ກອງປະຊຸມການຮ່ວມມືການນຳຊາວໜຸ່ມກຳປູເຈຍ-ລາວ-ຫວຽດນາມ (CLV)


...

    

ກອງປະຊຸມການຮ່ວມມື ການນຳຊາວໜຸ່ມ ກຳປູເຈຍ-ລາວ-ຫວຽດນາມ (CLV) ໄດ້ ໄຂຂຶ້ນໃນວັນທີ 8 ກັນຍານີ້ ທີ່ນະຄອນໂຮ່ຈິມິນ ສສ ຫວຽດ ນາມ ໂດຍການເປັນປະທານ ຮ່ວມຂອງຄະນະນຳຊາວໜຸ່ມ ທັງ 3 ປະເທດ (ສສ ຫວຽດ ນາມ-ລາຊະອານາຈັກກຳປູ ເຈຍ- ສປປ ລາວ) ຊຶ່ງຄະນະ ຜູ້ແທນຊາວໜຸ່ມລາວ ນຳໂດຍ ສະຫາຍ ສອນທະນູ ທຳມະວົງ ກຳມະການສູນກາງພັກ ເລຂາ ຄະນະບໍລິຫານງານສູນກາງ ຊປປລ; ຄະນະຜູ້ແທນຫວຽດ ນາມ ນຳໂດຍ ສະຫາຍ ເລ ກ໋ອກ ຝອງ ກຳມະການສຳ ຮອງສູນກາງພັກ ເລຂາທີ 1 ຄະນະບໍລິຫານງານຊາວໜຸ່ມ ກອມມູນິດໂຮ່ຈິມິນ ແລະ ຄະ ນະນຳຊາວໜຸ່ມກຳປູເຈຍ ນຳ ໂດຍສະຫາຍ ຮຸ່ນມະນີ ສະມາ ຊິກສະພາແຫ່ງຊາດ ປະທານ ສະຫະພັນຊາວໜຸ່ມແຫ່ງຊາດ ກຳປູເຈຍ, ມີບັນດາສະຫາຍ ການນຳ ແລະ ຜູ້ທີ່ກ່ຽວຂ້ອງທັງ 3 ປະເທດຫວຽດນາມ-ລາວ- ກຳປູເຈຍ ເຂົ້າຮ່ວມ. ກອງປະຊຸມການຮ່ວມມື ການນຳຊາວໜຸ່ມກຳປູເຈຍ-ລາວ-ຫວຽດນາມ ທີ່ນະຄອນ ໂຮ່ຈິມິນຄັ້ງນີ້ ໄດ້ມີການພົບ ປະແລກປ່ຽນ, ຄົ້ນຄວ້າປຶກສາ ຫາລືກັນໃນ 3 ຫົວຂໍ້ໃຫຍ່ຄື: 1. ການສຶກສາອົບຮົມຊາວໜຸ່ມ 3 ປະເທດຮັບຮູ້ໄດ້ມິດຕະພາບ ແລະ ມູນເຊື້ອຄວາມສາມັກຄີ ອັນເປັນມູນເຊື້ອ, ຫົວຂໍ້ທີ 2. ຈຸດລິເລີ່ມຂອງແຕ່ລະປະເທດ ແລກປ່ຽນປະສົບການໃນການ ພັດທະນາວຽກງານທຸລະກິດ ໜຸ່ມ 3 ປະເທດ ແລະ ຫົວຂໍ້ທີ 3. ເພີ່ມທະວີຊຸກຍູ້ກິດຈະກຳ ວຽກງານອາສາສະໝັກ ເພື່ອ ພັດທະນາຊຸມຊົນ ແລະ ສັງ ຄົມ. ໃນແຕ່ລະຫົວຂໍ້ຄະນະຜູ້ ແທນທັງ 3 ປະເທດ ໄດ້ມີ ການປະກອບຄຳເຫັນແລກ ປ່ຽນບົດຮຽນຊຶ່ງກັນ ແລະ ກັນ ຢ່າງພາວະວິໄສ. ໃນໂອກາດທີ່ທາງຄະນະ ຜູ້ແທນຊາວໜຸ່ມປະຊາຊົນ ປະ ຕິວັດລາວ ໄດ້ມາເຄື່ອນໄຫວ ຢູ່ນະຄອນໂຮ່ຈິມິນໃນຄັ້ງນີ້ ກໍ ໄດ້ມີການພົບປະສອງຝ່າຍກັບ ຄະນະຜູ້ແທນສະຫະພັນຊາວ ໜຸ່ມແຫ່ງຊາດ ລາຊະອານາ ຈັກກຳປູເຈຍ ເພື່ອປຶກສາຫາລື ຄວາມພ້ອມໃນການກ້າວໄປ ເຖິງການມີບົດບັນທຶກການ ຮ່ວມມືຊ່ວຍເຫຼືອ ແລະ ແລກ ປ່ຽນສອງຝ່າຍລະຫວ່າງຄະ ນະຊາວໜຸ່ມປະຊາຊົນ ປະຕິ ວັດລາວ ແລະ ສະຫະພັນຊາວ ໜຸ່ມແຫ່ງຊາດ ລາຊະອານາ ຈັກກຳປູເຈຍ ຊຶ່ງຈະມີຂຶ້ນໃນ ບໍ່ດົນຂ້າງໜ້າ. ຈາກນັ້ນ ຄະ ນະຜູ້ແທນຈາກ ສປປ ລາວ ກໍ ໄດ້ເຂົ້າຢ້ຽມຂ່ຳນັບການນຳຄະ ນະພັກ ນະຄອນໂຮ່ຈິມິນ ໂດຍ ການຕ້ອນຮັບຂອງສະຫາຍ ເຕິດ ແທັງ ກາງ ກຳມະການ ສູນກາງພັກ ຮອງເລຂາຄະນະ ພັກ ຜູ້ປະຈຳການນະຄອນໂຮ່ ຈິມິນ ເພື່ອລາຍງານສະພາບ ການ ແລະ ຈຸດປະສົງໃນການ ມາເຄື່ອນໄຫວ ແລະ ເຮັດວຽກ ໃນຄັ້ງນີ້ ຊຶ່ງທັງສອງຝ່າຍກໍໄດ້ ຕີລາຄາສູງຕໍ່ສາຍພົວພັນ ແລະ ໝາກຜົນຂອງການຮ່ວມມື ແບບພິເສດຂອງສອງພັກ-ສອງລັດ ກໍຄືປະຊາຊົນສອງ ຊາດລາວ-ຫວຽດນາມ, ເວົ້າ ສະເພາະກໍຄືສອງຄະນະຊາວ ໜຸ່ມປະຊາຊົນ ປະຕິວັດລາວ ແລະ ຄະນະຊາວໜຸ່ມກອມມູ ນິດໂຮ່ຈິມິນ ແລະ ສືບຕໍ່ຢ້ຽມ ຢາມ ແລະ ເຮັດວຽກກັບມະ ຫາວິທະຍາໄລນາໆຊາດນະ ຄອນໂຮ່ຈິມິນ, ເຂດເຕັກໂນໂລ ຊີຂັ້ນສູງນະຄອນໂຮ່ຈິມິນ ແລະ ກຸ່ມບໍລິສັດອຸດສາຫະກຳຢາງ ພາລາຫວຽດນາມນຳອີກ. ທັງນີ້ ກໍເພື່ອເສີມຂະ ຫຍາຍນ້ຳໃຈຮັກຊາດອັນດູດ ດື່ມ ເພື່ອສືບທອດມູນເຊື້ອຕໍ່ສູ້ ບໍ່ຍອມຈຳນົນຂອງບັນພະບູ ລຸດ ແລະ ປະຊາຊົນສາມຊາດ ອ້າຍນ້ອງ ຜ່ານການຕໍ່ສູ້ໃນ ແປວໄຟ ແຫ່ງການຕໍ່ສູ້ກູ້ຊາດ ອັນທຸກຍາກລຳບາກໃນເມື່ອ ກ່ອນ, ຊຶ່ງກຳລັງແຮງຕົ້ນຕໍກໍ ແມ່ນຊາວໜຸ່ມ ເປັນກຳລັງ ປະຈັນບານເຂັ້ມແຂງ ໄດ້ສ້າງ ວິລະກຳອັນລ້ຳເລີດຈາລຶກ ໄວ້ໃນໜ້າປະຫວັດສາດຂອງ 3 ປະເທດ ດັ່ງແນວຄິດ ຂອງ ປະທານໂຮ່ຈິມິນ ທີ່ວ່າບໍ່ ມີສິ່ງໃດທີ່ດີກວ່າເອກະລາດ ແຫ່ງຊາດ, ແຕ່ເອກະລາດແຫ່ງ ຊາດ ຕ້ອງຮັບປະກັນໃຫ້ປະຊາ ຊົນມີສິດເສລີພາບ ມີຄວາມ ອີ່ມໜຳສຳລານ ແລະ ມີຄວາມ ສຸກທີ່ແທ້ຈິງ. ໃນຍຸກໂລກາພິ ວັດ ແລະ ເຊື່ອມໂຍງ ຍິ່ງຕ້ອງ ເພີ່ມທະວີຄວາມສາມັກຄີ ແລະ ການຮ່ວມມືກັນລະຫວ່າງ 3 ປະເທດອ້າຍນ້ອງ ຫວຽດນາມ- ລາວ-ກຳປູເຈຍ ຢ່າງກວ້າງ ຂວາງ ແລະ ຍືນຍົງຮອບດ້ານ ຊຶ່ງໃນຊຸມປີທີ່ຜ່ານມາ ກໍໄດ້ມີ ບົດບັນທຶກຮ່ວມມືກັນເປັນແຕ່ ລະໄລຍະ ຊຶ່ງໃນນັ້ນໄດ້ລະບຸ ໄວ້ວ່າ ຊາວໜຸ່ມ 3 ປະເທດ ພວກເຮົາ ຈະໄດ້ເພີ່ມທະວີ ການຮ່ວມມືກັນແຕ່ຂັ້ນສູນກາງ ຈົນຮອດທ້ອງຖິ່ນຮາກຖານ ໄດ້ມີການພົບປະຢ້ຽມຢາມ ແລະ ການແລກປ່ຽນບົດຮຽນ ຊ່ວຍເຫຼືອຊຶ່ງກັນ ແລະ ກັນໃນ ດ້ານຕ່າງໆ ບໍ່ວ່າຈະດ້ານການ ເມືອງ, ເສດຖະກິດ ແລະ ວັດ ທະນະທຳ-ສັງຄົມ, ເປັນຕົ້ນ ແມ່ນການປົກປັກຮັກສາຄວາມ ສະຫງົບຕາມຊາຍແດນ, ຮັກ ສາສະພາບແວດລ້ອມ, ສົ່ງ ເສີມການຄ້າ-ການລົງທຶນ ແລະ ທ່ອງທ່ຽວ ເພື່ອໃຫ້ປະ ຊາຊົນ 3 ຊາດພວກເຮົາມີ ຄວາມຜາສຸກ ແລະ ໃຫ້ການ ຊ່ວຍເຫຼືອຊຶ່ງກັນ ແລະ ກັນ ຢ່າງໜັກແໜ້ນເລິກເຊິ່ງ. (ຂ່າວ-ພາບ: ສ.ສັນທະນາ ນັກຂ່າວຊາວໜຸ່ມ)