ການນຳພັກ-ລັດຮ່ວມປ່ອຍປາຄືນສູ່ແຫຼ່ງນ້ຳທຳມະຊາດ


...

...

...

     ໃນວັນທີ 13 ກໍລະກົດນີ້ ຢູ່ນະຄອນຫຼວງວຽງຈັນ ກະ ຊວງກະສິກຳ ແລະ ປ່າໄມ້ ຮ່ວມກັບພະແນກກະສິກຳ ແລະ ປ່າໄມ້ນະຄອນຫຼວງວຽງ ຈັນ ໄດ້ຈັດພິທີປ່ອຍປາ ແລະ ສັດນ້ຳ - ສັດປ່າຢູ່ 3 ແຫ່ງປະ ກອບມີ: ຈຸດບ້ານໄຮ່ ເມືອງໄຊ ທານີ ເຊິ່ງປ່ອຍປາລົງສູ່ນ້ຳງື່ມ ໂດຍການເປັນກຽດເຂົ້າຮ່ວມ ຂອງທ່ານ ບຸນຍັງ ວໍລະຈິດ ປະທານປະເທດ, ທ່ານ ລຽນ ທີແກ້ວ ລັດຖະມົນຕີກະຊວງ ກະສິກຳ ແລະ ປ່າໄມ້ ແລະ ພາກສ່ວນກ່ຽວຂ້ອງເຂົ້າຮ່ວມ. ສ່ວນຈຸດທ່າເຮືອຫຼັກ 4 ບ້ານທ່າພະລານໄຊ ເມືອງສີ ສັດຕະນາກ ນະຄອນຫຼວງວຽງ ຈັນ ເຊິ່ງປ່ອຍປາລົງສູ່ນ້ຳຂອງ ໂດຍການເຂົ້າຮ່ວມຂອງທ່ານ ທອງລຸນ ສີສຸລິດ ນາຍົກລັດຖະ ມົນຕີ ແລະ ພາກສ່ວນກ່ຽວ ຂ້ອງເຂົ້າຮ່ວມ ແລະ ອີກຈຸດ ໜຶ່ງທີ່ອ່າງນ້ຳຊວງ ບ້ານສີວິໄລ ເມືອງນາຊາຍທອງ ນະຄອນ ຫຼວງວຽງຈັນ ໂດຍການເຂົ້າຮ່ວມ ຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ແລະ ພາກສ່ວນກ່ຽວຂ້ອງເຂົ້າຮ່ວມ. ກິດຈະກຳປ່ອຍປາຄັ້ງນີ້ ແຕ່ລະຈຸດນອກຈາກຈະປ່ອຍ ປາລົງສູ່ແຫຼ່ງນ້ຳທຳມະຊາດ ຫຼາຍກວ່າແສນໂຕແລ້ວ ຍັງ ປ່ອຍສັດນ້ຳ ແລະ ສັດປ່າຈຳ ນວນໜຶ່ງ. ກະຊວງກະສິກຳ ແລະ ປ່າໄມ້ຄາດຄະເນວ່າ: ການ ປ່ອຍປາ ແລະ ສັດນ້ຳ - ສັດ ປ່າປີນີ້ (ແຕ່ເດືອນກໍລະກົດ - ເດືອນກັນຍາ) ທົ່ວປະເທດຈະ ປ່ອຍປາຢ່າງຕ່ຳປະມານ 40 ລ້ານໂຕ ໂດຍເລັ່ງໃສ່ນ້ຳຂອງ, ແມ່ນ້ຳສາຂາ, ອ່າງເກັບນ້ຳ, ເຂື່ອນໄຟຟ້າ, ອ່າງເກັບນ້ຳຊົນ ລະປະທານ ແລະ ຫ້ວຍໜອງ ຄອງບຶງຕ່າງໆ ລວມທັງໜອງ ສະຂອງສ່ວນບຸກຄົນ, ສ່ວນ ແຫຼ່ງນ້ຳທຳມະຊາດຈະເນັ້ນ ການປ່ອຍປາທຳມະຊາດເປັນ ສ່ວນໃຫຍ່ ແລະ ໜອງນ້ຳ ຕ່າງໆຈະປ່ອຍປະເພດປານິນ, ປາໄນ ແລະ ປາຊະນິດອື່ນໆທີ່ ຄົນນິຍົມບໍລິໂພກ.