ເຊັນບົດບັນທຶກຄວາມເຂົ້າໃຈການຮ່ວມມືຄຸ້ມຄອງດ້ານສິ່ງແວດລ້ອມ


...

     ສູນກາງແນວລາວສ້າງ ຊາດ ແລະ ກະຊວງຊັບພະຍາ ກອນທຳມະຊາດ ແລະ ສິ່ງ ແວດລ້ອມ ໄດ້ຈັດພິທີເຊັນບົດ ບັນທຶກຄວາມເຂົ້າໃຈໃນການ ຄຸ້ມຄອງດ້ານສິ່ງແວດລ້ອມ ເມື່ອວັນທີ 14 ກໍລະກົດຜ່ານ ມາ ທີ່ສູນກາງແນວລາວສ້າງ ຊາດ, ຮ່ວມລົງນາມໃນຄັ້ງນີ້ ລະຫວ່າງ ທ່ານ ເຍ່ຍເກີຢາ ໜໍຈໍຈົງຕົວ ຮອງປະທານສູນ ກາງແນວລາວສ້າງຊາດ, ທ່ານ ນາງ ບຸນຄຳ ວໍລະຈິດ ຮອງລັດ ຖະມົນຕີ ກະຊວງ ຊັບພະຍາກອນທຳມະ ຊາດ ແລະ ສິ່ງແວດລ້ອມ ໂດຍ ໃຫ້ກຽດເຂົ້າຮ່ວມເປັນສັກຂີພິ ຍານຂອງ ທ່ານ ໄຊສົມພອນ ພົມວິຫານ ປະທານສູນກາງ ແນວລາວສ້າງຊາດ ທ່ານ ສົມມາດ ພົນເສນາ ລັດຖະມົນ ຕີກະຊວງຊັບພະຍາກອນທຳ ມະຊາດ ແລະ ສິ່ງແວດລ້ອມ ພ້ອມດ້ວຍພະນັກງານທັງສອງ. ໃນການລົງນາມຮ່ວມມື ໃນຄັ້ງນີ້ ແມ່ນມີເປົ້າໝາຍ ເພື່ອ ສ້າງຄວາມເຂັ້ມແຂງໃຫ້ສູນ ກາງແນວລາວສ້າງຊາດ ແລະ ແນວລາວສ້າງຊາດຂັ້ນທ້ອງ ຖິ່ນ ໃນວຽກງານສຶກສາອົບຮົມ, ປຸກລະດົມປະຊາຊົນບັນດາ ເຜົ່າ, ເພດ-ໄວ, ສາສະໜາ ຕ່າງໆມີສ່ວນຮ່ວມໃນການປົກ ປັກຮັກສາຊັບພະຍາກອນທຳ ມະຊາດ ແລະ ສິ່ງແວດລ້ອມ, ທັງເຮັດບົດບາດຕິດຕາມກວດ ກາການຄຸ້ມຄອງລັດ ຢູ່ຂັ້ນທ້ອງ ຖິ່ນ ໃນການປົກປັກຮັກສາຊັບ ພະຍາກອນທຳມະຊາດ ແລະ ສິ່ງແວດລ້ອມ ໂດຍອີງຕາມ ເນື້ອໃນຈິດໃຈຂອງມະຕິກອງ ປະຊຸມໃຫຍ່ຄັ້ງທີ X ຂອງພັກ, ລັດຖະທຳມະນູນ ສະບັບປັບ ປຸງ 2015, ກົດໝາຍວ່າດ້ວຍ ການປົກປັກຮັກສາສິ່ງແວດ ລ້ອມ ສະບັບປັບປຸງ ປີ 2012 ແລະ ກົດໝາຍອື່ນໆທີ່ກ່ຽວ ຂ້ອງ. ໂຄງການນີ້ຈະຈັດຕັ້ງປະ ຕິບັດຢູ່ 4 ແຂວງເຊັ່ນ: ແຂວງ ອຸດົມໄຊ, ນະຄອນຫຼວງວຽງ ຈັນ, ຄຳມ່ວນ ແລະ ອັດຕະປື ເປັນແຂວງຈຸດສຸມຕົວແບບທົດ ລອງໃນໄລຍະ 6 ເດືອນ, ເລີ່ມ ແຕ່ເດືອນກັນຍາ 2017 ຫາ ເດືອນກຸມພາ 2018, ພາຍຫຼັງ ສຳເລັດການທົດລອງແລ້ວ ຈະ ມີການສະຫຼຸຸບ, ຕີລາຄາປະເມີນ ຜົນ ແລະ ຈະປຶກສາຫາລືກັນ ໃນການສືບຕໍ່ເສີມຂະຫຍາຍ ຜົນຂອງການທົດລອງໄປສູ່ ແຂວງຕ່າງໆໃນທົ່ວປະເທດ ຮອດປີ 2020.