ລາວສົ່ງ 50 ກວ່າຫົວໜ່ວຍທຸລະກິດ ເຂົ້າຮ່ວມງານວາງສະແດງ ສິນຄ້າ ຈີນ-ອາຊຽນ ຄັ້ງທີ 14


...

    

ງານວາງສະແດງສິນຄ້າ ຈີນ-ອາຊຽນ ຄັ້ງທີ 14 ໄດ້ໄຂຂຶ້ນຢ່າງເປັນທາງການ ໃນວັນທີ 12 ກັນຍານີ້ ຢູ່ທີ່ນະຄອນໜານໜິງ ແຂວງກວາງຊີ ສປ ຈີນ ໂດຍເປັນກຽດເຂົ້າຮ່ວມຂອງ ທ່ານ ຈາງ ກ້າວລີ້ ຮອງນາຍົກລັດຖະມົນຕີ ແຫ່ງ ສປ ຈີນ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ, ມີຄະນະຜູ້ແທນຈາກປະເທດສະມາຊິກ ອາຊຽນ ແລະ ແຂກຖືກເຊີນ ເຂົ້າຮ່ວມ. ງານວາງສະແດງສິນຄ້າ ຈີນ-ອາຊຽນ ໃນຄັ້ງນີ້ ໂດຍ ພາຍໃຕ້ຫົວຂໍ້ “ຮ່ວມກັນສ້າງ ເສັ້ນທາງສາຍໄໝທາງທະເລ ແຫ່ງສະຕະວັດທີ 21, ສົ່ງເສີມ ການເຊື່ອມໂຍງເສດຖະກິດ ພາກພື້ນ ຜ່ານວຽກງານການ ທ່ອງທ່ຽວ” ໂດຍມີບັນດາຫົວ ໜ່ວຍທຸລະກິດທັງພາຍໃນ ແລະ ຕ່າງປະເທດເຂົ້າຮ່ວມ ຫຼາຍກວ່າ 2.700 ຫົວໜ່ວຍ ທຸລະກິດ, ລວມມີ 6.600 ກວ່າຮ້ານ, ໃນນັ້ນ ຈາກບັນດາ ປະເທດອາຊຽນ 1.700 ກວ່າ ຮ້ານ ແລະ ຈາກບັນດາປະ ເທດທີ່ມາຈາກນອກເຂດອາ ຊຽນ ຊຶ່ງສິນຄ້າທີ່ນຳມາວາງສະ ແດງປະກອບມີ: ສິນຄ້າກະສິ ກຳ, ເຟີນີເຈີ, ເຄື່ອງຕົບແຕ່ງ ເຮືອນ, ເຄື່ອງຫັດຖະກຳ, ເຄື່ອງ ປະດັບອັນຍະມະນີ, ສິນຄ້າບໍ ລິໂພກ, ສິນຄ້າບໍລິການ, ເຄື່ອງ ຈັກ ແລະ ລົດບັນທຸກສິນຄ້າ, ອາຫານສຳເລັດຮູບ, ຜະລິດ ຕະພັນຫຸ້ມຫໍ່, ຜະລິດຕະພັນ ໄຟຟ້າ ແລະ ຜະລິດຕະພັນທີ່ ໃຊ້ພະລັງງານ, ເຄື່ອງໃຊ້ໄຟ ຟ້າເອເລັກໂຕຣນິກ, ເຄື່ອງໃຊ້ ວັດສະດຸກໍ່ສ້າງ ແລະ ອື່ນໆ. ສຳລັບ ສປປ ລາວ ມີຫົວ ໜ່ວຍທຸລະກິດທັງພາກລັດ ແລະ ເອກະຊົນ ສົ່ງຜະລິດຕະ ພັນເຂົ້າຮ່ວມຫຼາຍກວ່າ 50 ບໍ ລິສັດ ຊຶ່ງປະກອບມີ 6 ໝວດ ຜະລິດຕະພັນ ເປັນຕົ້ນແມ່ນ ເຟີນີເຈີ ແລະ ແກະສະຫຼັກໄມ້, ເຄື່ອງປະດັບອັນຍະມະນີ, ເຄື່ອງຫັດຖະກຳແຜ່ນແພ, ກະ ສິກຳປຸງແຕ່ງ, ອາຫານ ແລະ ເຄື່ອງດື່ມ, ການບໍລິການ-ການ ທ່ອງທ່ຽວ ແລະ ສິນຄ້າໂອ ດ໊ອບ. ສິ່ງສຳຄັນໃນປີນີ້ ລັດ ຖະບານລາວ ໄດ້ຄັດເລືອກ ເອົາແຂວງໄຊຍະບູລີ ເປັນ ເມືອງແຫ່ງສະເໜ່ມານຳສະ ເໜີ ເພື່ອດຶງດູດການຄ້າ-ການ ລົງທຶນ, ການທ່ອງທ່ຽວ ແລະ ເຜີຍແຜ່ວັດທະນະທຳອັນດີ ງາມຂອງຊາດລາວ ໃຫ້ຊາວ ໂລກໄດ້ຮັບຮູ້ ແລະ ອື່ນໆ. ທ່ານ ສອນໄຊ ສີພັນດອນ ໄດ້ກ່າວບາງຕອນວ່າ: ສປປ ລາວ ໄດ້ເຂົ້າຮ່ວມງານວາງ ສະແດງສິນຄ້າ ຈີນ - ອາຊຽນ (CAEEXPO) ເລີ່ມແຕ່ປີ 2004 ເປັນຕົ້ນມາ ອັນໄດ້ ເຮັດໃຫ້ບັນດານັກທຸລະກິດ ຂອງລາວ ມີໂອກາດຊອກຫາ ຕະຫຼາດ ແລະ ຄູ່ຄ້າຂອງຕົນ ໂດຍສະເພາະການນຳເອົາບັນ ດາສິນຄ້າທີ່ເປັນທ່າແຮງຂອງ ລາວ ເຂົ້າຮ່ວມວາງສະແດງ ເປັນການເພີ່ມມູນຄ່າການສົ່ງ ອອກ ເຮັດໃຫ້ການລົງທຶນຂອງ ສປປ ລາວ ເພີ່ມຂຶ້ນ. ງານວາງສະແດງສິນຄ້າ ຈີນ-ອາຊຽນ ໄດ້ຈັດຂຶ້ນໃນທຸກ ປີ ນັບແຕ່ປີ 2004 ເປັນຕົ້ນມາ ໂດຍແມ່ນ ສປ ຈີນ ເປັນເຈົ້າ ພາບຈັດຂຶ້ນຢູ່ນະຄອນໜານ ໜິງ ແຂວງກວາງຊີ ຊຶ່ງງານດັ່ງ ກ່າວຈັດຂຶ້ນ ເພື່ອສ້າງໂອກາດ ໃຫ້ບັນດານັກທຸລະກິດຈີນ, ບັນດາປະເທດອາຊຽນ ແລະ ປະເທດອື່ນໆ ໄດ້ມີໂອກາດ ພົບປະແລກປ່ຽນສິນຄ້າຮ່ວມ ກັນ ທັງເປັນການຂະຫຍາຍຕະ ຫຼາດອອກສູ່ຕ່າງປະເທດໃຫ້ ກວ້າງຂວາງຍິ່ງຂຶ້ນ. ນອກນັ້ນ ຍັງຈະເຮັດໃຫ້ ສປ ຈີນ ກາຍ ເປັນຄູ່ຮ່ວມມືຍຸດທະສາດດ້ານ ການຄ້າ-ການລົງທຶນ ກັບບັນ ດາປະເທດອາຊຽນ ນັບມື້ນັບ ຫຼາຍຂຶ້ນ. (ຂ່າວ-ພາບ: ສຸກສາຄອນ)