ເຈົ້າໜ້າທີ່ອາວຸໂສອາເຊັມ ທົບທວນການຮ່ວມມື


...

    

ທ່ານ ສົງການ ຫຼວງມູນິນ ທອນ ຫົວໜ້າກົມເສດຖະກິດ ກະຊວງການຕ່າງປະເທດ ທັງ ເປັນຫົວໜ້າເຈົ້າໜ້າທີ່ອາວຸໂສ ອາເຊັມ ຂອງ ສປປ ລາວ ໄດ້ ນຳພາຄະນະຜູ້ແທນເຂົ້າຮ່ວມ ກອງປະຊຸມເຈົ້າໜ້າທີ່ອາວຸໂສ ອາຊີ - ເອີຣົບ ຈັດຂຶ້ນໃນລະ ຫວ່າງວັນທີ 6 - 8 ກັນຍາຜ່ານ ມານີ້, ທີ່ເນປີດໍ, ປະເທດມຽນ ມາ. ຈຸດປະສົງຂອງກອງປະຊຸມ ຄັ້ງນີ້ແມ່ນເພື່ອສືບຕໍ່ປຶກສາຫາ ລືການກະກຽມທາງດ້ານເນື້ອ ໃນໃຫ້ແກ່ກອງປະຊຸມລັດຖະ ມົນຕີຕ່າງປະເທດ ອາຊີ - ເອີ ຣົບ ຫຼື ອາເຊັມ ຄັ້ງທີ 13 ທີ່ສາ ທາລະນະລັດ ສະຫະພາບມຽນ ມາ ຈະເປັນເຈົ້າພາບຈັດຂຶ້ນໃນ ວັນທີ 20 -21 ພະຈິກ 2017 ນີ້. ກອງປະຊຸມໄດ້ທົບທວນຄືນ ການຮ່ວມມື ໃນໄລຍະຜ່ານມາ ແລະ ວາງທິດທາງໃນຕໍ່ໜ້າລະ ຫວ່າງອາຊີ - ເອີຣົບ, ເປັນຕົ້ນ ແມ່ນການກະຕຸກຊຸກຍູ້ກົນໄກ ການຮ່ວມມືລະຫວ່າງສອງທະ ວີບໃຫ້ມີຄວາມຄ່ອງຕົວ ແລະ ເປັນຮູບປະທຳຫຼາຍຂຶ້ນ. ກໍຄື ການຈັດຕັ້ງຜັນຂະຫຍາຍເນື້ອ ໃນຈິດໃຈກອງປະຊຸມສຸດຍອດ ອາຊີ - ເອີຣົບ ຄັ້ງທີ 11 ໂດຍ ສະເພາະທິດທາງການເຊື່ອມ ຈອດທາງດ້ານເສດຖະກິດ, ດ້ານການຄ້າຜ່ານລະບົບອິນ ເຕີເນັດ (E - Commerce), ການລົງທຶນ, ຄົມມະນາຄົມ - ຂົນສົ່ງ ແລະ ວັດທະນະທຳ ເພື່ອໃຫ້ສອດຄ່ອງກັບທ່າອ່ຽງ ຂອງການເຊື່ອມໂຍງໃນຍຸກ ປັດຈຸບັນກໍຄືການກ້າວເຂົ້າສູ່ ທົດສະວັດທີ 3 ຂອງການຮ່ວມ ມືອາເຊັມ. ນອກຈາກນັ້ນ ກອງ ປະຊຸມຍັງໄດ້ຫາລືກ່ຽວກັບຮ່າງ ຖະແຫຼງການຂອງປະທານກອງ ປະຊຸມລັດຖະມົນຕີຕ່າງປະ ເທດ ຄັ້ງທີ 13 ໂດຍໄດ້ເນັ້ນ ໜັກໃຫ້ຮ່າງຖະແຫຼງການດັ່ງ ກ່າວ ສັ້ນ, ກະທັດຮັດ, ມີເນື້ອ ໃນຄົບຖ້ວນ ແລະ ກວມລວມ ບັນຫາຕ່າງໆທີ່ສອງທະວີບໃຫ້ ຄວາມສົນໃຈຮ່ວມກັນ. ກ່ອນໜ້າການເຂົ້າຮ່ວມ ກອງປະຊຸມເຈົ້າໜ້າທີ່ອາວຸໂສ ອາເຊັມ ຄະນະຜູ້ແທນລາວຍັງ ໄດ້ເຂົ້າຮ່ວມກອງປະຊຸມໜ່ວຍ ງານລິເລີ່ມດ້ານການເຊື່ອມ ຈອດອາເຊັມ ຄັ້ງທີ 2 ໃນວັນທີ 6 ສິງຫານີ້ ເພື່ອສືບຕໍ່ປຶກສາຫາ ລືການຄັດເລືອກປະທານຮ່ວມ ຈາກອາຊີ ແລະ ເອີຣົບ ຝ່າຍ ລະ 2 ປະເທດ ແລະ ຫາລືການ ກຳນົດຄຳນິຍາມດ້ານການ ເຊື່ອມຈອດອາຊີ - ເອີຣົບ ເພື່ອ ແນໃສ່ເຮັດໃຫ້ການເຊື່ອມຈອດ ລະຫວ່າງສອງທະວີບເປັນຮູບ ປະທຳຫຼາຍຂຶ້ນ. ໜ່ວຍງານດັ່ງ ກ່າວຖືກສ້າງຕັ້ງຂຶ້ນຢູ່ໃນກອງ ປະຊຸມສຸດຍອດອາເຊັມ ຄັ້ງທີ 11 ທີ່ອຸລານບາຕໍ ປະເທດມົງ ໂກລີ ໃນປີ 2016. ຂອບການຮ່ວມມື ອາຊີ - ເອີຣົບ ASEM ສ້າງຕັ້ງຂຶ້ນໃນ ປີ 1996 ແລະ ປັດຈຸບັນມີປະ ເທດສະມາຊິກ 51 ປະເທດ ຈາກອາຊີ ແລະ ເອີຣົບ ແລະ ສອງອົງການຈັດຕັ້ງເຂົ້າຮ່ວມ (ກອງເລຂາອາຊຽນ ແລະ ສະ ຫະພາບເອີຣົບ). ໃນປີ 2012 ສປປ ລາວ ໄດ້ຮັບກຽດເປັນ ເຈົ້າພາບຈັດກອງປະຊຸມສຸດ ຍອດອາເຊັມ ຄັ້ງທີ 9.