ປະທານປະເທດເຂົ້າຮ່ວມເວທີປຶກສາຫາລືຂັ້ນສູງ ວ່າດ້ວຍການຮ່ວມມືສາກົນ ໜຶ່ງແລວທາງໜຶ່ງເສັ້ນທາງ


...

    ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ພ້ອມດ້ວຍຄະນະຜູ້ແທນຂັ້ນສູງຂອງ ລາວ ໄດ້ເດີນທາງເຖິງນະຄອນຫຼວງປັກກິ່ງ ສປ ຈີນ ໃນວັນທີ 13 ພຶດສະພາ 2017 ເພື່ອເຂົ້າຮ່ວມ ກອງປະຊຸມເວທີປຶກສາຫາລືຂັ້ນສູງ ວ່າດ້ວຍການຮ່ວມມືສາກົນ "ໜຶ່ງແລວທາງ ໜຶ່ງເສັ້ນທາງ" ພາຍ ໃຕ້ຫົວຂໍ້: "ການຮ່ວມມືເພື່ອຄວາມວັດທະນາຖາວອນຮ່ວມກັນ" (Belt and Road : Cooperation for Common Prosperity) ທີ່ຈັດຂຶ້ນເປັນເວລາ 2 ວັນ ແຕ່ວັນທີ 14 - 15 ພຶດສະພາ 2017, ໂດຍໄດ້ຮັບການຕ້ອນຮັບຢ່າງອົບອຸ່ນ ຈາກການນຳຂັ້ນສູງຂອງ ສປ ຈີນ ແລະ ສະຖານເອກ ອັກຄະລັດຖະທູດ ແຫ່ງ ສປປ ລາວ ປະຈຳ ສປ ຈີນ. ໃນຕອນເຊົ້າວັນທີ 14 ພຶດສະພາ 2017, ທ່ານ ບຸນຍັງ ວໍລະຈິດ ໄດ້ເຂົ້າຮ່ວມພິທີໄຂ ກອງປະຊຸມຄົບຄະນະຂອງ ກອງປະຊຸມເວທີປຶກສາຫາລື ຂັ້ນສູງ ວ່າດ້ວຍການຮ່ວມມືສາ ກົນ "ໜຶ່ງແລວທາງ ໜຶ່ງເສັ້ນ ທາງ" ໂດຍມີຄະນະຜູ້ແທນເຂົ້າ ຮ່ວມທັງໝົດຫຼາຍກ່ວາ 1.500 ຄົນ ຈາກ 130 ກ່ວາປະເທດ ໃນຂົງເຂດອາຊີ, ເອີຣົບ, ອາເມ ຣິກາ ແລະ ອາຟຣິກກາ ຊຶ່ງໃນ ນັ້ນ ລວມມີ 29 ປະມຸກລັດ ແລະ ຫົວໜ້າລັດຖະບານ ແລະ ມີບັນດາອົງການຈັດຕັ້ງສາກົນ, ເປັນຕົ້ນແມ່ນອົງການສະຫະ ປະຊາຊາດ, ອົງການກອງທຶນ ການເງິນສາກົນ, ທະນາຄານ ໂລກ, ອົງການການຄ້າໂລກ ແລະ ສະພາເວທີເສດຖະກິດ ໂລກ (WEF). ກອງປະຊຸມເວທີປຶກສາ ຫາລືຂັ້ນສູງຄັ້ງນີ້ໄດ້ປຶກສາຫາ ລື 3 ຫົວຂໍ້ຄື: 1. "ການປະສານ ສົມທົບດ້ານນະໂຍບາຍ ເພື່ອ ການເປັນຄູ່ຮ່ວມທີ່ໃກ້ຊິດກັນ ຂຶ້ນກ່ວາເກົ່າ" Policy Synergy for Closer Patnership"; 2. "ສາຍພົວພັນລະຫວ່າງປະ ຊາຊົນ ກັບ ປະຊາຊົນຢ່າງໃກ້ ຊິດສະໜິດແໜ້ນ" (Ways to Strengthen People-to- People Bond) ແລະ 3. "ການ ຮ່ວມມືດ້ານການເຊື່ອມຈອດເພື່ອ ການພັດທະນາ ຊຶ່ງກັນແລະ ກັນ" (Connectivity Cooperation for Interconnected Development). ເປົ້າໝາຍ ໃນການປຶກສາຫາລືແມ່ນເພື່ອ ຊອກຊ່ອງທາງແກ້ໄຂສະພາບ ເສດຖະກິດຂອງໂລກໃນປັດ ຈຸບັນ ແລະ ວາງແນວທາງເສດ ຖະກິດໃນອະນາຄົດ, ເປັນຕົ້ນ ການຮ່ວມມືດ້ານເສດຖະກິດ, ນະໂຍບາຍການເງິນ ແລະ ການ ພັດທະນາເສດຖະກິດຂອງ ພາກພື້ນ ແລະ ສາກົນ ແລະ ເພື່ອສົ່ງເສີມການເປັນຄູ່ຮ່ວມ ເພື່ອການພັດທະນາ, ສ້າງຂະ ບວນໂລກາພິວັດໃຫ້ເປີດ ກວ້າງ ແລະ ກວມລວມ ແລະ ແລກປ່ຽນບັນດາຂະບວນການ ວິວັດທີ່ເປັນປະໂຫຍດແກ່ທຸກ ຝ່າຍ ແລະ ໄດ້ເຂົ້າຮ່ວມງານລ້ຽງ ອາຫານຄ່ຳ ຈັດເປັນກຽດໃຫ້ ແກ່ບັນດາປະມຸກລັດ ແລະ ຫົວ ໜ້າລັດຖະບານ ໂດຍທ່ານປະ ທານປະເທດ ສປ ຈີນ. ໃນພາກບ່າຍຂອງວັນດຽວ ກັນ, ບັນດາລັດຖະມົນຕີທີ່ກ່ຽວ ຂ້ອງຂອງ ສປປ ລາວ ໄດ້ສືບຕໍ່ ເຂົ້າຮ່ວມກອງປະຊຸມແຕ່ລະ ຫົວຂໍ້ ໂດຍກອງປະຊຸມໄດ້ປຶກ ສາຫາລື ກ່ຽວກັບການເຊື່ອມຕໍ່ ດ້ານຍຸດທະສາດ ແລະ ນະໂຍ ບາຍຕ່າງໆ, ດ້ານໂຄງລ່າງພື້ນ ຖານ, ການຄ້າເສລີ ແລະ ການ ເຊື່ອມຕໍ່ດ້ານການພົວພັນລະ ຫວ່າງປະຊາຊົນ ກັບ ປະຊາ ຊົນຢ່າງໃກ້ຊິດສະໜິດແໜ້ນ. ສ່ວນວັນທີ 15 ພຶດສະພາ 2017, ທ່ານ ບຸນຍັງ ວໍລະຈິດ ສືບຕໍ່ເຂົ້າຮ່ວມກອງປະຊຸມໂຕະ ມົນ ແລະ ກອງປະຊຸມທີ່ກ່ຽວ ຂ້ອງອື່ນໆຂອງກອງປະຊຸມເວ ທີປຶກສາຫາລືຂັ້ນສູງ ວ່າດ້ວຍ ໜຶ່ງແລວທາງ ໜຶ່ງເສັັ້ນທາງ ຊຶ່ງເປັນມື້ສຸດທ້າຍຂອງກອງ ປະຊຸມ ແລະ ຫຼັງຈາກນັ້ນສືບ ຕໍ່ເຄື່ອນໄຫວຢ້ຽມຢາມພາຍໃນ ສປ ຈີນ ຕໍ່ຈົນຮອດວັນທີ 17 ພຶດສະພາ. (ແຫຼ່ງຂ່າວຈາກ ກົມການຂ່າວກະຊວງການ ຕ່າງປະເທດ)