ພິທີເປີດປື້ມ 70 ປີ ການທູດລາວ


...

    

ຕອນເຊົ້າຂອງວັນທີ 13 ຕຸລາຜ່ານມານີ້, ສະຖາບັນ ການຕ່າງປະເທດກະຊວງການ ຕ່າງປະເທດ ໄດ້ຈັດພິທີເປີດ “ປື້ມການທູດລາວ 70 ປີ” ຂຶ້ນຢ່າງເປັນທາງການທີ່ຫ້ອງ ປະຊຸມໃຫຍ່ກະຊວງການຕ່າງ ປະເທດ ໂດຍການໃຫ້ກຽດເປັນ ປະທານຂອງ ທ່ານ ສະເຫຼີມໄຊ ກົມມະສິດ ກຳມະການສູນກາງ ພັກ, ລັດຖະມົນຕີກະຊວງການ ຕ່າງປະເທດ ພ້ອມດ້ວຍຄະນະ ນຳກະຊວງການຕ່າງປະເທດ ແລະ ຄະນະພົວພັນການຕ່າງ ປະເທດສູນກາງພັກ, ເອກອັກ ຄະລັດຖະທູດລາວ, ນັກການ ທູດອາວຸໂສບຳນານຂອງລາວ, ຄະນະກົມ, ຄະນະພະແນກ ແລະ ພະນັກງານຂອງກະຊວງ ການຕ່າງປະເທດ ແລະ ພະນັກ ງານຄະນະພົວພັນການຕ່າງ ປະເທດສູນກາງພັກຫຼາຍກວ່າ 200 ຄົນ. ວັນທີ 12 ຕຸລາ 1945 ເປັນ ວັນປະກາດເອກະລາດຂອງ ລາວ ເຮັດໃຫ້ຊາວໂລກຮັບຮູ້ ເອກະລາດ, ອະທິປະໄຕອັນ ຄົບຖ້ວນຂອງລາວຕັ້ງແຕ່ວັນ ນັ້ນເປັນຕົ້ນມາ ຊຶ່ງຖືໄດ້ວ່າ ເປັນວັນໜຶ່ງທີ່ມີຄວາມໝາຍ ຄວາມສຳຄັນໃນປະຫວັດສາດ ຂອງປະເທດເຮົາ. ໃນເວລານັ້ນ ລັດຖະບານລາວອິດສະຫຼະໄດ້ ຮັບການສ້າງຕັ້ງຂຶ້ນ ແລະ ໄດ້ ວາງແນວທາງການເມືອງອອກ 12 ຂໍ້ ຊຶ່ງຂໍ້ສຸດທ້າຍໄດ້ກຳນົດ ເອົານະໂຍບາຍການຕ່າງປະ ເທດຂອງຕົນອອກຢ່າງເປັນ ທາງການ. ດັ່ງນັ້ນ, ລັດຖະບານ ຈຶ່ງໄດ້ກຳນົດເອົາວັນດັ່ງກ່າວ ເປັນ “ວັນການທູດລາວ” ແລະ ຖືເປັນວັນກຳເນີດຂອງການ ເຄື່ອນໄຫວດ້ານວຽກງານການ ຕ່າງປະເທດຂອງ ສປປ ລາວ ເພື່ອໃຫ້ຄົນຮຸ່ນຫຼັງໄດ້ຮັບຮູ້, ຈົດຈຳ ແລະ ເຫັນໄດ້ເຖິງບົດ ບາດຄວາມໝາຍຄວາມສຳຄັນ ຂອງວຽກງານການທູດທີ່ຕິດ ພັນກັບຜົນສຳເລັດແຫ່ງການຕໍ່ ສູ້ປົດປ່ອຍປະເທດຊາດ ແລະ ການສືບຕໍ່ເຄື່ອນໄຫວປະກອບ ສ່ວນປົກປັກຮັກສາ ແລະ ພັດ ທະນາປະເທດຊາດ ຄຽງຄູ່ກັບ ການເຊີດຊູ-ຍົກສູງບົດບາດ ຂອງ ສປປ ລາວ ໃນເວທີພາກ ພື້ນ ແລະ ສາກົນ. ໃນພິທີດັ່ງກ່າວ, ທ່ານ ພົງສະຫວັດ ບຸບຜາ ອະດີດລັດ ຖະມົນຕີ ຫົວໜ້າຫ້ອງວ່າການ ປະທານປະເທດ ອະດີດຮອງ ລັດຖະມົນຕີກະຊວງການຕ່າງ ປະເທດ ເອກອັກຄະລັດຖະທູດ ແຫ່ງ ສປປ ລາວ ແລະ ທັງເປັນ ຫົວໜ້າຄະນະບັນນາທິການ ໄດ້ກ່າວເຖິງຄວາມເປັນມາ ແລະ ບາງເນື້ອໃນສຳຄັນກ່ຽວ ກັບການຂຽນປື້ມເຫຼັ້ມນີ້ ຊຶ່ງໄດ້ ຮິບໂຮມ, ຮຽບຮຽງຂໍ້ມູນເປັນ ເວລາຫຼາຍຫຼົບຫຼາຍຕ່າວ ແລະ ໄດ້ພົບກັບຄວາມຫຍຸ້ງຍາກ ຫຼາຍປະການ. ເຖິງຢ່າງໃດກໍດີ ພາຍໃຕ້ການຊີ້ນຳໆພາຂອງ ການນຳກະຊວງການຕ່າງປະ ເທດກໍຄືບັນດາພາກສ່ວນຕ່າງໆ ທີ່ກ່ຽວຂ້ອງທີ່ໄດ້ໃຫ້ການຊ່ວຍ ເຫຼືອໃນການສະໜອງຂໍ້ມູນ ແລະ ອຳນວຍຄວາມສະດວກ ຕ່າງໆ ຈົນເຮັດໃຫ້ປຶ້ມຫົວນີ້ ສາມາດອອກສູ່ສາຍຕາມວນ ຊົນໄດ້ໃນມື້ນີ້. ຈຸດປະສົງຈັດ ພິມປື້ມເຫຼັ້ມນີ້ ແມ່ນເພື່ອໃຫ້ ບັນດາຜູ້ອ່ານສາມາດຮູ້ ແລະ ເຂົ້າໃຈເຖິງບົດຮຽນ ແລະ ປະສົບ ການ ການເຄື່ອນໄຫວວຽກງານ ການທູດຂອງການນຳລາວ ທຸກຮຸ່ນ, ທຸກສະໄໝ ເພື່ອເປັນ ຕຳລາອັນລ້ຳຄ່າໃຫ້ຄົນຮຸ່ນຫຼັງ ໝູນໃຊ້ບົດຮຽນດັ່ງກ່າວ ເຂົ້າ ໃນວຽກງານຂອງຕົນຢ່າງມີຫົວ ຄິດປະດິດສ້າງ ແລະ ແທດ ເໝາະກັບສະພາບການຕົວ ຈິງ. ນອກນີ້ ທ່ານ ສະເຫຼີມໄຊ ກົມມະສິດ ໄດ້ກ່າວສະແດງ ຄວາມຍ້ອງຍໍຊົມເຊີຍຄະນະ ບັນນາທິການ, ສະຖາບັນການ ຕ່າງປະເທດ ແລະ ທຸກພາກ ສ່ວນທີ່ໄດ້ປະກອບສ່ວນໃນ ການຄົ້ນຄວ້າ, ຂີດຂຽນ, ທຸ້ມ ເທເຫື່ອແຮງ, ຄວາມພາກພຽນ ພະຍາຍາມ, ອອກຫົວຄິດທາງ ປັນຍາ ແລະ ຮຽບຮຽງຂໍ້ມູນ ເພື່ອແບ່ງປັນຄວາມຮູ້ດ້ານປະ ຫວັດການເຄື່ອນໄຫວດ້ານ ວຽກງານການທູດຕະຫຼອດໄລ ຍະ 70 ກວ່າປີຜ່ານມາ ເຂົ້າ ໃນປຶ້ມ “ການທູດລາວ 70 ປີ” ເຫຼັ້ມນີ້.