ອົງຄະນະພັກ ສວສຊ ດຳເນີນຊີວິດການເມືອງປັບປຸງປົວແປງພັກ


...

     ອົງຄະນະພັກສະຖາບັນວິທະຍາສາດສັງຄົມແຫ່ງຊາດ (ສວສຊ) ໄດ້ໄຂບັ້ນດຳເນີນຊີວິດການເມືອງປັບປຸງປົວແປງພັກ ຂຶ້ນໃນວັນທີ 14 ກໍລະກົດນີ້ ແລະ ໄດ້ສຳເລັດລົງໃນວັນດຽວກັນ ໂດຍການເຂົ້າຮ່ວມຂອງສະຫາຍ ກິແກ້ວ ໄຂຄຳພິທູນ ກຳມະການ ສູນກາງພັກ ເລຂາທິການສູນກາງພັກ ຫົວໜ້າຄະນະໂຄສະນາອົບ ຮົມສູນກາງພັກ, ພາຍໃຕ້ການ ເປັນປະທານຂອງສະຫາຍ ສຸກກົງແສງ ໄຊຍະເລີດ ເລຂາ ຄະນະພັກ ປະທານສະຖາບັນ ວິທະຍາສາດສັງຄົມ ແຫ່ງຊາດ, ສະຫາຍເລຂາຄະນະພັກໄດ້ ກ່າວວ່າ: ກອງປະຊຸມບັ້ນດຳ ເນີນຊີວິດການເມືອງປັບປຸງ ປົວແປງພັກຂອງອົງຄະນະ ພັກ ສວສຊ ນີ້ຂຶ້ນໃນໄລຍະທີ 02 ຊຶ່ງກອງປະຊຸມຈະໄດ້ພ້ອມ ກັນຮັບຟັງການແນະນຳວິ ທີການຜ່ານບົດສຳຫຼວດຂອງ ແຕ່ລະສະຫາຍໃນອົງຄະນະ ພັກ ຢ່າງກົງໄປກົງມາດ້ວຍ ຄວາມຈິງໃຈ ແລະໄດ້ປະກອບ ຄຳຄິດຄຳເຫັນ ທັງໄດ້ລົງເລິກ ໃນການຕຳນິຕິຊົມ - ກໍ່ສ້າງ ຊ່ວຍເຫຼືອຊຶ່ງກັນ ແລະ ກັນ ພ້ອມກັນປັບປຸງປົວແປງພັກ ຢູ່ໃນການນຳພາຂອງອົງ ຄະນະພັກ ແລະ ແກ້ໄຂບັນດາ ປະກົດການຫຍໍ້ທໍ້ຕ່າງໆພາຍ ໃນພັກ ໃຫ້ເລິກເຊິ່ງເຖິງຖອງ, ກວດກາຄືນບັນດາຈຸດດີ-ຈຸດ ອ່ອນ ໃນການນຳພາ-ຄຸ້ມຄອງ ຂອງພັກ, ການເສີມຂະຫຍາຍ ຕົນຢ່າງຕັ້ງໜ້າກ່ຽວກັບຈຸດດີ, ເດັດດ່ຽວແກ້ໄຂບັນດາຈຸດ ອ່ອນ, ຂໍ້ຄົງຄ້າງທີ່ຜ່ານມາ ທັງ ສຳຫຼວດຄືນກ່ຽວກັບຄຸນທາດ ການເມືອງ, ຄວາມໂປ່ງໃສ, ໜັກແໜ້ນ, ເຂັ້ມແຂງ, ຄຸນສົມ ບັດສິນທຳປະຕິວັດ, ລະບອບ ແບບແຜນວິທີເຮັດວຽກ ແລະ ແບບແຜນນຳພາ, ຕາມແບບ ແຜນຫຼັກການລວມສູນປະຊາ ທິປະໄຕ, ລວມທັງແບບແຜນ ດຳລົງຊີວິດ, ຄວາມຮັບຜິດຊອບ ຕໍ່ໜ້າທີ່ການເມືອງຂອງແຕ່ ລະສະຫາຍໃນອົງຄະນະພັກ. ເພື່ອເຮັດໃຫ້ກອງປະຊຸມ ບັນລຸງຕາມຈຸດປະສົງ ແລະ ຄາດໝາຍທີ່ວາງໄວ້ນັ້ນ ຮຽກ ຮ້ອງມາຍັງບັນດາສະຫາຍ ຈົ່ງ ພ້ອມກັນຍົກສູງຄວາມຮັບຜິດ ຊອບຕໍ່ບັ້ນດຳເນີນຊີວິດການ ເມືອງໃນເທື່ອນີ້ໃຫ້ດີທີ່ສຸດ! ສຸມທຸກສະຕິປັນຍາເຂົ້າໃນ ການຄົ້ນຄວ້າ, ການປະກອບ ຄຳຄິດຄຳເຫັນໃຫ້ເລິກເຊິ່ງຢ່າງ ມີຄວາມຈິງໃຈ ເວົ້າກັນໃນໝູ່ ຄະນະ. ຫຼັງຈາກສຳເລັດກອງ ປະຊຸມຄັ້ງນີ້ແລ້ວ ຮຽກຮ້ອງໃຫ້ ບັນດາສະຫາຍໃນອົງຄະນະ ພັກ ຈົ່ງພ້ອມກັນຕັດສິນໃຈໃຫ້ ມີການປ່ຽນແປງໃໝ່ ຕາມການ ຊີ້ນຳຂອງພັກຢ່າງແທ້ຈິງ ເພື່ອ ສ້າງບາດກ້າວອັນໃໝ່ ທັງເພີ່ມ ການພັດທະນາໃຫ້ ສວສຊ ກ້າວໜ້າ ທັງສ້າງຄວາມສາມັກ ຄີເປັນເອກະພາບພາຍໃນອົງ ຄະນະພັກ ແລະ ສະມາຊິກພັກ ໃນ ສວສຊ ໃຫ້ເປັນປຶກແຜ່ນ ຕະຫຼອດໄປ. (ຂ່າວ-ພາບ: ພູວຽງຄຳ)