ປະທານປະເທດ ຕ້ອນຮັບຜູ້ແທນຂັ້ນສູງ ສປ ຈີນ


...

    

ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບຄະນະຜູ້ ແທນທະຫານຂັ້ນສູງຈາກ ສປ ຈີນ ນຳໂດຍທ່ານ ພົນເອກ ສາງຫວານສວນ ທີ່ປຶກສາແຫ່ງ ລັດ ລັດຖະມົນຕີກະຊວງປ້ອງ ກັນປະເທດ ແຫ່ງ ສປ ຈີນ ພ້ອມດ້ວຍຄະນະເຂົ້າຢ້ຽມຂ່ຳ ນັບໃນວັນທີ 14 ກັນຍານີ້ ທີ່ ທຳນຽບປະທານປະເທດ ໃນ ໂອກາດທີ່ເດີນທາງມາຢ້ຽມ ຢາມ ສປປ ລາວ ລະຫວ່າງ ວັນທີ 13-14 ກັນຍານີ້. ໃນໂອກາດດັ່ງກ່າວ, ທ່ານປະທານປະເທດເຮົາ ໄດ້ ກ່າວສະແດງຄວາມຕ້ອນຮັບ ແລະ ຊົມເຊີຍຕໍ່ຄະນະຜູ້ແທນ ດັ່ງກ່າວ ທີ່ໄດ້ເດີນທາງມາຢ້ຽມ ຢາມ ແລະ ເຮັດວຽກຢ່າງເປັນ ທາງການລະຫວ່າງສອງກອງທັບລາວ -ຈີນ, ຈີນ-ລາວ ໃນຄັ້ງນີ້ ເພື່ອ ເປັນການປະກອບສ່ວນສຳຄັນ ໃນການຜັນຂະຫຍາຍສາຍ ພົວພັນຄູ່ຮ່ວມມືຍຸດທະສາດ ຍາວນານຮອບດ້ານລາວ-ຈີນ ທີ່ໄດ້ຕົກລົງກັນ ໂດຍສະເພາະ ຂົງເຂດວຽກງານປ້ອງກັນຊາດ -ປ້ອງກັນຄວາມສະຫງົບ. ທ່ານປະທານປະເທດເຮົາ ຍັງ ໄດ້ຊົມເຊີຍທີ່ທັງສອງຝ່າຍ ໄດ້ມີການແລກປ່ຽນຄະນະ ຜູ້ແທນທະຫານຂັ້ນສູງ ແລະ ຂັ້ນຕ່າງໆທັງກຳລັງຫຼວງ-ກຳ ລັງທ້ອງຖິ່ນຢ່າງເປັນປົກກະຕິ. ນອກນັ້ນ ຍັງມີການລາດຕະ ເວນຮ່ວມກັນຕາມລຳແມ່ນ້ຳ ຂອງ 2 ຝ່າຍ ແລະ 4 ຝ່າຍ ເຮັດໃຫ້ສະພາບມີຄວາມສະ ຫງົບປອດໄພ. ທີ່ຜ່ານມາ ສອງ ຝ່າຍຍັງໄດ້ຊ່ວຍເຫຼືອຊຶ່ງກັນ ແລະ ກັນດ້ວຍດີຕະຫຼອດມາ ສະແດງອອກປັດຈຸບັນ ກອງ ທັບປົດປ່ອຍປະຊາຊົນຈີນ ໄດ້ ຊ່ວຍສ້າງສະໜາມຍິງປືນອາ ຊຽນ ແລະ ໂຄງການກໍ່ສ້າງຕຶກ 9 ຊັ້ນຢູ່ໂຮງໝໍ 103 ທີ່ກຳລັງ ດຳເນີນຢູ່ໃນປັດຈຸບັນ. ຕອນທ້າຍ, ທ່ານປະທານ ປະເທດເຮົາ ຍັງໄດ້ສະເໜີໃຫ້ ສອງກອງທັບສືບຕໍ່ເພີ່ມທະວີ ການພົວພັນຮ່ວມມືປ້ອງກັນ ຊາຍແດນເປັນເຈົ້າການສະ ກັດກັ້ນການລັກລອບພາສີ ການຄ້າຂາຍສິ່ງຜິດກົດໝາຍ- ຄ້າມະນຸດ ແລະ ຮັກສາຊັບພະ ຍາກອນທຳມະຊາດ ຕາມບໍລິ ເວນຊາຍແດນຮ່ວມກັນ ສ້າງ ຊາຍແດນສັນຕິພາບ, ມິດຕະ ພາບ ແລະ ການຮ່ວມມືທີ່ໝັ້ນ ຄົງ. (ຂ່າວ-ພາບ: ພູວຽງຄຳ)