ໄຂກອງປະຊຸມຫົວໜ້າແພດທະຫານອາຊຽນຄັ້ງທີ 7


...

     ກະຊວງປ້ອງກັນປະເທດ ໄດ້ເປັນເຈົ້າພາບຈັດກອງປະ ຊຸມ ຫົວໜ້າແພດທະຫານອາ ຊຽນ ຄັ້ງທີ 7 ແລະ ກອງປະຊຸມແລກປ່ຽນ ແພດທະຫານໜຸ່ມອາຊຽນຂຶ້ນ ເມື່ອວັນທີ 13 ກໍລະກົດນີ້ ທີ່ໂຮງແຮມດອນຈັນພາເລດ ໂດຍພາຍໃຕ້ການເປັນປະທານ ຂອງ ທ່ານ ພັນເອກ ບົວສິງ ອິນທະວົງ ຫົວໜ້າກົມເສນາ ຮັກ ກົມໃຫຍ່ພະລາທິການ ກອງທັບປະຊາຊົນລາວ, ເປັນ ກຽດເຂົ້າຮ່ວມຂອງທ່ານ ພົນຕີ ຄຳສີ ວົງຄຳຊາວ ຫົວໜ້າຫ້ອງ ວ່າການ ກະຊວງປ້ອງກັນປະ ເທດ ທັງເປັນຫົວໜ້າເຈົ້າໜ້າ ທີ່ອາວຸໂສປ້ອງກັນປະເທດອາ ຊຽນ ຂອງ ສປປ ລາວ, ມີຄະ ນະກົມເສນາຮັກ ແລະ ຕົວ ແທນແພດທະຫານໜຸ່ມຂອງ ກອງທັບ, ບັນດາສະມາຊິກອາ ຊຽນເຂົ້າຮ່ວມ. ກອງປະຊຸມຄັ້ງນີ້ ໄດ້ຈັດ ຂຶ້ນພາຍໃຕ້ຄຳຂວັນ "ເສີມສ້າງ ການຮ່ວມມືຂອງແພດທະຫານ ອາຊຽນ ເພື່ອການຊ່ວຍເຫຼືອ ມະນຸດສະທຳ ແລະ ບັນເທົາ ທຸກໄພພິບັດ" ຊຶ່ງມີຈຸດປະສົງ ຕົ້ນຕໍ ເພື່ອແລກປ່ຽນທັດສະ ນະກ່ຽວກັບການຮ່ວມມືຂອງ ແພດທະຫານອາຊຽນ ໃນວຽກ ງານການຊ່ວຍເຫຼືອມະນຸດສະ ທຳ ແລະ ບັນເທົາທຸກໄພພິບັດ, ແລກປ່ຽນຂໍ້ມູນ-ຂ່າວສານ, ບົດຮຽນ, ປະສົບການ ແລະ ພຶດຕິກຳຕົວຈິງກ່ຽວກັບການ ສຶກສາຄົ້ນຄວ້າດ້ານການແພດ ທີ່ມີຜົນກະທົບຕໍ່ກັບວິຖີການ ດຳລົງຊີວິດ ແລະ ສຸຂະພາບ ຂອງປະຊາຊົນໃນພາກພື້ນ. ກອງທັບປະຊາຊົນລາວ ໄດ້ນຳ ສະເໜີ 3 ຫົວບົດຄື: ໜຶ່ງ, ເຫຼົ່າ ຮົບເສນາຮັກຂອງກອງທັບປະ ຊາຊົນລາວ ແລະ ຄວາມພ້ອມ ໃນການຊ່ວຍເຫຼືອມະນຸດສະ ທຳ-ບັນເທົາທຸກໄພພິບັດ, ສອງ: ການເຝົ້າລະວັງພະຍາດໄຂ້ຍຸງ ລາຍໃນນະຄອນຫຼວງວຽງຈັນ ຂອງສະຖາບັນອະນາໄມກັນ ພະຍາດ ແລະ ສົ່ງເສີມສຸຂະ ພາບກອງທັບ, ສາມ: ບົດຄົ້ນ ຄວ້າກ່ຽວກັບການກວດອາຈົມ ເພື່ອຊອກພະຍາດໃບໄມ້ໃນ ຕັບຢູ່ໂຮງໝໍ 103. ການຈັດຕັ້ງກອງປະຊຸມ ຫົວໜ້າແພດທະຫານອາຊຽນ ຄັ້ງທີ 7 ຖືເປັນເຫດການສຳຄັນ ທາງປະຫວັດສາດສຳລັບເຫຼົ່າ ຮົບເສນາຮັກຂອງກອງທັບປະ ຊາຊົນລາວ ທີ່ໄດ້ເປີດໂອກາດ ໃຫ້ແກ່ນາຍ ແລະ ພົນທະຫານ ການແພດຂອງພວກເຮົາໄດ້ ຮຽນຮູ້, ແລກປ່ຽນປະສົບການ, ບົດຮຽນອັນໃໝ່ຈາກເພື່ອນອາ ຊຽນ ຊຶ່ງໄດ້ເປັນປະໂຫຍດອັນ ລ້ຳຄ່າໃຫ້ແກ່ການພັດທະນາ ຂີດຄວາມສາມາດຂອງພະນັກ ງານພວກເຮົາໃຫ້ສູງຂຶ້ນ, ໃນ ຂະນະດຽວກັນຍັງເປັນການ ເພີ່ມທະວີບົດບາດຂອງເຫຼົ່າ ຮົບເສນາຮັກຂອງກອງທັບປະ ຊາຊົນລາວ ໃນການສົ່ງເສີມ ສາຍພົວພັນຮ່ວມມືດ້ານການ ແພດລະຫວ່າງປະເທດສະມາ ຊິກອາຊຽນດ້ວຍກັນ. (ຂ່າວ: ພູວັນ)