ລາວ-ຣັດເຊຍ ຮ່ວມມືຄົ້ນຄວ້າວິທະຍາສາດ ດ້ານເສດຖະກິດ


...

    

ສະຖາບັນຄົ້ນຄວ້າເສດ ຖະກິດແຫ່ງຊາດລາວ ແລະ ສະຖາບັນຊັ້ນສູງການປ່ຽນ ແປງຮູບແບບ ແລະ ການບໍລິ ຫານວິສາຫະກິດ ສະຫະພັນ ຣັດເຊຍໄດ້ຕົກລົງຮ່ວມມືກັນ ເພື່ອຄົ້ນຄວ້າ ແລະ ແລກປ່ຽນ ບົດຮຽນດ້ານເສດຖະກິດ. ພິທີເຊັນສັນຍາການຮ່ວມ ມືດັ່ງກ່າວໄດ້ມີຂຶ້ນໃນວັນທີ 13 ຕຸລາຜ່ານມານີ້ ທີ່ສະຖາບັນຄົ້ນຄວ້າເສດຖະກິດແຫ່ງຊາດ ລະຫວ່າງທ່ານ ລີເບີ ລີບົວປາວ ຮອງຫົວໜ້າສະຖາບັນຄົ້ນ ຄວ້າເສດຖະກິດແຫ່ງຊາດ ແລະ ທ່ານ ເຊີກີ ສະມາຄ໊ອຟ (Sergey Shmakov) ອຳ ນວຍການສະຖາບັນຊັ້ນສູງ ການປ່ຽນແປງ ແລະ ການບໍລິ ຫານວິສາຫະກິດ ສະຫະພັນ ຣັດເຊຍ. ໃນສັນຍາລະບຸວ່າ: ສອງ ຝ່າຍຈະມີການແລກປ່ຽນຂໍ້ມູນ ຂ່າວສານດ້ານວິທະຍາສາດ ຢ່າງເປັນປະຈຳກ່ຽວກັບສະ ພາບເສດຖະກິດ - ສັງຄົມຂອງ ແຕ່ລະປະເທດ ໂດຍສະເພາະ ແຜນການ ແລະ ເປົ້າໝາຍ ການ ພັດທະນາເສດຖະກິດແຫ່ງ ຊາດຂອງທັງສອງປະເທດ, ທັງ ສອງຝ່າຍຈະໃຫ້ການສະໜັບ ສະໜູນຊ່ວຍເຫຼືອຊຶ່ງກັນ ແລະ ກັນໃນການແລກປ່ຽນວິຊາ ການໃນຂົງເຂດເສດຖະກິດ, ລັດຖະສາດ ແລະ ກິດຈະກຳ ອື່ນໆ ເພື່ອສົ່ງເສີມການພົວພັນ ລະຫວ່າງນັກວິຊາການ. ສະຖາບັນຊັ້ນສູງການ ປ່ຽນແປງຮູບແບບ ແລະ ການ ບໍລິຫານວິສາຫະກິດ ຣັດເຊຍ ຈະໃຫ້ການຊ່ວຍເຫຼືອແກ່ສະ ຖາບັນເສດຖະກິດແຫ່ງຊາດ ລາວ ໃນການພົວພັນຮ່ວມມື ກັບບັນດາສະຖາບັນຄົ້ນຄວ້າວິ ທະຍາສາດຂອງຣັດເຊຍທີ່ດຳ ເນີນການຄົ້ນຄວ້າດ້ານເສດ ຖະກິດ ແລະ ລັດຖະສາດ. ສະຖາບັນຊັ້ນສູງການ ປ່ຽນແປງຮູບແບບ ແລະ ການ ບໍລິຫານວິສາຫະກິດ ຮັດເຊຍ ຈະໃຫ້ການຊ່ວຍເຫຼືອແກ່ສະ ຖາບັນເສດຖະກິດແຫ່ງຊາດ ລາວ ໃນການດຶງດູດເອົາການ ລົງທຶນຈາກຕ່າງປະເທດມາລົງ ທຶນໃນລາວ ທັງຈາກປະເທດ ຣັດເຊຍເອງ ແລະ ຈາກປະ ເທດທີສາມ ໃນຂົງເຂດການ ເງິນ, ກະສິກຳ ແລະ ຂະແໜງ ອື່ນໆທີ່ມີຄວາມສຳຄັນຕໍ່ເສດ ຖະກິດຂອງລາວ. ສະຖາບັນຄົ້ນຄວ້າເສດ ຖະກິດແຫ່ງຊາດລາວ ຈະໃຫ້ ການຊ່ວຍເຫຼືອແກ່ສະຖາບັນ ຊັ້ນສູງການປ່ຽນແປງຮູບແບບ ແລະ ການບໍລິຫານວິສາຫະ ກິດ ຣັດເຊຍ ໃນການຕິດຕໍ່ຄູ່ ຮ່ວມມືໃນພາກພື້ນ ເພື່ອຂັບ ເຄື່ອນດ້ານທຸລະກິດຂອງຄູ່ ຮ່ວມສະຖາບັນຊັ້ນສູງການ ປ່ຽນແປງຮູບແບບ ແລະ ການ ບໍລິຫານວິສາຫະກິດຣັດເຊຍ. ສະຖາບັນຄົ້ນຄ້ວາເສດ ຖະກິດແຫ່ງຊາດລາວ ຈະດຳ ເນີນການສຶກສາຄວາມເປັນ ໄປໄດ້ໃນການສົ່ງເສີມການຄ້າ ໃນ ສປປ ລາວ ໂດຍສະເພາະ ແມ່ນການຄົ້ນຄວ້າວິທະຍາ ສາດ ແລະ ການທົດລອງ - ອອກແບບ ເພື່ອຜົນປະໂຫຍດ ຂອງສອງປະເທດ. ສອງຝ່າຍຈະຮ່ວມກັນດຳ ເນີນການສຶກສາຄວາມເປັນ ໄປໄດ້ການແລກປ່ຽນທາງວິ ທະຍາສາດລະຫວ່າງສອງສະ ຖາບັນ. ການຮ່ວມມືການສຶກສາ ຄົ້ນຄວ້າວິທະຍາສາດລະ ຫວ່າງສອງສະຖາບັນຄັ້ງນີ້ ເປັນການເສີມສ້າງສາຍພົວ ພັນມິດຕະພາບ ແລະ ການ ຮ່ວມມືທາງດ້ານວຽກງານຄົ້ນ ຄວ້າວິທະຍາສາດເສດຖະກິດ ຂອງສອງສະຖາບັນໃຫ້ເຂັ້ມ ແຂງໃນຕໍ່ໜ້າເປັນການປະ ກອບສ່ວນສຳຄັນຕໍ່ສາຍພົວ ພັນການຮ່ວມມືລະຫວ່າງລາວ - ຣັດເຊຍໃຫ້ໝັ້ນຄົງຂະໜົງ ແກ່ນຍິ່ງໆຂຶ້ນ.