ສະຫວັນນະເຂດ ຜູ້ປະກອບການຂໍຈົດທະບຽນເຄື່ອງໝາຍການຄ້າ


...

    

ຜູ້ປະກອບການ 4 ຫົວໜ່ວຍ ທຸລະກິດຂອງແຂວງສະຫວັນ ນະເຂດ ປະກອບມີຮ້ານແມ່ ແກັດຂາຍໝ້ຳ ແລະ ຊີ້ນສະ ຫວັນເມືອງໄກສອນ ພົມວິຫານ; ຮ້ານນາງ ບຸນໄທ ສີສຸລາດ ຜະ ລິດຕະພັນຜ້າຝ້າຍລາວແບບ ລະຫານ້ຳ ເມືອງສອງຄອນ; ຮ້ານນາງ ເພັດສະຫວັນ ສີວິໄລ ຜະລິດກ້ວຍສາບ ເມືອງໄຊພູ ທອງ ແລະ ວິສາຫະກິດສ່ວນ ບຸກຄົນ ເພັດອຸໄທ (ໂຮງສີເຂົ້າ ກາຍອດອ້ອຍ) ເມືອງສອງຄອນ ໄດ້ພ້ອມກັນຍື່ນຄຳຮ້ອງຂໍຈົດ ທະບຽນເຄື່ອງໝາຍການຄ້າ. ການຍື່ນຂໍຈົດທະບຽນດັ່ງ ກ່າວມີຂຶ້ນໃນວາລະກອງປະ ຊຸມສະຫຼຸຸບການຈັດຕັ້ງປະຕິ ບັດໂຄງການສ້າງຄວາມເຂັ້ມ ແຂງ ທາງດ້ານຊັບສິນທາງປັນ ຍາໃຫ້ແກ່ຂະແໜງການທ້ອງ ຖິ່ນ ແລະ ຜູ້ປະກອບການທີ່ ແຂວງສະຫວັນນະເຂດ ໃນວັນ ທີ 11 ກັນຍາຜ່ານມານີ້, ທີ່ຫ້ອງ ປະຊຸມ ພະແນກອຸດສາຫະກຳ - ການຄ້າແຂວງ ພາຍໃຕ້ການ ເປັນປະທານຂອງທ່ານ ຫຸມພັນ ອິນທະຣາດ ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າ ແຂວງສະຫວັນນະເຂດ, ມີພາກ ສ່ວນກ່ຽວຂ້ອງເຂົ້າຮ່ວມ. ທ່ານ ຫຸມພັນ ອິນທະຣາດ ກ່າວວ່າ: ໃນກິດຈະກຳຂອງໂຄງ ການແມ່ນເພື່ອສ້າງຄວາມເຂົ້າ ໃຈ ແລະ ຄວາມເຂັ້ມແຂງທາງ ດ້ານວິຊາການໃຫ້ແກ່ພະນັກ ງານຂັ້ນທ້ອງຖິ່ນ, ຜູ້ປະກອບ ການຂະໜາດນ້ອຍ ແລະ ກາງ, ນັກທຸລະກິດ, ກຸ່ມຜະລິດ, ຊາວ ກະສິກອນເຫັນໄດ້ເຖິງຄວາມ ສຳຄັນ ໃນການຈົດທະບຽນຊັບ ສິນທາງປັນຍາ ແລະ ມາດຕະ ຖານກໍຄືເຫັນຄວາມສຳຄັນໃນ ການຈົດທະບຽນຊັບສິນທາງ ປັນຍາ, ການກວດກາ ແລະ ຢັ້ງຢືນຄຸນນະພາບຂອງສິນຄ້າ ກະສິກຳ ເພື່ອປົກປ້ອງຜົນປະ ໂຫຍດຂອງຜູ້ປະກອບການ, ສ້າງມູນຄ່າເພີ່ມຂອງສິນຄ້າ ແລະ ສາມາດແຂ່ງຂັນ ໃນຕະ ຫຼາດໄດ້ ພ້ອມທັງຊຸກຍູ້ ແລະ ສົ່ງເສີມໃຫ້ມີການນຳໃຊ້ລະບົບ ຊັບສິນທາງປັນຍາ, ມາດຕະ ຖານ ແລະ ວັດແທກເຂົ້າໃນຂະ ບວນການຜະລິດເປັນສິນຄ້າ ແລະ ສາມາດສົ່ງອອກ. ທ່ານ ຄຳເພັດ ວົງດາລາ ຮອງຫົວໜ້າກົມຊັບສິນທາງ ປັນຍາໄດ້ລາຍງານໃຫ້ຮູ້ວ່າ: ສຳລັບໝາກຜົນການຈັດຕັ້ງປະ ຕິບັດໂຄງການຢູ່ແຂວງສະຫວັນ ນະເຂດ ເຫັນໄດ້ວ່າບັນດາຫົວ ໜ່ວຍທຸລະກິດມີຄວາມຮັບຮູ້ ແລະ ເຂົ້າໃຈເພີ່ມຂຶ້ນກ່ຽວກັບ ຄວາມໝາຍຄວາມສຳຄັນຂອງ ວຽກງານຊັບສິນທາງປັນຍາ, ມາດຕະຖານ ແລະ ວັດແທກ, ຮູ້ເຖິງຜົນດີ ແລະ ຜົນທີ່ຈະໄດ້ ຮັບຈາກການມີເຄື່ອງໝາຍການ ຄ້າ ແລະ ໄດ້ຮັບການປົກປ້ອງ ທາງກົດໝາຍ ແລະ ການສ້າງ ມາດຕະຖານໃຫ້ແກ່ຜະລິດຕະ ພັນສິນຄ້າ ເພື່ອສ້າງມູນຄ່າເພີ່ມ ແລະ ສາມາດສົ່ງອອກໄດ້ໃນ ອະນາຄົດ, ມີຜູ້ປະກອບການ ທຸລະກິດຍື່ນຈົດທະບຽນເຄື່ອງ ໝາຍການຄ້າ 4 ຫົວໜ່ວຍ (ຄືດັ່ງທີ່ກ່າວມາຂ້າງເທິງນັ້ນ) ຈາກນີ້ກໍໄດ້ມີຜູ້ປະກອບການ ທຸລະກິດໄດ້ຍື່ນຄຳຮ້ອງຂໍການ ຢັ້ງຢືນມາດຕະຖານເຂົ້າແຫ່ງ ຊາດຈາກກົມມາດຕະຖານ ແລະ ວັດແທກຈຳນວນ 1 ຫົວ ໜ່ວຍຄື: ວິສາຫະກິດສ່ວນບຸກ ຄົນ ເພັດອຸໄທ (ໂຮງສີເຂົ້າກາ ຍອດອ້ອຍ) ນອກນັ້ນຍັງມີກຸ່ມ ຜູ້ຜະລິດທີ່ຍັງບໍ່ມີການນຳໃຊ້ ຊັບສິນທາງປັນຍາເຂົ້າໃນຂະ ບວນການຜະລິດກໍໄດ້ສະແດງ ຄວາມສົນໃຈຈົດທະບຽນເຄື່ອງ ໝາຍລວມໝູ່ມີຈຳນວນ 1 ກຸ່ມ ການຜະລິດຄື: ສະມາຄົມປີ້ງ ໄກ່ເຊໂນ. (ຂ່າວ: ຂ. ສະຫວັນນະເຂດ)