ແມ່ຍິງສາລະວັນ ໄຂການນຳໃຊ້ສູນສົ່ງເສີມວິຊາຊີບ


...

     ສະຫະພັນແມ່ຍິງແຂວງ ສາລະວັນ ໄດ້ຈັດພິທີໄຂການ ນຳໃຊ້ສູນວິຊາຊີບຂຶ້ນໃນວັນທີ 11 ກໍລະກົດຜ່ານມານີ້ ໂດຍ ໃຫ້ກຽດເຂົ້າຮ່ວມຂອງທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະ ທານສູນກາງສະຫະພັນແມ່ຍິງ ລາວ, ມີທ່ານ ມຸລາລີ ຮອງອົງ ການສະຫະປະຊາຊາດ ເພື່ອ ການພັດທະນາ ປະຈຳ ສປປ ລາວ, ມີຜູ້ຕາງໜ້າຈາກກະ ຊວງການຕ່າງປະເທດ, ກະ ຊວງພາຍໃນ, ກະຊວງແຜນ ການ-ການລົງທຶນ ແລະ ພະ ແນກການຕ່າງໆອ້ອມຂ້າງ ແຂວງເຂົ້າຮ່ວມ. ທ່ານ ບຸນທຽມ ແກ້ວໄຊ ຍະວົງ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງສາ ລະວັນ ໄດ້ມີຄຳເຫັນກ່ອນ ອື່ນກໍໄດ້ຍ້ອງຍໍຊົມເຊີຍຕໍ່ພາກ ສ່ວນທີ່ກ່ຽວຂ້ອງ ຊຶ່ງຍາມໃດ ກໍເປັນຫ່ວງເປັນໄຍ ແລະ ເອົາ ໃຈໃສ່ຊອກຫາທຶນຮອນມາ ຊ່ວຍພັດທະນາຊີວິດການເປັນ ຢູ່ຂອງປະຊາຊົນແຂວງສາລະ ວັນ, ການສ້າງສູນວິຊາຊີບນີ້ ຂຶ້ນເພື່ອສົ່ງເສີມເອື້ອຍນ້ອງແມ່ ຍິງມີວຽກເຮັດງານທຳພ້ອມທັງ ຍົກສູງຊີວິດການເປັນຢູ່ຂອງ ເອື້ອຍນ້ອງແມ່ຍິງໃຫ້ດີຂຶ້ນ, ນອກ ຈາກນັ້ນ ກໍຍັງເປັນບ່ອນສ້າງ ບຸກຄະລາກອນສີມືແຮງງານ, ໂຄງການພັດທະນາຊຸມຊົນ ແບບມີສ່ວນຮ່ວມ ແລະ ຍືນ ຍົງ ນອກຈາກສະໜອງຸອຸປະ ກອນໃຫ້ແກ່ສູນສົ່ງເສີມວິຊາ ຊີບ, ສູນຂໍ້ມູນຂ່າວສານຂັ້ນ ແຂວງ, ຂັ້ນເມືອງເປັນຕົ້ນ ແມ່ນເມືອງຕະໂອ້ຍ, ເມືອງ ເລົ່າງາມ ແລະ ເມືອງວາປີ ຊຶ່ງ ມີ 10 ບ້ານເປົ້າໝາຍ, ແລ້ວ ຍັງໄດ້ສະໜັບສະໜູນທຶນຮອນ ໄປທັດສະນະສຶກສາແລກປ່ຽນ ບົດຮຽນທັງພາຍໃນ ແລະ ຕ່າງ ປະເທດ ເປັນມູນຄ່າທັງໝົດ 300 ລ້ານກວ່າກີບ (365.000 ໂດລາສະຫະລັດ) ແລະ ໂຄງ ການນີ້ກໍແມ່ນຢູ່ໃນແຜນພັດ ທະນາເສດຖະກິດ-ສັງຄົມຂອງ ແຂວງ, ເປັນເປົ້າໝາຍສະຫັດ ສະວັດ ເພື່ອການພັດທະນາ ແບບຍືນຍົງ, ເຂົ້າຢູ່ໃນແຜນ ພັດທະນາແມ່ຍິງ 7 ແຜນງານ ແລະ 23 ໂຄງການຂອງສະຫະ ພັນແມ່ຍິງແຂວງວາງອອກ. ຈາກນັ້ນ ທ່ານ ບຸນທຽມ ແກ້ວໄຊຍະວົງ, ທ່ານ ນາງ ອິນ ລາວັນ ແກ້ວບຸນພັນ ແລະ ທ່ານ ມຸລາລີ ໄດ້ຮ່ວມກັນຕັດ ແຖບຜ້າ, ໄຂປ້າຍ ແລະ ທ່ຽວ ຊົມສູນວິຊາຊີບດັ່ງກ່າວ. (ຂ່າວ-ພາບ: ສິດຕາ ເພັດວົງສາ)