ແນວໂຮມສາມັກຄີພັດທະນາ ມາຕຸພູມກຳປູເຈຍ ນຳໂດຍ ສົມເດັດ ອັກຄະມະຫາໂປ ເຢຍ ຈັກກຣີ ເຮັງ ຊຳຣິນ ປະທານ ສະພາແຫ່ງຊາດ ປະທານແນວ ໂຮມສາ ມັກຄີພັດທະນາມາຕຸ ພູມກຳປູເຈຍ. ກອງປະຊຸມທີ່ ມີຄວາມໝາຍສຳຄັນນີ້, 3 ຝ່າຍມີຄວາມປິຕິຊົມຊື່ນເປັນ ຢ່າງຍິ່ງທີ່ໄດ້ ພ້ອມກັນຕີລາຄາ ປະເມີນຜົນການຈັດຕັ້ງປະຕິ ບັດບົດບັນທຶກຊ່ວຍຈຳໂຄງ ການຮ່ວມມືລະຫວ່າງແນວ ລາວສ້າງຊາດກັບແນວໂຮມ ປະເທດຊາດຫວຽດນາມ ແລະ ແນວໂຮມສາມັກຄີພັດທະ ນາມາຕຸພູມ ກຳປູເຈຍ ທີ່ໄດ້ ລົງນາມໃນວັນທີ 18/12/ 2013 ທີ່ນະຄອນຫຼວງວຽງຈັນ ຊຶ່ງທັງສາມຝ່າຍໄດ້ສົນທະນາ ແລກປ່ຽນ ແລະ ເປັນເອກະ ພາບກັນ ເພື່ອສືບຕໍ່, ເສີມຂະ ຫຍາຍບັນດາໝາກຜົນທີ່ໄດ້ ຮັບໃນ 3 ປີຜ່ານມາ ແລະ ສືບ ຕໍ່ເພີ່ມທະວີການຮ່ວມມືໃນ ຕໍ່ໜ້າ ໂດຍມີ 6ເນື້ອໃນຕົ້ນຕໍທີ່ ສຳຄັນຄື: ໜຶ່ງ: ສືບຕໍ່ຜັນຂະ ຫຍາຍກ່ຽວກັບການໂຄສະນາ, ສຶກສາອົບຮົມໃຫ້ທຸກຊັ້ນຄົນ, ພິເສດຕໍ່ກັບຄົນຮຸ່ນໜຸ່ມສືບ ທອດໃຫ້ມີຄວາມຮັບຮູ້ເຂົ້າ ໃຈຢ່າງເລິກເຊິ່ງກ່ຽວກັບມູນ ເຊື້ອປະຫວັດສາດສາຍພົວ ພັນລະຫວ່າງລາວ - ຫວຽດ ນາມ ແລະ ກຳປູເຈຍ ເພື່ອຜົນ ປະໂຫຍດຂອງປະຊາຊົນ ແຕ່ລະປະເທດ. ສອງ: ເພີ່ມ ທະວີເປີດກວ້າງການພົບປະ ແລກປ່ຽນມິດຕະພາບລະ ຫວ່າງແນວໂຮມ, ບັນດາອົງ ການພາຄີຂອງແນວໂຮມ ແລະ ປະຊາຊົນສາມປະເທດ. ສາມ: ຈັດຕັ້ງເຄື່ອນໄຫວສະເຫຼີມສະ ຫຼອງບັນດາວັນປະຫວັດສາດ ສຳຄັນທີ່ໃຫຍ່ຂອງ 3 ປະເທດ ເປັນຕົ້ນໃນປີ 2017, ການສະ ເຫຼີມສະຫຼອງວັນສ້າງຕັ້ງສາຍ ພົວພັນການທູດລະຫວ່າງ 2 ປະເທດລາວ-ຫວຽດນາມ ຄົບ ຮອບ 55 ປີ, ວັນເຊັນສົນທິ ສັນຍາມິດຕະພາບ ແລະການ ຮ່ວມມືລາວ-ຫວຽດນາມ ຄົບ ຮອບ 40 ປີ (18/7/ 1977- 18/7/2017). ສີ່: ສືບຕໍ່ເພີ່ມ ທະວີການແລກປ່ຽນຄະນະ ຜູ້ແທນຂັ້ນສູງໄປມາຢ້ຽມຢາມ ສັນຖະວະໄມຕີ ແລະ ແລກປ່ຽນ ຄະນະວິຊາການຮ່ວມກັນ. ຫ້າ: ປະສານງານກັນ ເພື່ອ ປະກອບສ່ວນສ້າງປະຊາຄົມ ອາຊຽນຫັນໄປສູ່ປະຊາຊົນ, ສ້າງຄວາມເປັນມິດຕະພາບ, ທຳຄວາມເຂົ້າໃຈ ເຊິ່ງກັນ ແລະ ກັນ ລະຫວ່າງປະຊາຊົນ ບັນດາປະເທດ ແນໃສ່ປະກອບ ສ່ວນປົກປັກຮັກສາສັນຕິພາບ, ຄວາມໝັ້ນຄົງໃນພາກພື້ນ ສາກົນ. ຫົກ: ໃນປີ 2020 ແນວໂຮມສາມັກຄີພັດທະນາ ມາຕຸພູມ ກຳປູເຈຍ ຈະເປັນ ເຈົ້າພາບຈັດກອງປະຊຸມ 3 ປະທານແນວໂຮມ ເພື່ອສະ ຫຼຸຸບການຈັດຕັ້ງປະຕິບັດບົດ ບັນທຶກຊ່ວຍຈຳໂຄງການຮ່ວມ ມືໄລຍະ 2017- 2020.