ທ່ານ ບຸນຍັງ ວໍລະຈິດ ສຳເລັດການເຂົ້າຮ່ວມກອງປະຊຸມ ອາເປັກ-ອາຊຽນ


...

    

ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະໄດ້ເດີນທາງໄປເຂົ້າຮ່ວມ ກອງປະຊຸມເວທີສົນທະນາແບບບໍ່ເປັນທາງການ ລະຫວ່າງຜູ້ນຳ ເສດຖະກິດ ຂອບການຮ່ວມມືດ້ານເສດຖະກິດຂອງພາກພື້ນອາຊີ - ປາຊີຟິກ ຫຼື ອາເປັກ ແລະ ຜູ້ນຳອາຊຽນ ພາຍໃຕ້ຫົວຂໍ້ “ການເປັນຄູ່ຮ່ວມເພື່ອສ້າງຄວາມເຂັ້ມແຂງໃໝ່ ໃຫ້ແກ່ການເຊື່ອມ ຈອດ ແລະ ການເຊື່ອມໂຍງອາຊີປາຊີຟິກແບບຮອບດ້ານ” ຊຶ່ງຈັດຂຶ້ນໃນວັນທີ 10-11 ພະຈິກ 2017, ທີ່ດານັງ, ສສ ຫວຽດນາມ. ກອງປະຊຸມດັ່ງກ່າວ ເປັນເວທີປຶກສາຫາລືແລກປ່ຽນຄວາມຄິດເຫັນ ກ່ຽວກັບການສົ່ງເສີມ ການເຊື່ອມໂຍງ ແລະ ພັດທະນາເສດຖະກິດ, ການຄ້າ ແລະ ການລົງທຶນ, ການຮ່ວມມືດ້ານການເຊື່ອມ ຈອດ ໃນພາກພື້ນອາຊີ-ປາຊີ ຟິກ ແລະ ການສ້າງຄວາມເຂັ້ມ ແຂງໃຫ້ໂຄງສ້າງເສດຖະກິດ ຂອງພາກພື້ນໃຫ້ມີຄວາມຍືນ ຍົງ, ໂປ່ງໃສ່ ແລະ ສາມາດປັບ ໂຕໄດ້ຢ່າງຄ່ອງແຄ້ວ ເພື່ອຮັບ ປະກັນໃຫ້ມີການປັບປຸງສາຍ ພົວພັນ ແລະ ການຮ່ວມມື ຫຼາຍລະດັບຢູ່ໃນພາກພື້ນ, ໂດຍມີຜູ້ນຳຈາກສະມາຊິກອາ ເປັກເຂົ້າຮ່ວມທັງໝົດ 21 ເຂດ ເສດຖະກິດ ແລະ ສປປ ລາວ, ກຳປູເຈຍ ແລະ ມຽນມາເຂົ້າ ຮ່ວມ ເພື່ອເພີ່ມທະວີການຮ່ວມ ມືລະຫວ່າງປະເທດສະມາຊິກ ເອເປັກ ແລະ ອາຊຽນ. ໃນໂອກາດເຂົ້າຮ່ວມ ກອງປະຊຸມດັ່ງກ່າວ, ທ່ານ ບຸນຍັງ ວໍລະຈິດ ໄດ້ສະແດງ ຄວາມຂອບໃຈ ທ່ານປະທານ ກອງປະຊຸມ ເຈິນ ດ໋າຍ ກວາງ ປະທານປະເທດ ແຫ່ງ ສສ ຫວຽດນາມ, ຕໍ່ການຕ້ອນຮັບ ອັນອົບອຸ່ນ ແລະ ການເຊື້ອເຊີນ ສປປ ລາວ ເຂົ້າຮ່ວມກອງປະ ຊຸມສຸດຍອດອາເປັກຄັ້ງນີ້ ໃນ ຖານະແຂກຂອງປະເທດເຈົ້າ ພາບ ຊຶ່ງເປັນການເປີດໂອກາດ ໃຫ້ໄດ້ແລກປ່ຽນຄວາມຄິດ ເຫັນກັບບັນດາສະມາຊິກອາ ເປັກກ່ຽວກັບການຮ່ວມມືໃນ ຍຸກແຫ່ງການເຊື່ອມໂຍງ ແລະ ເຊື່ອມຈອດພາກພື້ນ ແລະ ສາ ກົນ, ພ້ອມທັງຖືໂອກາດນີ້ຮ່ວມ ກັບບັນດາຜູ້ນຳອື່ນໆ ສະແດງ ຄວາມເຫັນອົກເຫັນໃຈຕໍ່ລັດ ຖະບານ ແລະ ປະຊາຊົນຫວຽດ ນາມ ທີ່ໄດ້ຮັບຜົນກະທົບອັນ ໜັກໜ່ວງຈາກລົມພາຍຸ ດຳຣິ ຫວ່າງບໍ່ດົນມານີ້. ທ່ານ ບຸນຍັງ ວໍລະຈິດ ຍັງໄດ້ປະກອບຄຳເຫັນໃນ ກອງປະຊຸມທີ່ມີຫົວຂໍ້ວ່າ:“ການ ເປັນຄູ່ຮ່ວມ ເພື່ອສ້າງຄວາມ ເຂັ້ມແຂງໃໝ່ໃຫ້ແກ່ການ ເຊື່ອມຈອດ ແລະ ການເຊື່ອມ ໂຍງ ອາຊີ - ປາຊີຟິກ ແບບ ຮອບດ້ານ”. ໃນກອງປະຊຸມນີ້ ທ່ານປະທານປະເທດ ສປປ ລາວ ໄດ້ກ່າວເຖິງຈຸດຢືນອັນ ຈະແຈ້ງວ່າ: ໃນຍຸກສະໄໝປັດ ຈຸບັນ, ການເຊື່ອມຈອດ ແລະ ເຊື່ອມໂຍງໃນພາກພື້ນ ແລະ ສາກົນ ແມ່ນສິ່ງທີ່ຈຳເປັນສຳ ລັບທຸກປະເທດໃນໂລກບໍ່ວ່າ ໃຫຍ່ ຫຼື ນ້ອຍ, ທຸກຫຼືຮັ່ງມີ. ໃນ ຖານະທີ່ເປັນສະມາຊິກອາ ຊຽນ, ສປປ ລາວ ສະໜັບສະ ໜູນ ແລະ ເຂົ້າຮ່ວມຢ່າງເຕັມ ປ່ຽມປະຕິບັດແຜນແມ່ບົດວ່າ ດ້ວຍການເຊື່ອມຈອດອາຊຽນ ແຕ່ນີ້ຫາປີ 2025, ຊຶ່ງມີຈຸດປະ ສົງແນໃສ່ສ້າງຄວາມເຂັ້ມ ແຂງໃຫ້ປະຊາຄົມອາຊຽນບົນ ພື້ນຖານປະຕິບັດການເຊື່ອມ ໂຍງ ແລະ ເຊື່ອມຈອດຢ່າງມີ ປະສິດທິພາບຢູ່ພາຍໃນອາ ຊຽນ ແລະ ລະຫວ່າງອາຊຽນ ກັບພາກພື້ນອື່ນ ເພື່ອນຳຜົນ ປະໂຫຍດຕົວຈິງມາສູ່ທຸກປະ ເທດ, ຊຶ່ງສອດຄ່ອງກັບແຜນ ງານການເຊື່ອມຈອດອາເປັກ 2015-2025. ເພື່ອເຮັດໃຫ້ການເຊື່ອມ ໂຍງພາຍໃນອາຊຽນປະກົດ ຜົນເປັນຈິງ ແລະ ຮັບປະກັນ ຄວາມເທົ່າທຽມກັນລະຫວ່າງ ປະເທດອາຊຽນດ້ວຍກັນ, ໃນ ໄລຍະຜ່ານມາ ບັນດາສະມາ ຊິກອາຊຽນ ໄດ້ລິເລີ່ມວ່າດ້ວຍ ການເຊື່ອມໂຍງອາຊຽນ ເພື່ອ ຊ່ວຍເຫຼືອປະເທດສະມາຊິກ ໃໝ່, ລວມທັງ ສປປ ລາວ ຊຶ່ງ ແນໃສ່ຫຼຸຸດຜ່ອນຄວາມແຕກ ໂຕນຂອງລະດັບການພັດທະ ນາເສດຖະກິດ ແລະ ເພີ່ມທະ ວີຄວາມສາມາດໃນການເຊື່ອມ ໂຍງເສດຖະກິດ ຢູ່ພາຍໃນອາ ຊຽນ ແລະ ກັບພາກພື້ນອື່ນໆ ຂອງໂລກໄດ້. ທ່ານ ປະທານ ປະເທດຍັງໄດ້ສະແດງຄວາມ ຫວັງວ່າອາເປັກ ຈະພິຈາລະ ນາໃຫ້ການສະໜັບສະໜູນ ຄວາມພະຍາຍາມໃນຈຸດນີ້ຂອງ ອາຊຽນ. ທ່ານປະທານປະເທດ ສປປ ລາວ ກ່າວວ່າ: ສຳລັບ ສປປ ລາວ ຊຶ່ງເປັນປະເທດທີ່ ອ້ອມຮອບດ້ວຍ 5 ປະເທດໃກ້ ຄຽງນັ້ນ ໄດ້ຖືເອົາການເຊື່ອມ ຈອດເປັນບຸລິມະສິດໜຶ່ງໃນ ການພັດທະນາປະເທດຂອງ ຕົນ. ລັດຖະບານລາວ ໄດ້ດຳ ເນີນນະໂຍບາຍ ຫັນຈາກປະ ເທດທີ່ບໍ່ມີຊາຍແດນຕິດກັບ ທະເລໄປເປັນປະເທດເຊື່ອມ ຈອດໂດຍສຸມໃສ່ພັດທະນາ ລະບົບພື້ນຖານໂຄງລ່າງ ເພື່ອ ເຊື່ອມຈອດພາຍໃນປະເທດ ໃຫ້ທົ່ວເຖິງ ແລະ ລະຫວ່າງ ສປປ ລາວ ກັບປະເທດເພື່ອນ ບ້ານເຊັ່ນ: ສ້າງ ແລະ ປັບປຸງ ຖະໜົນຫົນທາງ, ຂະຫຍາຍ ສາຍການບິນ, ພັດທະນາການ ເດີນເຮືອຕາມລຳແມ່ນ້ຳຂອງ, ເລີ່ມກໍ່ສ້າງທາງລົດໄຟ ເພື່ອ ເຊື່ອມຈອດກັບເສັ້ນທາງລົດ ໄຟປະເທດເພື່ອນບ້ານ, ພ້ອມ ທັງມີການສຶກສາຂະຫຍາຍ ຕາໜ່າງເສັ້ນທາງລົດໄຟໃຫ້ ກວ້າງຂວາງຂຶ້ນກວ່າເກົ່າ. ດ້ວຍ ເປົ້າໝາຍອັນຈະແຈ້ງດັ່ງກ່າວ, ສປປ ລາວ ຈຶ່ງສະໜັບສະໜູນ ຂໍ້ລິເລີ່ມ “ໜຶ່ງແລວທາງໜຶ່ງເສັ້ນ ທາງ” ສະເໜີໂດຍ ສປ ຈີນ ເພາະເຫັນ ວ່າຂໍລິເລີ່ມດັ່ງກ່າວ ຈະປະກອບສ່ວນອຳນວຍ ຄວາມສະດວກໃຫ້ແກ່ການໄປ ມາຫາສູ່ຂອງປະຊາຊົນກໍຄື ການສົ່ງເສີມເປີດກວ້າງການ ຄ້າ, ການລົງທຶນ, ການທ່ອງ ທ່ຽວ ກໍຄືການເຊື່ອມໂຍງ ແລະ ການເຊື່ອມຈອດຂອງອາຊຽນ ແລະ ພາກພື້ນອື່ນຂອງໂລກ. ທ່ານ ບຸນຍັງ ວໍລະຈິດ ຍັງຖືໂອກາດດັ່ງກ່າວສະແດງ ຄວາມຂອບໃຈມາຍັງປະເທດ ສະມາຊິກອາຊຽນ ແລະ ເຂດ ເສດຖະກິດອາເປັກ ທີ່ໄດ້ໃຫ້ ການສະໜັບສະໜູນຊ່ວຍເຫຼືອ ຄວາມພະຍາຍາມຂອງ ສປປ ລາວ ໃນການດຳເນີນນະໂຍ ບາຍໃຫ້ເປັນປະເທດເຊື່ອມ ຈອດ ແລະ ເຊື່ອມໂຍງເສດ ຖະກິດກັບພາກພື້ນ, ພ້ອມທັງ ສະແດງຄວາມເຊື່ອໝັ້ນວ່າ ການຮັດແໜ້ນການຮ່ວມມືລະ ຫວ່າງສະມາຊິກອາເປັກກັບ ບັນດາປະເທດອາຊຽນຈະເປັນ ການສ້າງຄວາມເຂັ້ມແຂງໃໝ່ ໃຫ້ແກ່ການເຊື່ອມຈອດ ແລະ ການເຊື່ອມໂຍງອາຊີ-ປາຊີຟິກ ແບບຮອບດ້ານ, ຊຶ່ງຈະນຳໄປ ສູ່ການພັດທະນາແບບຍືນຍົງ ໃຫ້ແກ່ອາຊຽນ ແລະ ອາເປັກ. ໃນຕອນຄ່ຳຂອງວັນດຽວ ກັນ, ພະນະທ່ານ ບຸນຍັງ ວໍລະ ຈິດ ພ້ອມດ້ວຍຄະນະຍັງໄດ້ ເຂົ້າຮ່ວມງານລ້ຽງອາຫານຄ່ຳ ຊຶ່ງຈັດໂດຍພະນະທ່ານ ເຈິນ ດ໋າຍ ກວາງ ປະທານປະເທດ ແຫ່ງ ສສ.ຫວຽດນາມ, ເພື່ອ ຕ້ອນຮັບບັນດາຜູ້ນຳອາເປັກ ແລະ ຜູ້ນຳອາຊຽນ, ທີ່ໂຮງ ແຮມ ເຊເຣຕອນ, ດານັງ, ສສ ຫວຽດນາມ.