ອາໂກເທັກ ສຳປະທານດິນປູກປາມນ້ຳມັນຢູ່ສາລະວັນ


...

     ແຂວງສາລະວັນ ໄດ້ຈັດ ພິທີເຊັນສັນຍາໃຫ້ບໍລິສັດລາວ ອາໂກເທັກ ມະຫາຊົນ ສຳປະ ທານເນື້ອທີ່ດິນ 150 ເຮັກຕາ ເພື່ອປູກປາມນ້ຳມັນຢູ່ເມືອງ ຕະໂອ້ຍ ຊຶ່ງມີໄລຍະຂອງການ ສຳປະທານແມ່ນເລີ່ມແຕ່ປີ 2017-2047 ກຳນົດ 30 ປີ. ທ່ານ ຄຳພອນ ມະນີວັນ ແສງສຸກ ຮອງຫົວໜ້າພະແນກ ແຜນການ-ການລົງທຶນແຂວງ ສາລະວັນ ລາຍງານວ່າ: ການ ອະນຸມັດໃຫ້ບໍລິສັດລາວອາ ໂກເທັກ ຈຳກັດ ສຳປະທານ ເນື້ອທີ່ດິນຈຳນວນ 150 ເຮັກ ຕາ ເພື່ອເຮັດສວນກ້າເບ້ຍປາມ ນ້ຳມັນທີ່ເມືອງຕະໂອ້ຍ ແຂວງ ສາລະວັນ ລວມທັງປູກຕົ້ນ ປາມ, ຫຼັງຈາກປູກໄດ້ 4 ປີ ກໍ ສາມາດເກັບກູ້ຜົນຜະລິດໄດ້ ແລ້ວສາມາດນຳເອົາປາມປ້ອນ ໂຮງງານ, ເພື່ອໄປຜະລິດເປັນ ນ້ຳມັນພືດ ແລະ ນ້ຳມັນກາ ຊວນ ເປັນການຫຼຸຸດຜ່ອນການ ນຳເຂົ້ານ້ຳມັນຈາກຕ່າງປະ ເທດອີກດ້ວຍ. ດິນໃນ 150 ເຮັກຕາ ນອກຈາກການປູກຕົ້ນປາມ ແລ້ວ ທາງບໍລິສັດຍັງຈະເຮັດເປັນ ສູນສາທິດ ເພື່ອໃຫ້ປະຊາຊົນ ຜູ້ທີ່ສົນໃຈໃຫ້ເຂົາເຈົ້າໄດ້ຮຽນ ຮູ້ສຶກສາເບິ່ງວິທີການຕ່າງໆທີ່ ປະຊາຊົນມີຄວາມສົນໃຈ ກໍ ສາມາດປູກໄດ້ດ້ວຍຕົນເອງ ເພາະວ່າຕົ້ນປາມປູກຄັ້ງດຽວ ໃຫ້ຜົນຜະລິດເຖິງ 30 ປີ, ບໍລິ ສັດລາວອາໂກເທັກ ມະຫາຊົນ ຈະລົງທຶນ 1.500.000 ໂດລາ ຫຼື ເທົ່າກັບ 10 ຕື້ກວ່າກີບ. ພິທີເຊັນບົດບັນທຶກໂຄງ ການດັ່ງກ່າວ ໄດ້ຈັດຂຶ້ນໃນວັນ ທີ 7 ກໍລະກົດຜ່ານມານີ້ ທີ່ ແຂວງສາລະວັນ ຝ່າຍແຂວງ ສາລະວັນ ໃຫ້ກຽດເຊັນບົດບັນ ທຶກໂດຍທ່ານ ວິຊຽນ ນະວີກຸນ ຮອງເຈົ້າແຂວງສາລະວັນ ຜູ້ຊີ້ ນຳວຽກງານເສດຖະກິດຂັ້ນ ແຂວງ, ທ່ານ ບຸນເຮັ່ງ ໄຊຍະ ເເສນ ຮອງຫົວໜ້າພະແນກ ແຜນການ-ການລົງທຶນແຂວງ ສາລະວັນ, ທ່ານ ກອງແລ ວໍ ຣະວົງ ຮອງຫົວໜ້າພະແນກ ກະສິກຳ ແລະ ປ່າໄມ້ແຂວງ ສາລະວັນກັບຝ່າຍບໍລິສັດໂດຍ ທ່ານ ອຸດົມ ແກ້ວທະວົງ ປະ ທານບໍລິສັດລາວອາໂກເທັກ ມະຫາຊົນ, ມີຜູ້ຕາງໜ້າຈາກ ພະແນກການທີ່ກ່ຽວຂ້ອງອ້ອມ ຂ້າງແຂວງເຂົ້າຮ່ວມເປັນສັກຂີ ພິຍານ. (ຂ່າວ-ພາບ: ສິດຕາ ເພັດວົງສາ)