ສະແດງລະຄອນເວທີຕ້ອນຮັບປີສາມັກຄີ ລາວ - ຫວຽດນາມ


...

     ເນື່ອງໃນໂອກາດການ ສະເຫຼີມສະຫຼອງປີສາມັກຄີມິດ ຕະພາບລາວ-ຫວຽດນາມ 2017 ຄື: ວັນເຊັນສົນທິສັນຍາ ມິດຕະພາບ ແລະ ການຮ່ວມມື ຮອບດ້ານລາວ-ຫວຽດນາມ ຄົບຮອບ 40 ປີ ແລະ ວັນສ້າງ ຕັ້ງສາຍພົວພັນການທູດລາວ- ຫວຽດນາມ ຄົບຮອບ 55 ປີ ກະ ຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ, ກົມສິລະ ປະການສະແດງ, ສະມາຄົມສິ ລະປິນລາວຮ່ວມກັບສະຖານ ທູດຫວຽດນາມປະຈຳລາວ, ສູນວັດທະນະທຳຫວຽດນາມ ປະຈຳລາວ, ສະມາຄົມໃຫຍ່ ຊາວຫວຽດນາມປະຈຳລາວ ແລະ ສະມາຄົມຊາວຫວຽດ ນາມນະຄອນຫຼວງວຽງຈັນ ໂດຍໄດ້ຮັບການຮ່ວມມືຈາກ ກະຊວງປ້ອງກັນປະເທດໄດ້ ຈັດກິດຈະກຳການສະແດງລະ ຄອນເວທີທີ່ມີຊື່ວ່າ: "ຮ່ວມຂຸມ ຄອງດຽວກັນ ເພື່ອຂ່ຳນັບຮັບ ຕ້ອນສະຫຼອງສອງວັນປະຫວັດ ສາດລາວ-ຫວຽດນາມດັ່ງກ່າວ ຂຶ້ນໃນວັນທີ 14 ກໍລະກົດ ຜ່ານ ມານີ້ ທີ່ຫໍວັດທະນະທຳແຫ່ງ ຊາດ ໃຫ້ກຽດເຂົ້າຮ່ວມຊົມການ ສະແດງ ມີທ່ານ ສອນໄຊ ສີພັນດອນ ກຳມະການກົມການ ເມືອງສູນກາງພັກ ຮອງນາຍົກ ລັດຖະມົນຕີ ທັງເປັນຮອງປະ ທານຄະນະກຳມະການລະດັບ ຊາດ ເພື່ອການສະເຫຼີມສະຫຼອງ ສອງວັນປະຫວັດສາດ ລາວ- ຫວຽດນາມ, ມີທ່ານ ຫງວຽນ ບາຮຸ່ງ ເອກອັກຄະລັດຖະທູດຜູ້ ມີອຳນາດເຕັມແຫ່ງ ສສ ຫວຽດ ນາມ ປະຈຳ ສປປ ລາວ, ມີຜູ້ ນຳພັກ-ລັດລາວ ແລະ ຫວຽດ ນາມ ຕະຫຼອດຮອດມວນຊົນ ຊາວນະຄອນຫຼວງວຽງຈັນ ແລະ ຊາວຫວຽດນາມທີ່ດຳລົງ ຊີວິດຢູ່ລາວ ເຂົ້າຮ່ວມຊົມຢ່າງ ຫຼວງຫຼາຍ. ການສະແດງລະຄອນ ເລື່ອງນີ້ ເພື່ອເປັນການທົບທວນ ຫວນຄືນມູນເຊື້ອແຫ່ງການ ພົວພັນມິດຕະພາບ, ຄວາມສາ ມັກຄີແບບພິເສດ ແລະ ການ ຮ່ວມມືຮອບດ້ານລະຫວ່າງ ລາວ-ຫວຽດນາມ, ຊຶ່ງເປັນປັດ ໄຈພື້ນຖານຕັດສິນໄຊຊະນະ ຂອງການປະຕິວັດຂອງສອງ ປະເທດ ແລະ ເພື່ອເປັນການ ສະແດງຄວາມຮູ້ບຸນຄຸນຂອງ ພັກ-ລັດຖະບານ ແລະ ປະຊາ ຊົນບັນດາເຜົ່າຂອງທັງສອງ ຊາດລາວ ແລະ ຫວຽດນາມ ທີ່ໄດ້ໃຫ້ການສະໜັບສະໜູນ ຊ່ວຍເຫຼືອຊຶ່ງກັນ ແລະ ກັນໃນ ພາລະກິດຕໍ່ສູ້ ເພື່ອຄວາມເປັນ ເອກະລາດຂອງຊາດ ກໍຄືພາ ລະກິດປົກປັກຮັກສາ ແລະ ສ້າງ ສາພັດທະນາປະເທດຊາດ ໃນປັດຈຸບັນລະຄອນເລື່ອງດັ່ງ ກ່າວປະພັນ ແລະ ກຳກັບການ ສະແດງໂດຍ ທ່ານ ຫົງລະຄອນ ທຸມພະລາ ສິນລະປິນດີເດັ່ນ ການສະແດງໃນເທື່ອນີ້ ມີນັກ ສະແດງເຂົ້າຮ່ວມທັງໝົດ 80 ກວ່າຄົນ ທີ່ມາຈາກບັນດາກອງ ສະແດງອາຊີບ, ຄະນະນັກ ສະແດງສະໝັກຫຼິ້ນ ທັງພາກ ລັດ ແລະ ສັງຄົມ. ການສະແດງໄດ້ດຳເນີນ ໄປດ້ວຍບັນຍາກາດມ່ວນຊື່ນ ມີທັງໂສກເສົ້າ ຊຶ່ງສະແດງໃຫ້ ເຫັນນ້ຳໃຈເສຍສະຫຼະອັນສູງ ສົ່ງຂອງນັກຮົບປະຕິວັດຂອງ ຊາດເຮົາ ທີ່ຕໍ່ສູ້ບໍ່ຍອມຈຳນົນ ບໍ່ຍອມເສຍດິນດອນຕ່ອນຫຍ້າ ແລະ ປະເທດຊາດອັນແສນຮັກ ໃຫ້ພວກຈັກກະພັດຕ່າງດ້າວ ທີ່ມາຮຸກຮານປະເທດເຮົາ ແລະ ພວກລູກແຫຼ່ງຕີນມືປະຕິ ການຂາຍຊາດ ແລະ ສະແດງ ໃຫ້ເຫັນນ້ຳໃຈມິດຕະພາບ ເສຍສະຫຼະອັນສູງສົ່ງຂອງນັກ ຮົບອາສາສະໝັກຫວຽດນາມ ອ້າຍນ້ອງທີ່ມາປະຕິບັດໜ້າທີ່ ຢູ່ປະເທດລາວເໝືອນດັ່ງປະຕິ ບັດໜ້າທີ່ຢູ່ປະເທດຂອງຕົນ ເອງ ຊຶ່ງການສະແດງໄດ້ສ້າງ ຄວາມປະທັບໃຈບັນດາຜູ້ເຂົ້າ ຊົມເປັນຢ່າງດີ. ໂອກາດດັ່ງກ່າວກ່ອນ ການສະແດງລະຄອນ, ທ່ານ ບໍ່ແສງຄຳ ວົງດາລາ ລັດຖະ ມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ທ່ານທູດຫວຽດນາມ ໄດ້ ໃຫ້ກຽດມອບໃບຍ້ອງຍໍໃຫ້ບັນ ດາພາກສ່ວນຜູ້ໃຫ້ການອຸປະ ຖຳການສະແດງໃນຄັ້ງນີ້.