ທູດເຢຍລະມັນສະຫຼອງວັນແຫ່ງການ ທ້ອນໂຮມປະເທດ


...

    

 

ທ່ານ ເຢັນ ເປເຕີ ລຸດ ເຄນເຮີມ (Jens Perter LutKenhem) ເອກອັກຄະລັດຖະ ທູດ ສາທາລະນະລັດ ສະຫະ ພັນເຢຍລະມັນ ປະຈຳລາວ ໄດ້ຈັດງານລ້ຽງສະຫຼອງວັນ ແຫ່ງການທ້ອນໂຮມປະເທດ ເຢຍລະມັນ ຄົບຮອບ 27 ປີ ຂຶ້ນ ໃນຕອນຄ່ຳວັນທີ 11 ຕຸລາ ຜ່ານມານີ້ ທີ່ໂຮງແຮມດອນ ຈັນພາເລດ ໂດຍການເຂົ້າ ຮ່ວມຂອງທ່ານ ຄຳໝັ້ນ ສູນວິ ເລີດ ລັດຖະມົນຕີກະຊວງພາຍ ໃນ, ທ່ານຮອງລັດຖະມົນຕີກະ ຊວງການຕ່າງປະເທດ ແລະ ແຂກຖືກເຊີນພາຍໃນ ແລະ ຕ່າງປະເທດເຂົ້າຮ່ວມ. ທ່ານທູດໄດ້ກ່າວບາງ ຕອນວ່າ: ວັນທີ 3 ຕຸລາ 1990 ແມ່ນວັນເອກະພາບຂອງ ສສ ເຢຍລະມັນ ຕະຫຼອດ 27 ປີ ຜ່ານມາ ກໍໄດ້ມີການສ້າງສາ ພັດທະນາປະເທດຊາດ ຊຶ່ງ ຮັບປະກັນສະຖຽນລະພາບ ທາງດ້ານການເມືອງ, ເສດຖະ ກິດ-ສັງຄົມພາຍໃນປະເທດດີ ຂຶ້ນຢ່າງໝັ້ນທ່ຽງ. ປັດຈຸບັນ ເຢຍລະມັນ ແມ່ນໜຶ່ງໃນບັນດາຜູ້ໃຫ້ທຶນ ການຮ່ວມມືສອງຝ່າຍທີ່ສຳຄັນ ທີ່ສຸດຂອງ ສປປ ລາວ. ນັບແຕ່ ມີການຮ່ວມມື ກໍໄດ້ມີການ ຊ່ວຍເຫຼືອຫຼາຍກວ່າ 400 ລ້ານ ເອີໂຣ ເຂົ້າໃນການພັດທະນາ ເສດຖະກິດ-ສັງຄົມຂອງ ສປປ ລາວ. ນອກນັ້ນ ເຢຍລະມັນ ໄດ້ປະກອບສ່ວນຢ່າງຫຼວງ ຫຼາຍເຂົ້າໃນໂຄງການຊ່ວຍ ເຫຼືອດ້ານການພັດທະນາຂອງ ສະຫະພາບເອີຣົບ ແລະ ວຽກ ງານຂອງອົງການຈັດຕັ້ງສາ ກົນ. ການຮ່ວມມືດ້ານການພັດ ທະນາຂອງເຢຍລະມັນ ແມ່ນ ມີລັກສະນະຮ່ວມມືຢ່າງໃກ້ຊິດ ກັບຄູ່ຮ່ວມພັດທະນາອື່ນໆ ຊຶ່ງ ສະແດງອອກໂຄງການທີ່ໄດ້ ສ້າງຂຶ້ນກັບເອີຣົບເມື່ອບໍ່ດົນ ມານີ້ ໂດຍມີງົບປະມານທາງ ການປະມານ 500 ລ້ານເອີໂຣ ເພື່ອສະໜັບສະໜູນໂຄງການ ແຜນພັດທະນາເສດຖະກິດ- ສັງຄົມແຫ່ງຊາດ ຄັ້ງທີ 8 (NSEDP), ໃນປີ 2018 ທີ່ຈະ ມາເຖິງນີ້ ເຢຍລະມັນ ແລະ ສປປ ລາວ ຈະສະຫຼອງວັນຄົບຮອບ 60 ປີຂອງການພົວພັນການ ທູດນຳກັນ, ຂໍໃຫ້ສາຍພົວພັນ ທີ່ດີລະຫວ່າງສອງປະເທດຈົ່ງ ໝັ້ນຄົງຕະຫຼອດໄປ ເພື່ອຄວາມ ສາມັກຄີກັບບັນດາປະເທດ ເພື່ອນມິດໃນໂລກ ຈົ່ງໄດ້ຮັບ ການເສີມຂະຫຍາຍຢ່າງບໍ່ຢຸດ ຢັ້ງ. (ຂ່າວ-ພາບ: ພູວຽງຄຳ)