ປະທານປະເທດ ສປປ ລາວ ພົບປະກັບ ປະທານປະເທດ ສສ ຫວຽດນາມ ທີ່ດານັງ


...

    

ຕອນເຊົ້າຂອງວັນທີ 11 ພະຈິກນີ້ ທີ່ດານັງ ສສ ຫວຽດ ນາມ, ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ພົບປະສອງຝ່າຍກັບ ທ່ານ ເຈິນ ດ໋າຍກວາງປະທານ ປະເທດ ແຫ່ງ ສສ ຫວຽດນາມ ໃນໂອກາດທີ່ ທ່ານພ້ອມດ້ວຍ ພັນລະຍາ ແລະ ຄະນະເດີນ ທາງເຂົ້າຮ່ວມກອງປະຊຸມເວທີ ສົນທະນາແບບບໍ່ເປັນ ທາງການລະຫວ່າງຜູ້ນຳເສດ ຖະກິດອາເປັກ ແລະ ຜູ້ນຳ ອາຊຽນຢູ່ດານັງ ໃນລະຫວ່າງ ວັນທີ 10-11 ພະຈິກ 2017. ໃນການພົບປະຄັ້ງນີ້, ສອງ ຝ່າຍໄດ້ຕີລາຄາສູງຕໍ່ສາຍພົວ ພັນມິດຕະພາບ, ຄວາມສາມັກ ຄີພິເສດ ແລະ ການຮ່ວມມື ຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງ ຊາດລາວ-ຫວຽດນາມ ທີ່ມີມູນ ເຊື້ອອັນດີງາມມາແຕ່ດົນນານ ຊຶ່ງ ນັບມື້ມີຄວາມແໜ້ນແຟ້ນ, ຈະ ເລີນງອກງາມ ແລະ ແຕກດອກ ອອກຜົນຍິ່ງຂຶ້ນເລື້ອຍໆ. ພ້ອມ ນີ້ ທັງສອງຝ່າຍຍັງໄດ້ທົບທວນ ຄືນເຖິງເຫດການສຳຄັນ ໃນປີ 2017 ຊຶ່ງເປັນປີພິເສດທີ່ສອງ ປະເທດລາວ-ຫວຽດນາມ ໄດ້ ຮ່ວມກັນສະເຫຼີມສະຫຼອງ 2 ວັນປະຫວັດສາດເຊັ່ນ: ວັນສ້າງ ຕັ້ງສາຍພົວພັນການທູດລາວ- ຫວຽດນາມ ຄົບຮອບ 55 ປີ ແລະ ວັນຄົບຮອບ 40 ປີ ແຫ່ງສົນທິສັນຍາມິດຕະພາບ ແລະ ການຮ່ວມມືລະຫວ່າງ ລາວ-ຫວຽດນາມ ຢ່າງຄຶກຄື້ນ ແລະ ມີຄວາມໝາຍ. ໃນໂອກາດດັ່ງກ່າວ, ທ່ານ ເຈິນ ດ໋າຍ ກວາງ ກໍໄດ້ສະແດງ ຄວາມຂອບໃຈ ແລະ ຕີລາ ສູງຕໍ່ການເດີນທາງມາເຂົ້າ ຮ່ວມກອງປະຊຸມເວທີສົນທະ ນາແບບບໍ່ເປັນທາງການລະ ຫວ່າງຜູ້ນຳເສດຖະກິດອາເປັກ ແລະ ຜູ້ນຳອາຊຽນຢູ່ ສສ ຫວຽດນາມ ຂອງທ່ານປະທານ ປະເທດ ບຸນຍັງ ວໍລະຈິດ ພ້ອມ ດ້ວຍພັນລະຍາ ແລະ ຄະນະ ໃນຄັ້ງນີ້ ຊຶ່ງເປັນການຮັດແໜ້ນ ການຮ່ວມມືລະຫວ່າງສະມາ ຊິກອາເປັກ ກັບບັນດາປະເທດ ອາຊຽນ ໃນການສ້າງຄວາມ ເຂັ້ມແຂງໃໝ່ໃຫ້ແກ່ການເຊື່ອມ ຈອດ ແລະ ການເຊື່ອມໂຍງອາ ຊີ-ປາຊີຟິກ ແບບຮອບດ້ານ ອັນຈະນຳໄປສູ່ການພັດທະນາ ແບບຍືນຍົງໃຫ້ແກ່ອາຊຽນ ແລະ ອາເປັກ. ພ້ອມນີ້ ທ່ານ ເຈິນ ດ໋າຍ ກວາງ ຍັງໄດ້ເຊື້ອ ເຊີນ ທ່ານ ບຸນຍັງ ວໍລະຈິດ ຢ້ຽມຢາມ ສສ ຫວຽດນາມ ໃນ ທ້າຍປີ 