ກອງປະຊຸມລະດັບລັດຖະມົນຕີດ້ານວຽກງານຄົມມະນາຄົມ ແລະ ຂົນສົ່ງ ລາວ - ໄທ


...

    

ກອງປະຊຸມລະດັບລັດ ຖະມົນຕີລະຫວ່າງລັດຖະມົນ ຕີ ກະຊວງໂຍທາທິການ ແລະ ຂົນສົ່ງ ສປປ ລາວ ແລະ ລັດ ຖະມົນຕີກະຊວງຄົມມະນາ ຄົມ ແຫ່ງ ລາຊະອານາຈັກໄທ ໄດ້ຈັດຂຶ້ນໃນວັນທີ 5 ຕຸລາ ຜ່ານມານີ້ ຢູ່ໂຮງແຮມວິນລາ ສັນຕິຣີສອດ ແຂວງຫຼວງພະ ບາງ ພາຍໃຕ້ການເປັນປະທານ ຂອງທ່ານ ບຸນຈັນ ສິນທະວົງ ລັດຖະມົນຕີກະຊວງ ຍທຂ ພ້ອມດ້ວຍຄະນະ (ຝ່າຍລາວ) ແລະ ທ່ານ ອາຄົມ ເຕີມພິດ ທະຍາໄພສິດ ລັດຖະມົນຕີ ກະຊວງຄົມມະນາຄົມ ແຫ່ງ ລາຊະອານາຈັກໄທ ພ້ອມດ້ວຍ ຄະນະ (ຝ່າຍໄທ), ມີທ່ານ ຄຳຂັນ ຈັນທະວີສຸກ ເຈົ້າແຂວງ ຫຼວງພະບາງ, ຜູ້ແທນຈາກບັນ ດາພາກສ່ວນທີ່ກ່ຽວຂ້ອງທັງ ສອງປະເທດເຂົ້າຮ່ວມ. ໃນກອງປະຊຸມທັງສອງ ຝ່າຍໄດ້ທົບຄວນຄືນໜ້າທີ່ບົດ ບັນທຶກກອງປະຊຸມສອງຝ່າຍ, ຄັ້ງວັນທີ 13 ກໍລະກົດ 2016, ສືບຕໍ່ປຶກສາຫາລືບັນຫາທີ່ຍັງ ຄົງຄ້າງໃນກອງປະຊຸມປີ 2016 ແລະ ບັນຫາໃໝ່ທີ່ທັງສອງ ຝ່າຍຈະຍົກຂຶ້ນໃນກອງປະຊຸມ ຄັ້ງນີ້: ມີການເຊື່ອມໂຍງຜ່ານ ຂົວມິດຕະພາບລາວ-ໄທ, ການ ເຊື່ອມໂຍງທາງລົດໄຟ, ການ ເຊື່ອມໂຍງການຂົນສົ່ງທາງລົດ ໂອໂຕ, ການເຊື່ອມໂຍງການ ຂົນສົ່ງທາງອາກາດ, ການພັດ ທະນາພື້ນຖານໂຄງລ່າງ, ການ ພັດທະນາບຸກຄະລາກອນ ແລະ ບັນຫາອື່ນໆ. ໃນໂອກາດນີ້ທັງສອງ ຝ່າຍໄດ້ມີພິທີລົງນາມໃນສັນ ຍາດ້ານການບິນ (ASA) ແລະ ພິທີລົງນາມບົດບັນທຶກກອງ ປະຊຸມ.