ປະທານ ສນຊ ຊຸກຍູ້ການພັດທະນາເສດຖະກິດ-ສັງຄົມອຸດົມໄຊ


...

    ທ່ານ ໄຊສົມພອນ ພົມວິ ຫານ ກຳມະການກົມການ ເມືອງສູນກາງພັກ ປະທານສູນ ກາງແນວລາວສ້າງຊາດ (ສນຊ) ພ້ອມຄະນະໄດ້ເຄື່ອນ ໄຫວຢ້ຽມຢາມ ແລະ ເຮັດວຽກ ຢູ່ແຂວງອຸດົມໄຊ ໃນລະຫວ່າງ ວັນທີ 9-11 ພຶດສະພາຜ່ານ ມານີ້ ເພື່ອຊຸກຍູ້ການພັດທະ ນາເສດຖະກິດ-ສັງຄົມຂອງ ແຂວງ ໂດຍການຕ້ອນຮັບຢ່າງ ອົບອຸ່ນຈາກທ່ານ ເພັດສາຄອນ ຫຼວງອາໄພ ກຳມະການສູນ ກາງພັກ ເລຂາພັກແຂວງ ເຈົ້າ ແຂວງອຸດົມໄຊ ພ້ອມດ້ວຍ ການນຳຫຼັກແຫຼ່ງ, ພະນັກງານ- ລັດຖະກອນ, ທະຫານ, ຕຳຫຼວດ ແລະ ປະຊາຊົນບັນດາເຜົ່າ. ໃນໄລຍະຢູ່ຢ້ຽມຢາມນັ້ນ ທ່ານປະທານ ສນຊ ໄດ້ພົບປະ ໂອ້ລົມຄະນະພັກ - ຄະນະນຳ, ພະນັກງານຫຼັກແຫຼ່ງແຂວງ, ກຳມະການແນວລາວສ້າງ ຊາດ, ອົງການຈັດຕັ້ງມະຫາ ຊົນ, ຜູ້ຊົງຄຸນວຸດທິ, ນັກປະຕິ ວັດອາວຸໂສ, ພະນັກງານ-ລັດ ຖະກອນພາຍໃນແຂວງທີ່ສະ ໂມສອນແຂວງ. ໂອກາດດັ່ງກ່າວ, ທ່ານ ປະທານ ສນຊ ໄດ້ຮັບຟັງລາຍ ງານສະພາບລວມໂດຍຫຍໍ້ ຂອງແຂວງ ໂດຍສະເພາະ ແມ່ນສະພາບພື້ນຖານເສດຖະ ກິດ, ວັດທະນະທຳ-ສັງຄົມ, ການກະສິກຳ ພ້ອມທັງຂໍ້ສະ ດວກ, ຂໍ້ຫຍຸ້ງຍາກ, ບັນຫາທີ່ ຍັງຄົງຄ້າງຕ່າງໆ ແລະ ວຽກ ງານດ້ານອື່ນໆຂອງແຂວງ ພ້ອມທັງການຈັດຕັ້ງປະຕິບັດ ວຽກງານຕ່າງໆພາຍໃນແຂວງ ພ້ອມທັງຮັບຟັງບົດລາຍງານ ການຈັດຕັ້ງປະຕິບັດວຽກງານ ຕ່າງໆຈາກແນວລາວສ້າງຊາດ ແລະ ອົງການຈັດຕັ້ງມະຫາຊົນ ຕື່ມອີກ. ໂອກາດນີ້ ທ່ານປະທານ ສນຊ ໄດ້ໃຫ້ກຽດໂອ້ລົມ ແລະ ມີຄຳຄິດເຫັນບາງບັນຫາຕໍ່ຄະ ນະພັກ-ຄະນະນຳ, ແນວລາວ ສ້າງຊາດ, ອົງການຈັດຕັ້ງມະ ຫາຊົນ, ອົງການຈັດຕັ້ງພາຄີ ແລະ ພະນັກງານຫຼັກແຫຼ່ງ ຊຶ່ງກ່ອນອື່ນທ່ານໄດ້ຍ້ອງຍໍຊົມ ເຊີຍ ແລະ ຕີລາຄາສູງຕໍ່ຜົນ ງານທີ່ແຂວງຍາດມາໄດ້ໃນໄລ ຍະຜ່ານມາ, ໃນນີ້ ທ່ານໄດ້ຍົກ ໃຫ້ເຫັນເຖິງປະຫວັດມູນເຊື້ອ, ພາລະບົດບາດ, ສິດ ແລະ ໜ້າ ທີ່ຂອງແນວລາວສ້າງຊາດ, ຜົນສຳເລັດກອງປະຊຸມສາມັນ ຄົບຄະນະກຳມະການສູນກາງ ແນວລາວສ້າງຊາດ ຄັ້ງທີ 2 ສະໄໝທີ X ແລະ ໄດ້ເນັ້ນ ຫຼາຍບັນຫາໃຫ້ຄະນະກຳມະ ການແນວລາວສ້າງຊາດແຂວງ ອຸດົມໄຊ ຈົ່ງເພີ່ມທະວີກ້ອນກຳ ລັງມະຫາສາມັກຄີທຸກຊົນເຜົ່າ, ຊັ້ນຄົນ, ສາສະໜາ, ເພດ, ໄວ ໃຫ້ໜັກແໜ້ນ ຄຽງຄູ່ກັນນັ້ນ ຕ້ອງຮັບປະກັນສະຖຽນລະ ພາບທາງດ້ານການເມືອງ ຄວາມສະຫງົບສຸກຂອງສັງຄົມ, ເອົາໃຈໃສ່ໂຄສະນາປຸກລະ ດົມ, ເສີມຂະຫຍາຍສິດເປັນ ເຈົ້າຂອງປະຊາຊົນໃນການປະ ຕິບັດແນວທາງນະໂຍບາຍ ຂອງພັກ ແລະ ແຜນພັດທະນາ ເສດຖະກິດ - ສັງຄົມຂອງລັດ, ຄົ້ນຄວ້າຜັນຂະຫຍາຍບັນດາ ແນວທາງນະໂຍບາຍຂອງພັກ -ລັດ ແລ້ວຫັນເປັນແຜນງານ, ເປັນໂຄງການລະອຽດ, ພ້ອມ ນັ້ນ ແຂວງຕ້ອງຖືເອົາສຳຄັນ ໃນການຫັນລົງຮາກຖານທ້ອງ ຖິ່ນ ແລະ ເອົາໃຈໃສ່ວຽກງານ ການສຶກສາອົບຮົມການເມືອງ -ແນວຄິດຂອງຖັນແຖວພະນັກ ງານຫຼັກແຫຼ່ງ, ສະມາຊິກພັກ ໃຫ້ກຳແໜ້ນ ແລະ ເຊື່ອມຊຶມ ແນວທາງນະໂຍບາຍຂອງພັກ ຢ່າງເລິກເຊິ່ງ, ເອົາໃຈໃສ່ວຽກ ງານປ້ອງກັນຊາດ-ປ້ອງກັນ ຄວາມສະຫງົບ ໃນການແກ້ໄຂ ປະກົດການຫຍໍ້ທໍ້ໃນສັງຄົມ ເປັນຕົ້ນການສະກັດກັ້ນການ ຄ້າຂາຍເຖື່ອນ, ການຄ້າຢາ ເສບຕິດ, ບັນຫາການຄ້າມະ ນຸດຕາມເຂດຊາຍແດນ ແລະ ບັນຫາອື່ນໆໃຫ້ໝົດໄປ, ຄຽງ ຄູ່ກັນນັ້ນ ຕ້ອງມີສະຕິລະວັງ ຕົວຕໍ່ການເຄື່ອນໄຫວຂອງກຸ່ມ ຄົນບໍ່ຫວັງດີສວຍໃຊ້ວຽກງານ ຊົນເຜົ່າ, ສາສະໜາ ເພື່ອແບ່ງ ແຍກຄວາມສາມັກຄີ, ທ່ານຍັງ ເນັ້ນຕື່ມໃຫ້ເອົາໃຈໃສ່ໃນການ ພັດທະນາທ້ອງຖິ່ນ ໂດຍສະ ເພາະການສຸມໃສ່ວຽກງານ ການຜະລິດເປັນສິນຄ້າຕາມ ທ່າແຮງບົ່ມຊ້ອນ ຄຽງຄູ່ກັບ ການສ້າງວຽກເຮັດງານທຳໃຫ້ ປະຊາຊົນ, ຊາວໜຸ່ມ-ໄວໜຸ່ມ ເພື່ອຫຼຸຸດພົ້ນໄພວ່າງງານທີ່ເກີດ ຂຶ້ນພາຍໃນແຂວງ, ຄະນະກຳ ມະການແນວລາວສ້າງຊາດ ແຕ່ລະຂັ້ນ, ພະນັກງານຫຼັກ ແຫຼ່ງ,ຜູ້ຊົງຄຸນວຸດທິ, ພະນັກ ງານປະຕິວັດ, ທະຫານ, ຕຳ ຫຼວດ ຈົ່ງເຊີດຊູຄວາມຮັບຜິດ ຊອບໃນໜ້າທີ່ການເມືອງຂອງ ຕົນ, ເຕົ້າໂຮມຄວາມສາມັກຄີ ເປັນປຶກແຜ່ນ ແລະ ຕັ້ງໜ້າປຸກ ລະດົມຂົນຂວາຍປະຊາຊົນ ບັນດາເຜົ່າໃນການເຂົ້າຮ່ວມ ຂະບວນການຕ່າງໆທີ່ສຳຄັນ ຂອງຊາດ ແລະ ປະກອບສ່ວນ ຢ່າງຕັ້ງໜ້າໃນການຈັດຕັ້ງປະ ຕິບັດແຜນພັດທະນາເສດຖະ ກິດ - ສັງຄົມຂອງແຂວງໃຫ້ບັນ ລຸຕາມຄາດໝາຍ ກໍຄືວຽກ ງານແນວລາວສ້າງຊາດໃຫ້ມີ ການປ່ຽນແປງໃໝ່ທີ່ຕັ້ງໜ້າ ແລະ ນັບມື້ດີຂຶ້ນເທື່ອລະກ້າວ. ໃນໂອກາດນີ້ ທ່ານປະ ທານ ສນຊ ພ້ອມດ້ວຍຄະນະ ໄດ້ໄປຢ້ຽມຢາມໂຮງຮຽນສາ ມັນກິນນອນຊົນເຜົ່າຂອງແຂວງ ອຸດົມໄຊ ແລະ ໄດ້ມອບເຄື່ອງ ຊ່ວຍເຫຼືອ ຊຶ່ງເປັນເຄື່ອງອຸປະ ໂພກ, ບໍລິໂພກ ແລະ ອຸປະ ກອນການຮຽນໃຫ້ໂຮງຮຽນດັ່ງ ກ່າວ ລວມມູນຄ່າທັງໝົດ 19 ລ້ານກວ່າກີບ, ໄປຢ້ຽມຢາມ ການປູກຜັກປອດສານພິດ ແລະ ຢ້ຽມຢາມໂຄງການກໍ່ ສ້າງເສັ້ນທາງລົດໄຟລາວ-ຈີນ ຕື່ມອີກ.