2017 ນີ້, ເພື່ອເພີ່ມທະ ວີສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະ ຫວ່າງສອງພັກ, ສອງລັດ ແລະ ປະຊາຊົນສອງຊາດລາວ- ຫວຽດນາມ ທີ່ມີມູນເຊື້ອອັນດີ ງາມມາແຕ່ດົນນານ ໃຫ້ນັບມື້ ມີຄວາມແໜ້ນແຟ້ນ, ຈະເລີນ ງອກງາມ ແລະ ແຕກດອກ ອອກຜົນຍິ່ງໆຂຶ້ນ ແລະ ກໍເພື່ອ ສະຫຼຸຸບການສະເຫຼີມສະຫຼອງ ສອງວັນປະຫວັດສາດ ທີ່ສອງ ປະເທດລາວ-ຫວຽດນາມ ໄດ້ ຮ່ວມກັນສະຫຼອງຜ່ານມາ. ໃນໂອກາດນີ້, ທ່ານ ບຸນ ຍັງ ວໍລະຈິດ ກໍໄດ້ສະແດງ ຄວາມຂອບໃຈຕໍ່ການຕ້ອນ ຮັບອັນອົບອຸ່ນຂອງທ່ານ ເຈິນ ດ໋າຍ ກວາງ ແລະ ການເຊື້ອ ເຊີນ ສປປ ລາວ ເຂົ້າຮ່ວມ ກອງປະຊຸມເວທີສົນທະນາ ແບບບໍ່ເປັນທາງການລະຫວ່າງ ຜູ້ນຳເສດຖະກິດອາເປັກ ແລະ ຜູ້ນຳອາຊຽນໃນຄັ້ງນີ້ ຊຶ່ງເປັນ ການເປີດໂອກາດໃຫ້ ສປປ ລາວ ໄດ້ແລກປ່ຽນຄວາມຄິດ ເຫັນກັບບັນດາສະມາຊິກອາ ເປັກ ກ່ຽວກັບການຮ່ວມມືໃນ ຍຸກແຫ່ງການເຊື່ອມໂຍງ ແລະ ເຊື່ອມຈອດພາກພື້ນ ແລະ ສາ ກົນ, ພ້ອມທັງສະແດງຄວາມ ຊົມເຊີຍທີ່ ສສ ຫວຽດນາມ ໄດ້ ຮັບຜົນສຳເລັດຢ່າງຈົບງາມ ໃນການຈັດກອງປະຊຸມສຸດ ຍອດອາເປັກ ແລະ ກອງປະ ຊຸມອື່ນໆທີ່ກ່ຽວຂ້ອງໃນຄັ້ງນີ້ ແລະ ອວຍພອນໃຫ້ ສສ ຫວຽດ ນາມ ຈົ່ງມີຜົນສຳເລັດອັນໃຫຍ່ ຫຼວງກວ່າເກົ່າ ໃນການພັດທະ ນາປະເທດຊາດ. ນອກຈາກນີ້ ທ່ານ ບຸນຍັງ ວໍລະຈິດ ຍັງໄດ້ ສະແດງຄວາມເຫັນອົກເຫັນ ໃຈຕໍ່ລັດຖະບານ ແລະ ປະຊາ ຊົນຫວຽດນາມ ທີ່ໄດ້ຮັບຜົນ ກະທົບອັນໜັກໜ່ວງຈາກລົມ ພາຍຸດຳຣິ ຫວ່າງບໍ່ດົນມານີ້ ຊຶ່ງທ່ານປະທານປະເທດ ບຸນ ຍັງ ວໍລະຈິດ ກໍໄດ້ຖືໂອກາດນີ້ ຕາງໜ້າໃຫ້ລັດຖະບານ ແລະ ປະຊາຊົນລາວ ກ່າວມອບເງິນ ຈຳນວນ 100.000 ໂດລາສະ ຫະລັດ, ເຂົ້າສານ (ຈ້າວ), ໜຽວ ຈຳນວນ 20 ໂຕນ ແລະ ເຄື່ອງ ແຫ້ງອື່ນໆຕື່ມຈຳນວນໜຶ່ງ ໃຫ້ແກ່ລັດຖະບານ ແລະ ປະ ຊາຊົນຫວຽດນາມ ເພື່ອນຳ ໄປຊ່ວຍເຫຼືອຜູ້ປະສົບໄພຈາກ ພາຍຸດັ່ງກ່າວ ທີ່ພັດເຂົ້າທຳ ລາຍ ແລະ ສ້າງຄວາມເສຍ ຫາຍໃຫ້ແກ່ພາກກາງຫວຽດ ນາມ. ທ່ານ ບຸນຍັງ ວໍລະຈິດ ໄດ້ຕອບຮັບການເຊີນພະນະ ທ່ານ ໄປຢ້ຽມຢາມ ສສ ຫວຽດ ນາມ ດ້ວຍຄວາມຍິນດີ, ສ່ວນ ລາຍລະອຽດທັງສອງຝ່າຍຈະ ປະສານກັນ ໂດຍຜ່ານສາຍ ທາງການທູດຕື່ມອີກ.